Tuta la serie de Bonelli: Tex Willer, Zagor, Mister No, Martin Mystere, qualcosa de Dylan Dog, Magico Vento (che go ispirà mi dopo una stimana de jota...), el Comandante Mark. E de muleto Alan Ford, qualcosa dela Marvel fino a quando no i ga comincià a missiar le serie coi crossover (che te dovessi esser milionario per starghe drio a tute), el mitico Andy Capp. E una volta ghe iera Lanciostory, Skorpio, Intrepido, Monello. Lo go za messo su un altro topic, ma comunque su www.pagine70.com tra le tante robe se pol trovar anche i fumeti de quei ani. Adesso quel che me piasi tanto xe Milo Manara. A parte i sogeti... ga un disegno che me piasi sai.
_________________ "An eye for an eye will make us all blind"
Dylan Dog gò molà, guanto con Napoleone e sopratuto con Nathan Never (go tuto.......
anche mi me piaseva i sudamericani de Lanciostory e Skorpio. Son andà a zercarme e gò trovà "L'Eternauta", "La Città", "Cronache del Tempo Medio"....me piasi Toppi, Pratt (Corto Maltese per mi xè 'ssai roba)...certa roba dela Marvel.
Tra le strisce: Bloom County, Calvin & Hobbes, Donnesbury e sopratuto el mitico Charlie Brown (onor a C.Schulz... )
_________________ "Non c'è critica più feroce della minuziosa descrizione dei fatti" (Von Moltke)
Anche mi de muleto iero un apasionado de fumeti: go cominciado come tuti col Topolino (primo apuntamento setimanale co l'edicola). E in quei ani riva anche la pasion per Asterix (ma in sto caso i apuntamenti iera più diradadi e in libreria).
De più grandeto riva i vari Monello, Intrepido e co (sopratuto perchè li portava casa mio fradel Roby) e de la apasionarme ai vari autori sudamericani xe stado un paseto piciopicio. E cussì prima dei 20 ani consumavo parte dela mia pagheta (no fumavo, perciò gavevo soldini che me vanzava) un rivista come Linus, Frigidaire, Alter ALter, L'eternauta dove oltre ai sudamericani go scoperto Corbin, Pratt, el grandisimo Pazienza, Crepax, Moebius e tanti altri.
Quakche ano de riposo e scopro i fumeti dela Bonelli: certi li conossevo za, ma no li legevo (Zagor, Tex, il Comandante Mark): me capita de leger Martin Mystere e xe una fulminazion! De la paso a Dylan Dog, Nathan Never e Julia: ogni setimana esci qualcossa e mia moglie (che de principio ghe piaseva) comincia a rugnar, se no altro perchè dopo poco i giornaleti comincia a intrigar. E dopo riva el pupo e comincia mancar el tempo de leger fumeti (dei mii) e riva el tempo de tornar a leger Topolino e Asterix: insoma el cercio se ga serà.
_________________ Ci vuole tutta una vita per capire che nella vita non serve capire tutto
Xe sta mio papà che me ga portà a casa i primi fumeti. E jera Tex. Ma quei originali. Da "La mano Rossa" a "Uno contro venti" a "Il fuorilegge" e cusì via. Li go leti tuti fin più o meno al n. 150. Pecà che mio papà li butava via dopo leti. deso i valesi una picia fortuna. E dopo, ovio Topolini, ma anca "Guerra d'Eroi" (savevo tute le esclamazioni dei soldai tedeschi e tute le armi che ghe iera...). Iera anca sai Tiramolla e altri fumetini de personagi de quel tipo che no me ricordo i nomi.
Po son cresù e anca mi go leto Intrepido e Il Monello e Lancio Story. Ma anca "Il Corriere dei Ragazzi (ex "dei Piccoli"). E po' la Marvel: L'Uomo Ragno, Thor, I Fantastici 4 (i altri no me piaseva). Zagor, L'Uomo Mascherato, Capitan Miki.
A un certo punto ga comincià a vignir fora una testata sai bela. Se ciamava "Il Mago" e gaveva drento stripes de tanti disegnatori internazionai. Ga durà, se me ricordo ben, un per de ani. Po ga serà. Ma xe sta un pecà. Iera roba de qualità.
Lasemo perder quei che se legeva de militar (il Montatore, Zora, ecc...). Go leto poco Diabolik e Kriminal. Poco Alan Ford. Sai Asterix.
Po me son inamorà de Bonvi, con le sue Sturtruppen ma anca con Cattivik. E con i sui libri a fumeti fati con Guccini. E De Silver . Go comprà per ani tuto quel che el fazeva de Lupo Alberto.
E deso, dopo ani che no legevo più fumeti, son denovo con Topolino....ghe li rubo a mio fio...!
(forsi go dismentigà qualcosa, ma rimedierò co e se me ricorderò)
_________________ LSMT
to boldly go where no man has gone before (compleanno: 18 gennaio)
E qua verzo una parentesi tra fumeti e film. Cossa pensè dela trasformazion dei eroi dei cartoni in atori in carne e ossa? Per quel che me riguarda Popeye (con Robin Williams), Tex Willer (con Giuliano Gemma), Lucky Luke (con Terence Hill) i se li podeva risparmiar. Inveze quel che xe riuscì bastanza xe quei dela Marvel: L'Uomo Ragno, I Fantastici Quattro, X Men, Daredevil, The Punisher e i primi Superman. Quei de Batman xe ben fati, el problema xe che ogni volta i ga cambià el protagonista: Michael Keaton, Val Kilmer e i altri sinceramente no me ricordo. L'unico dei supereroi che no me ga piasso xe Hulk, che con i efeti speciali che i ga ogi i podeva sicuramente farlo meio. Sai più bei i veci telefilm con Lou Ferrigno. Ah, me dimenticavo de Sturmtruppen! Bei fumeti, bravissimi Cochi e Renato, ma insieme no i me ga convinto, pur se ghe iera el stesso Bonvi dentro.
_________________ "An eye for an eye will make us all blind"
Che strano che nissun de voi se ricorda de "Il piccolo sceriffo", che iera pur difusissimo e costava anche poco perchè el iera in formato strscia.
Me ricordo anche de aver comprà nel 1952 el primo numero de "Il Monello", che come prezzo de lancio costava 10 lire (Topolino costava 80)!
Naturalmente a scola i me ga subito affibbià el nomignolo "Ciccio Tom", data la stazza e dato anche el cognome, ma mia cugina me diswva che ghe somigliavo de più a Superbone....
Mia mama nel '52 la gaveva 3 ani... Me saria un poco dificile ricordarme del Picolo Scerifo... Al massimo la Pimpa o Cocco Bill, de Jacovitti, coi salami co le zate in ogni canton...
_________________ "An eye for an eye will make us all blind"
Te ga ragion, Bumba, ma sicome che qua mi, a 59 ani, no son gnanche uno dei decani, pensavo che qualchedun dei più...maturi podessi ricordarsene! Ma te vol meter la sodisfazion,ricordarse de qualcossa per primo?
Boh...penso che svolazavo ne nuvoleta in nuvoleta in atesa che un per de lori decidesi de ciamarme zo a combinar disastri per un pochi de ani...
E comunque me ricordo lo steso del Piccolo Sceriffo, ma anche del Piccolo Ranger. E su sti qua iera sempre mio papà che portava a casa le strisce. Del resto lu iera del 1931 e l'epoca d'oro de quei personagi (come Tom Mix per andar sul schermo con Capitanbumba) la gaveva visuda in pien. E mi go godù de rifleso.
_________________ LSMT
to boldly go where no man has gone before (compleanno: 18 gennaio)
Tra i personagi dei fumetti portadi sui film, secondo mi el mejo risultato xè stado quel dei X-men. Tra el primo e el secondo film, nissuna perdita de tension. Adesso speremo ben nel terzo....
Saluti
_________________ "Non c'è critica più feroce della minuziosa descrizione dei fatti" (Von Moltke)
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
??
)
