TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » locai,agriturismi,trattorie,osterie e betole » Agriturismi
Nuovo Topic  Rispondi Precedente :: Successivo 
Agriturismi
MessaggioInviato: Mar Feb 14, 2006 10:20 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




No semo ancora come i Furlani...e credo che no lo saremo mai, però anca noi gavemo ormai qualche discreto agriturismo.

Tanti xe vece osmize che se ga cambià in agriturismi perché xe de moda, perché l'Union Europea vol cusì...e perché rendi sai sai de più...

Mi vado tante volte ala Fattoria Carsica. Xe sula strada tra Gabroviza e Samatorza, dopo el bivio per Bristie e prima de quel per Sales, in località Bajta. Magda, la parona, xe una dona incredibile, che manda vanti tuta la baraca (xe una regia in verità...) senza risparmiarse, lavorando tuto el giorno e mi credo anca la note. Se magna ben e vario. Prezi medi. El vin xe quel dela sua azienda agricola, che se ciamava Bajta e fazeva osmiza a Sgonico vizin la cesa. Deso se go visto giusto sule fiasche de Teran, la se ciama Riolino (che xe el cognome de Magda). El cognà ga inveze el agriturismo che xe a Sales, più de vecia apertura, ma con otima qualità anca quel. Tuti e do ga porchi e li copa ogni tanto. Cusì de Magda xe un spaceto che vendi carne de porco e luganighe, vin e prodoti de l'orto. E del cognà i vendi luganighe e patate. De provarli.

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Mer Feb 15, 2006 9:45 am Rispondi citando
Karolina
Registrato: 06/10/05 10:05
Messaggi: 1354
Località: trieste




Co xe verta l'osmiza de Sgonico, quela de le vacche, compro sempre la roba sua de lori, patate, zivole, in primavera go trovà bisi.Le patate le xe bone per far i gnocchi.I ga anche un bon vitovska.

_________________
..che l'A vadi ben, che l'A vadi mal, sempre alegri mai passion!
Profilo Trova tutti i messaggi di Karolina Messaggio privato
MessaggioInviato: Sab Feb 18, 2006 5:37 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




Volesi far una bona publicità a un agriturismo poco cosnosù, ma che meritassi sai de più.

Se trata de SVARA, a Ternova Piccola 14. Sula strada che de Gabroviza porta a Samatorza e dopo a Tenova e al confin de Goriansko, poco prima de Ternova sula destra, soto la strada xe quesa azienda agricola sai bela e curada. Drento xe papà e fia (la mama, purtropo, la ne ga lasà per sempre). Lu cusina (sai ben) e la mula servi in tavola. Se magna robe fresche e domace, fate ben. Semplici ovio. Ogi presempio jera gnochi col sugo de costine che jera una meraviglia o jota de quela super per primo. Una scelta de carne ala griglia de tuti i tipi e contorni vari (rave, capuzi, patate in tecia...). Dolci, cafè, teran, bibite varie completa l'oferta.

Pur esendo sabato el local jera praticamente svodo e no perché nol sia bon, anzi! per mi che li provo tuti, xe sai ma sai più bon de altri sai più frequentadi. Solo che no el xe conosù. Anca perché el sior, causa el fato che i xe lori due soli, nol riva a verzer sempre e cusì la gente che pasà davanti no se gnanca inacorzi che el xe, o pensa che sia serà.

Mi però ve consiglio de provarlo e de portarghe anca tranquilamente i amici. Solo xe mejo prima telefonar per eser sicuri che el sia verto.

Qua xe el numero: 040 200898

e qua el bilieto de visita:


_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
casale cjanor
MessaggioInviato: Mar Mag 09, 2006 12:47 pm Rispondi citando
Karolina
Registrato: 06/10/05 10:05
Messaggi: 1354
Località: trieste




questo xe l'agriturismo dove che vizin te trovi i nidi de le cicogne. La sua specialità xe l'oca, maiale, anatra e germano reale e per chi che ghe piasi anche stracotto d'asino. I prezzi non xe troppo alti ma sopratutto xe ben fatto. Xe bel per i fioi perchè xe un bel parco con un piccolo laghetto con dentro i cigni.
Profilo Trova tutti i messaggi di Karolina Messaggio privato
ittiturismo
MessaggioInviato: Mar Giu 13, 2006 10:47 am Rispondi citando
Karolina
Registrato: 06/10/05 10:05
Messaggi: 1354
Località: trieste




questo local non xe un'agriturismo bensì un ittiturismo - quel de Muja - se non se mai stadi provè che non xe mal come prezzi sia come cibarìa. se ciama "alle terrazze" ve digo coss' che gavemo magnà:
2 antipasti de pesse misto (bon)
1 ociada
1 fritto calamari e sardoni
mezo de vin
2 insalate
€ 36
e dopo per finale 'stò bel tramonto muiesan el local xe subito dopo la trattoria "la risorta".
Profilo Trova tutti i messaggi di Karolina Messaggio privato
Agriturismi
Indice del forum » locai,agriturismi,trattorie,osterie e betole
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015