:: Leggi il Topic

andy · aministrator

ciao concittadini , dopo la pausa vacanziera go pensà de meter questo bel topic ... quindi forza con la memoria , intanto metto un
(va ben anche i banali ma boni)

xe più giorni che luganighe , ancora un .....

xe meio una torta in tanti che una m***a solo (a.cecchelin)

servolo · Registrato: 09/10/05 15:55

Salve e alora tachemo cola meteorologia, volè saver cossa che farà el tempo domani?

Se no guanta cambia

........e no se sbaglia mai.Altro che el rimpianto Bernacca........
Servolo

Karolina · Registrato: 06/10/05 10:05

bona idea Andy Mad

allora andemo avanti....

Far e disfar, xe tuto un lavorar!!

Esser co'una scarpa e un zocolo!!

Amor, rogna e tosse, no se pol nasconder!!

Questa me piasi particolarmente:

A chi che no ghe piasi el vin, che Dio ghe cioghi l'acqua!!

El can no mena la coda per gnente!!

Val più un'ora in allegria, che zento de maliconia!!

Adesso andemo 'vanti muli e mule, pensè un pochetin e vederè che le vien fora.

servolo · Registrato: 09/10/05 15:55

Salve una volta se usava dir:
dona,can e bacalà,
no xe bon
se no xe bastonà

adesso la baba prima la te torna sazio, pò la te denuncia,el can te morsiga e bacalà costa caro......

Più che te la missji
più la spuza

A chi che gà inventà el leto sarija
de farghe un monumento.

I sempi xe sempre i primi a farse sentir.

Richeza mobile e miseria stabile.

La luna no xe sempre tonda.

El xe andà baul e el xe tornà casson.

Chi no gà testa gà gambe.

El sbrissa ma nol casca.

Trovar quel de formaio.

Salute senza bori xe una meza malatia.

El par el reclam de cassa malati.

Se te compri el gato in sacco no te sà de che color el gà la coda.

Restar de stuco.

Butarse al porco.

C...r fora delbucal.

Ciacole no fà fritole.

Val più un sentite che cento alzite.

El sà una più del diavolo.

El canta in ciave de condoto.

Te gà fame magna corame.

Morose giovini e vin vecio.

Beati i ultimi se primi gà creanza.

El xe andà sburtar radicio.

Amor no xe brodo de fasoi.

El xe fortunà come el can in cesa.

servolo · Registrato: 09/10/05 15:55

...........

Tre volte tajo e sempre curto xe.

Fora el sangue dentro el mestier.

Notar sul jazo e sugar sul sol.

Ogni giorno nassi un cuco, beato chi che se lo cuca.

Gaver la schena de vetro.

Affari de chebe.

La goba dei altri no indriza la mia.

Quel che no mazza ingrassa.

Lavarghe la testa al muss, te perdi savon e tempo.

Una volta cori el levro una volta cori el can.................

andy · aministrator

ahhha aahahh ahahh ... che bele Very Happy

la joza continua la sbusa la piera

chi no se misura vien misurà

meio imbiecai che rotti e disfai

l'erba che non ga radise se seca presto

chi magna garbo no magna maduro

le robe fate con la testa camina sole

bisogna distirar i pie come che xe longo el linziol

meio un muss che ne porti che un caval che ne ribalti

xe inutile serar la stala co' i manzi xe scampai

no se fà un capel per una piova sola

chi non sa morsigar che no mostri i denti

chi non ga santi non ga buzolai

tuta l'acqua finisi in mar

andy · aministrator

dimenticavo ....

el xe come le tette dele monighe

servolo · Registrato: 09/10/05 15:55

...........

morir e pagar debiti xe sempre tempo.

andar in cinema bianchini,
soto le coverte e sora i cussini.

Speta mus che l'erba cressi.

Se mia nona gavessi le riode mi sarija un careto.

Andar cambiarghe l'acqua ale olive.

A quaranta i muri comincia far la panza.

El porco se lo pesa dopo morto.

Xe pezo el tacon del buso.

Pianzer el morto per ciavar el vivo.

I xe come cul e camisa.

Picolo omo grande canaja.

Stuco e pitura fà bela figura.

Nato in barca,sera la porta.

Per star ben ghe vol pirole de galina e siropo de cantina.

andy · aministrator

bisogna bater el fero fin chè el xe caldo

dò lire de mona in scarsela non fà mai mal

fioi e colombi sporca la casa

speta muss che l'erba cressi

Karolina · Registrato: 06/10/05 10:05

....avanti tuta!

domandar xe lecito, risponder xe cortesia.

can, vilan e zentilomo venezian no i sera mai la porta. ( el primo no ga man, el secondo perchè no'l ga creanza, el terzo ghe la sera el servo)

el pan de casa stufa

un'albero vecio no se lo indriza

cortesia de boca, poco costa e val assai

la lingua onzi, el dente sponzi

l'usel in gabia, canta de passsion o de rabia

chi se ama se brama

basta una piccola falisca per impizar un fogo

a chi presto la ghe monta, presto la ghe passa

ocio no vedi e cuor no credi

contro la gelosia no ghe xe rimedio in farmacia.

can no magna can

simpatici, vero? allora cossa spetè forumisti ??? andemo 'vanti
Very Happy

micel · Ospite

servolo, scusime...te ga anche qualcossa su le savonete?...xe per un mio amico. Grazie.

servolo · Registrato: 09/10/05 15:55

servolo · Registrato: 09/10/05 15:55

.........no te gà un poco de quel che se ciama

o de rifa o de rafa bisogna far

anca i remenai magna pan

morto mi morto el mondo

c.g.rse sui riboti

vergogna xe rubar e no portar a casa

muro vecio fà panza

xe meio parlar in triestin che darghe scapeloti a Dante

vame fora dele s'cinche o no romper le togne

el xe andà contar sasseti

chi mori el mondo lassa
chi resta se la passa.......

machinista · Registrato: 12/08/06 16:48

Karolina · Registrato: 06/10/05 10:05

robitaillefan.... no sta aver riguardo...el forum xe fato aposta per scriver e no solo per leger!!!