TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » trieste International » Meeting del G8 e G20
Nuovo Topic  Rispondi Precedente :: Successivo 
Meeting del G8 e G20
MessaggioInviato: Gio Mag 27, 2010 5:55 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Sto ano i membri del grpo delle nazioni più benestanti, el G8 gavarà logo in Canada, precisamente a Toronto. Oltre al meeting del G8, Canda ga anche el dubioso onor de ospitar la conferenza internazionale del G20. In tuto, in sti tempi de "restraint," (restrizion fiscale?) el citadin canadese contribuente doverà sborsar un miliardo de dolari solo per le misure de sicureza e protezion dei membri. Quanti milioni oltre ale misure menzionade che costerà sta mascherada de democrazia internazionale no se sa ancora.

La domanda che se fazemo noi tuti xe la piu semplice de tute le domande, una che i fioluzi in ne la fa zà dal'età de tre ani: "PERCHEEE?"

I vien qua, i se incontra per due o tre giorni, i diventa la bobana per i fotografi, i TV cameramen e giornalisti, insoma tuto un casin de foto oportunità, i se senta venti minuti torno una tavola per leger una dichiarazion per leader, che la xe stada ben studiada a memoria tre giorni prima de venir e che nesun de lori la ga composta ma inveze i se la ga fata scriver dai scriba personali e dopo i torna al'aeroporto, a bordo dei jets privati e via lori.

Tuto sto carneval costosisimo che se ripeti za da ani anorum, storicamente no'l ga mai concluso niente de costrutivo. Che me ricordi mi, no go mai visto el mondo cambiar in seguito a un de sti "importantisimi" meetings" epur, nonostante l'averson de più o meno tuti quei che i la pensa logicamente, i continua a svolgerse come se veramente el mondo dovesi piombar nel' abiso del'armaghedon se i dovesi smeterli.

L'argomento che sti leader mondiali i devi incontrarse facia a facia de tanto in tanto xe fasulo, perchè, al meno nel caso del nostro primo ministro, per esempio, in tre ani lui li ga incontradi tuti e za tante volte; in più, nel mondo dela comunicazion instantanea odierna, ste grandiose mostre de potere, abondanza e luso decadente (el mio ruplan xe più grande del tuo, naa-na-na-naa-naa!) le xe no solo fora posto ma imorali. El mondo, fora che quele venti nazioni rapresentade, el mori de fame e sti qua i spendi miliardi per l'oportunità de fotografarse insieme, miliardi che, spesi con sageza i faria veramente una diferenza a quei che i sofri.

Diseme che son cinico se volè, ma mi per quei pochi soldini che go per goderme i ultimi ani dela mia vita me li go guadagnadi un per un, lavorando e sparagnando, e veder le tase che pago e go pagado sprecade cusì, mentre i sera scole, leti ospedalieri e un devi spetar mesi per farse operar la schena, gamba o quel che un devi operarse, me crea una rabia ceca.


Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Gio Mag 27, 2010 6:14 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Ma neanche per idea, caro Orso, no te son affatto cinico, te son solo che realista e spero che parecchi come ti se gabi accorto che xe tutto un fumo
nei oci che i devi butarghe alla gente per uscir dal coro.
Tutti quei che li circonda , oltre a lori ovviamente , magna e continuerà
a magnar senza colpo ferire, ma quel che decisamente rompi xe che
semo proprio noi a impignirghe le tasche.
I mati xe furbi, i gà trovado el metodo giusto , o quasi, per infenociar
la gente e purtroppo tutto resta come prima e xe ,e soprattutto sarà,
la vecia" fiaba de sior intento che la dura molto tempo e mai no la se
distriga." Crying or Very sad

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Ven Mag 28, 2010 12:42 pm Rispondi citando
york
Registrato: 18/12/05 18:14
Messaggi: 1417
Località: Victoria, BC, Canada




Ogi di xe tuto ''MEGA'' mega debiti, mega magniadora, mega disastri, mega morti de fame, mega uso de droghe, speta un poco e un de sti giorni gaveremo una mega epidemia che sfolera la tera ... solo cosi saremo mega contenti..... Surprised


York Very Happy

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Ven Mag 28, 2010 12:59 pm Rispondi citando
Pavel
Registrato: 06/09/09 17:55
Messaggi: 90
Località: Dolina




margherita ha scritto:
Ma neanche per idea, caro Orso, no te son affatto cinico, te son solo che realista e spero che parecchi come ti se gabi accorto che xe tutto un fumo
nei oci Crying or Very sad

Ma povereti...gaverà diritto anche lori de trovarse ogni tanto e far do ciacole, che tanto quele xe!! ciacole. Solo che no i se accontenta de lubjanske, solo con quel che i gà magnà co i xe vigui in Italia tra danni (vedi Genova)che nissun gà risarcì e tangenti varie se sparagnavimo una manovra economica Wink
Profilo Trova tutti i messaggi di Pavel Messaggio privato
MessaggioInviato: Mer Giu 30, 2010 1:39 am Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Squasi 1.35 miliardi (MILIARDI, capimose ben qua) de dolari ne xe costado sto capricio del nostro primo ministro de farse fotografar coi leaders del mondo. Oltre a quel ghe sarà qualche milion de dani dovudi a quela ganga de farabuti incapuciadi che i se fa vivi in tute ste conferenze internazionali e che i rompi vetrine, brusa auto e rovina tuto dove che i va, inclusi el spirito e lesenza de quei che onestamente i protesta e i fa dimostrazioni per atirar l'atenzion sui problemi tragici he afligi el mondo de ogi; le guere, terorismo internazionale, l'ambiente ecologico. la fame, l'AIDS in Africa, l'autocrazia inumana ancora presente in Cina, nonostante l'emancipazion economica e via disendo.

Per conto mio, xe un giorno triste per el Canadà.

Orso Evil or Very Mad Evil or Very Mad Evil or Very Mad

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Mer Giu 30, 2010 10:51 am Rispondi citando
margherita
Registrato: 25/12/05 19:43
Messaggi: 3072
Località: Trieste




Xe un giorno triste non solo per el Canada, ma per tutti quei che
come fine vero gà el bene del proprio paese e del mondo in cui
vivemo .
Se le azioni seguissi veramente le parole che vien butade fora
solo per far aria forsi el mondo podessi almeno in parte cambiar,
ma se vigi e vigerà sempre l'imperativo "pro domo sua" se doverà
sperar che qualche piccolo miracolo se verifichi per arginar la
discesa che el mondo gà ormai da troppo tempo intrapreso.

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
Meeting del G8 e G20
Indice del forum » trieste International
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015