Eco, per El Che e per mi: El giardineto de Via Orlandini come che me lo ricordo:
A sinistra le case del Licam de via Orladini. Nei ultimi portoni che vedemo a sinistra ghe jera una lavanderia e un falegname. Andavo la a comprar 50 lire de legno compensa` che usavo per far lavoretti con la mia seghetta pel traforo.
Propio in fondo se vedi parte dei impianti de Servola e le grue dei Cantieri. Dove che xe un'apertura fra le case , xe una scala. A sinistra (verso via Orlandini) ghe jera una drogheria, sula casa a sinistra me par, e a destra una lateria. Inveze andando a destra ghe jera una lunga scaleta che portava diretamente zo in via Dalviano, circa all'altezza dei gasometri.
Nel giardin stesso, in mezzo la vesca che de solito gaveva un pesse rosso. Se vedi ben la pista de patinaggio e i tobbogan ma no rivo a veder le altalene.
Per i nostalgici, se vedi el principio del sentier che portava ala parte bassa del giardin e eventualmente in via Dalviano.
Me ricordo giusto Muleria?
Ultima modifica di Falstaff il Lun Feb 06, 2006 6:41 pm, modificato 1 volta in totale _________________ Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Ve farò le foto del giardin la prossima settimana, se 'rivo vado lunedì. Comunque anche mi son andada alla festa dell'unità in giardineto, i la faseva d'estate, e iera nel '74 o '75, iera un de s.giacomo Berto caligher (de mestier, anche bravo, anche se te dovevi andar a ciamarlo in osteria per gaver indrio le scarpe)ch'el cantava con un nome de bataglia "Umbert Pascal" e mi me faseva de rider 'sta roba.....ogni tanto nasseva qualche patufamento tra bevandele o teste calde, ma in compenso no iera mal come festa o forsi perchè iero giovine e me 'ndava ben tuto.
_________________ ..che l'A vadi ben, che l'A vadi mal, sempre alegri mai passion!
Anca mi iero andado un par de volte al festival dell'Unitá in giardin, ma adesso go dificoltá de ricordarme come el iera. Dove i meteva, per esempio, el palco? Me imagino nela pista de patinagio...
Grazie Lucio per la BELISIMA cartolina...Vedo perfetamente el sentiero che uno ciapava andar zo in via d'Alviano.
iera un freddo can stamatina, sol, ma gelo. eccove el vostro giardin...el sentier che porta in via d'alvianoxa che iero go fotografà anche el gasometrode sotto in via d'alviano[e questa xe sempre ciapada da la via d'alviano, se vedi in alto quela casa grande e nova dove che iera la casa del sinter.
_________________ ..che l'A vadi ben, che l'A vadi mal, sempre alegri mai passion!
Tante grazie Karolina. Tanto belle e tanto apprezzade. Interessante anche veder in una fotografia, nela distanza, el campanil dela cesa dei frati dei Campi Elisi. Andavo a scola la zo, e da Ponziana pareva tanto lontan.....
Quela foto che mostra la grande casa dove che se trovava quela del sinter: Ghe jera una scorciatoja che ghe pasava de fianco e la veniva zo proprio dove che te mostri la via Dalviano.
E un poco piu` avanti, verso la via San Marco, drio a dove che cinque ani fa che jera un benzinajo (che imagino sara` ancora la) andavimo a sbisigar in una galeria che no jera stada mai finida...... Inveze, propio sul angolo con via Dalviano e via San Marco, co jero muleto i meteva su, circa ogni ano, o el circo e el parco dei divertimenti.
Come che Cesare diria, scorci de Trieste che no esisti piu`!!!!
_________________ Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Grazie Karolina per le bele foto. Me fá anca piazer che i tien el giardin abastanza ben. Aparte qualche 'graffiti', ma i iera de spetarse...
Inviato: Lun Feb 06, 2006 11:51 pm
micel
Ospite
macondo, te manca el giardin o le feste de l'Unità?
PS.jero -un poco più de muleto-, e propio in una de quele feste
me son becà una bastonada dai "guardiani rossi".
Jerimo in 5 o 6, mezi imbriaghi e fazevimo i mona.
I mati se ga incazado e i ga comincià a menar...un xe finì co'l naso roto.
...e 'desso, i me ziga drio "sporco comunista"
...va a capir ti, come che gira le robe in 'sto mondo de eroi?
La scorciatoia la esisti ancora e la go fatta anche mi tante volte. Xe de le belle case con giardin, beati quei che sta là.!! Se volè altre foto de la zona, basta domandar, fazo volentieri.
_________________ ..che l'A vadi ben, che l'A vadi mal, sempre alegri mai passion!
salve,e questa matina i doveva meter questa targa,mi la gò vista per tera davanti al fungo su un piedestal alto un venti cm, e dopo son andado via,spero che no sìa quela la sistemazion definitiva......
Servolo
qua lavoro mi!! cioè non al primorski dnevnik, ma go l'uficio al pian de sora...
purtropo devo dir che san giacomo in sta ultimi ani xe cambia molto in pegio...
qua lavoro mi!! cioè non al primorski dnevnik, ma go l'uficio al pian de sora...
purtropo devo dir che san giacomo in sta ultimi ani xe cambia molto in pegio...
...perchè? ....spieghite meio.... e dopo (forsi) te dago ragion
_________________ Tutto passa.....meno el bus che te speti
quando iero picio stavo anche mi a san giacomo e iera vermante un bel rion...sembrava un paese a parte...e da sto punto de vista no xe cambia un granchè...
purtropo adeso xe diventa in primo luogo incredibilmente sporco!xe una roba de non creder...lavoro la de 3 ani e no go MAI visto nesun paron de can netar la merda del suo cuciolo!!! in via montechi te toca far el slalom per non montar sula merda (se pol dir merda?)
le famose gatare ormai se vedi che le xe diventade tropo vecie per andarghe drio ai gati e alora le ghe buta de magnar diratamete dala finestra sa quante volte me son beca 5-6 gati che magna sul teto dela mia auto)...
e alora te rischi de becar te qualche sardon in testa e co te vardi su per veder cos che xe suceso te monti sula merda...
nel parcheto vicin el primorski xe un spuzon che no ve digo...
e poi ormai tuta la zona tra via del istria in zo (verso p.za garibaldi) xe invasa da serbi e teroni...
questo non vol aolutamente eser un afermazion razista, voio solo dir che lori se integra piu dificilmente...sopratuto i serbi che i poveri i ga anche i loro motivi, ma no voio dilungarme tropo...
e poi ormai tuta la zona tra via del istria in zo (verso p.za garibaldi) xe invasa da serbi e teroni...
questo non vol aolutamente eser un afermazion razista
Sarà anche cussì, ma no xe un espression tropo felice ,specialmente a Trieste, dove che semo tuti "serbi, greghi, teroni, cruchi, s'ciavi"....me go dimenticà qualchedun?
Sarà anche cussì, ma no xe un espression tropo felice ,specialmente a Trieste, dove che semo tuti "serbi, greghi, teroni, cruchi, s'ciavi"....me go dimenticà qualchedun?
E domandighe ala Zanier, no te par?
Si. si, va ben,,, capisso
_________________ Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
,specialmente a Trieste, dove che semo tuti "serbi, greghi, teroni, cruchi, s'ciavi"....me go dimenticà qualchedun?