Lunedì non xe più bora, quindi niente speranze.
El Novara (neopromosso) se ga ciolto un "rinforzin secondario", tale Pinardi, altro che noi con Miramontes, che più che un zogador me par el nome de un albergo dell'Alta Val Badia...
I problemi li go avudo anche mi, forsi xe la man de Giacomin che ga rivedudo un pochi de sottotitoli dei topics... sempre che no me sbaglio...
Ogni tanto ghe vol far pur manutenzion...
Triestina - Novara 1-1
Qualcossa de meio se ga visto ieri sera.
Almeno fina al gol del vantaggio l'Unione ga schiacciado la capolista nella sua area. Tutt'altra musica! Merito del novo allenador?
El gol del pareggio novarese xe stado alquanto fortunoso, però el risultato xe tutto sommado giusto.
I difetti xe sempre quei, soprattutto l'assenza de un omo che "semplicemente" la metti dentro.
Occasioni ghe xe stade anche stavolta, però l'imprecision qua se misura in decametri!
Antonelli deludente: per uno come lui troppe bale decisive sciupade malamente!
Infine, un plauso per l'ex epurado Cottafava: el suo lo sa far anche con gente che se ciama Bertani e Gonzales... sicuramente ghe ne xe tanti de pezzo in giro...
No la gò vista ma la gò scoltada e me gà parso meio del previsto.
Son d'accordo con quel che gà dito Roby, inoltre Lunardini niente mal
Testini el solito che se dà de far de mati ma nol riva a concluder,
i gavessi podudo mantener el vantaggio ma i gà avudo un poca de
iella stavolta .
Che ghe sia la zata de Salvioni no ghe xe dubbio....basta che vadi
avanti cussì, purtroppo però gavemo troppi esempi che dopo una
partida buona se snocciola partide negative.
_________________ Nessuno diventa sapiente per puro caso (Seneca)
Finalmente una bela partida, azioni in velocità, da una parte e dal'altra.
Atenti però a imaginar de aver risolto qualcossa: semo sempre là, e comunque continua a mancar uno che (coi pie) bechi almeno el retangolo pai-traversa...me par che se ciama porta....
Della serie " piccoli calciatori crescono ".........segnali rassicuranti dal punto de vista "zogo" con un centrocampo che lunedì scorso ga fatto la differenza.
Desso però no bisogna mollar el colpo, andando avanti cussì xe qualche flebile speranza de salvezza.
E basta con ste contestazioni al "furlan", no gavè ancora capì che al mato no ghe frega niente de nissun, e no cambia niente se vien tacà in gradinata una immagine del "presidente virtuale", anzi magari el se stufa veramente e el prossimo anno se zoghemo el derby col Kras !
No ghe semo proprio, solo due occasioni e un punto che no servi
a niente, certo che se se va avanti de sto passo la cima del baratro
se avvicina a grandi passi .
Manca due giorni alla fine del mercato e scometo che Miramontes
resta l'unico "ingresso" in alabardato........se dopo inveze riva
qualche "VERA PUNTA" (sognooooooo) alora xe un'altra question
_________________ Nessuno diventa sapiente per puro caso (Seneca)
Manca due giorni alla fine del mercato e scometo che Miramontes resta l'unico "ingresso" in alabardato
Un punto che poderia esser bon visto che Pescara non iera un campo facile, ma per la classifica non cambia niente.
Xe chi che se scaja contro Fantinel e chi lo difendi... punti de vista entrambi rispettabilissimi... però non aver ciolto gnanche un zogador "che servi" xe un segnal abbastanza netto delle sue intenzioni. Semo i unici in serie B!
Infine, da quando che xe stada messa man su sto forum morente xe pressoché impossibile collegarse e navigar tra i topic e i post, fatto segnalado non solo dal sottoscritto.
Vedemo de evitar degnamente questo accanimento terapeutico: se xe de serar tutto, se sera!
In queste condizioni ghe passa la voia anche ai soliti quattro gatti!
Semo i unici in campionato B che gà :
SPETTATORI VIRTUALI
PRESIDENTE VIRTUALE ma quel che fa più mal xe che gavemo el
MERCATO VIRTUALE...................CHE FRANA.!
Mezza ora per connetterme e scriver ......cossa succedi ? ovvio che
ghe passerà a tutti la voia de scriver tra la situazion del forum e
la impossibilità de metter zò quattro righe...........gà ragion Roby
xe inutile andar avanti cussì se se devi serar se sera.
Gò scritto qua perchè se speto de andar su comunicazioni del
forum domani son ancora in attesa.
_________________ Nessuno diventa sapiente per puro caso (Seneca)
Dal momento che :
per rivar a connetterse ghe vol un anno,
per rivar a becar el topic su cui se vol scriver ghe vol un altro anno
per rivar a scriver ghe vol altri sei mesi......
semo solo noi quatro gati che scrivemo su questo disgraziado de
forum
i argomenti i sta fazendo una muffa oramai da tempo non più
accettabile
mi son arrivada (dopo assai tentennamenti ) alla decision de uscir
da questo forum e de metter i mii commenti sul forum de
Giacomin che più o meno gà i stessi argomenti de questo.
Se qualchedun me vol seguir el sarà accettado con entusiasmo suL
forum L'ARCA DI NOE'.
Ciao e a risentirse presto.
_________________ Nessuno diventa sapiente per puro caso (Seneca)
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 22 di 23Vai a pagina Precedente1, 2, 3 ... , 21, 22, 23Successivo
e senza farve bazilar, per quei che ghe interessa ve meto el link
