:: Leggi il Topic

Dennis · Registrato: 31/10/05 19:59

Tornando al discorso sul tragito che fa el treno organizado dal museo, dopo gaver pasado la stazion de Guardiella ed eser pasà nel picio tunel che atraversa la via Valerio el convoglio giungi in prosimità del'ex manicomio e cori sora a sto stupendo viadoto che ga el steso nome dela precedente stazion..."GUARDIELLA"... Surprised

Credeme che vederlo pasar sora in direzion opicina xe un spetacolo da no perder... Evil or Very Mad

Ciao a tuti,

Dennis

Aussie Kangaroo · Registrato: 15/01/06 11:54

Pasarghe sora in treno xe una meraviglia.

Purtropo el giorno che ghe iero iera una giornata fosca e la vista (belisima) in foto no rendeva. Se rivo ve fazo veder qualcossa, però.

Aussie Kangaroo · Registrato: 15/01/06 11:54

Provo far un tentativo.

La foto xe quel che xe, ma la xe ciapada proprio prima de la galeria de monte Valerio sul viadoto de Guardiela.

Dennis · Registrato: 31/10/05 19:59

Eh si, Canguro ga proprio ragion, lassù la vista la xè stupenda...

Fortunai quei che ga comprà el vecio casel...

Dennis.

Aussie Kangaroo · Registrato: 15/01/06 11:54

MA XE PIU' FACILE DE QUEL CHE PENSAVO!! Smile

Alora taco anche una ciapada poco dopo sora Piscianzi.

Dennis · Registrato: 31/10/05 19:59

Sta seconda foto de Canguro, la xe stada fata dal viadoto Carbonara e per farve capir dove che el se trova.....fe cusì....da marina o da muja guardè verso la palazina del vecio ospedal obelisco...subito soto vederè un ponte ad archi....eco quel xe el Carbonara da dove el Bon Canguro ga scatà sta bela foto...

Dennis

Dennis · Registrato: 31/10/05 19:59

Ecco qua una foto de sta estate col Rondò che transita apunto sul viadoto Carbonara....

Viva,

Dennis

Dennis · Registrato: 31/10/05 19:59

Aussie Kangaroo · Registrato: 15/01/06 11:54

no problem Cool

Mi gavevo provado, ma dovevo aumentar tropo el contrasto e l'efeto no me piaseva.

fulvio ruchin · Registrato: 25/12/05 00:16

bonasera a tuti
grazie a dennis dela foto de aurisina.Cussi me la ricordo
nel '54.Mi abitavo in stazion e la neve jera alta mezo metro
davanti i portoni.
saluti trita

andy · aministrator

come che sora ga scritto steven dela stazion de rozzol/montebello ve metto un per de foto , questa stazion la me par sai grande rispeto ad altre (per quel che capiso mi de treni) la iera composta anche de altri edifici adiacenti , comunque sai bela , iera sai zima e go fato le foto in furia .... Shocked

un signor ferovier che abita là me ga dito che la xe in vendita

andy · aministrator

qua xe pol ancora veder la scritta del nome dela stazion, ormai tuto in decadenza ..... Confused

andy · aministrator

e un poco più in sù circa 150 mt ma dell'altra parte ghe xe un'altro edificio che guardando ben me par un'altra stazioncina ????? Shocked

qua bisogna domandarghe a dennis o max !!! Confused

Dennis · Registrato: 31/10/05 19:59

Caro Andy, la stazion de Rozzol iera fin ai ani '80 un importante scalo merci anche perchè prima che vegni costruida la galeria de circonvallazion soteranea, i treni merci in partenza e arrivo da e per Campo Marzio i pasava de qua, quindi te pol imaginar che traficada che iera sta trata feroviaria....riguardo al'altra foto no xe una stazioncina ma fa parte sempre del compleso dela stazion infati quela casa la xe stada ristruturada de poco e dal lato binari i ghe ga rimarcà a novo la stesa dicitura dela stazion a proposito alegherò una foto... probabilmente una volta iera ufici per el sdoganamento ecc. (Max ne darà informazioni più specifiche)...

Viva là,

Dennis

Dennis · Registrato: 31/10/05 19:59

A proposito de stazioncine, cosa dixè de Servola?

Dennis