Alora: el 2 de la prima foto, la motrice xe quasi de sicuro una Savigliano, e el rimurcio anca. Quindi semo dopo el 1924, e diria che dopo no, per via dela "moda feminile " che se vedi nela foto. Me ricordo de co' iero picio che el 2 primi anni '50 rivava a Sotoservola in quela stessa precisa composizion. Dopo i ga messo le Stanga "aerodinamiche" ma coi stessi rimurci.
El 4 de la seconda foto no me par né una Savigliano né una Graz, ma un altro model più picio che no me ricordo. Mi el 4 no me lo ricordo, co' iero picio picio iera zà el filobus 18 co le veture a due assi e i paraurti "coi pomoli rossi".
Nianca el 7 no me ricordo de gaverlo mai visto (ma quel xe anca una motrice Savigliano) , comunque quela foto xe belisima, piaza Oberdan de matina: anni: dopo el 1938 perché la casa de le Generali de U.Nordio la xe za finida (la gavessi dovuda inaugurar Benito durante la famigerata visita del '38, ma naturalmente no lo ga fato perchè el presidente de le Generali de quela volta iera Morpurgo, un israelita, figuremose, dopo el can can de le legi raziali che el gaveva apena fato...); xe finide anche le case de Via Beccaria e la casa della TELVE; no ancora in tempo de guera perché sui veicoli no ghe xe le striche bianche de l'oscuramento; e d'altra parte i anni xe quei perché ghe xe sia le veture "nove" del tram de Opcina sia le veture Stanga "aerodinamiche" a careli. Mi azarderia un 1939 o un inizio 1940. Se podessi anca pensar, in alternativa, un fià dopo la guera, ma no ghe semo né come tipi de auti né come targhe.
_________________ "Violence is the last refuge of the incompetent.
Isaac Asimov, Salvor Hardin in "Foundation"
El 4 de la seconda foto no me par né una Savigliano né una Graz, ma un altro model più picio che no me ricordo. Mi el 4 no me lo ricordo, co' iero picio picio iera zà el filobus 18 co le veture a due assi e i paraurti "coi pomoli rossi".
Poderia eser una motrice Union?
_________________ OGNI RIDADA GHE CAVA UN CIODO ALA CASSA DE MORTO
Alora, perchè no me tochi leger ancora "sempiade", meto subito in ciaro come che iera la nuerazion dele veture a due asi del tran:
101-150 = UNION, ex S.T.T.
151-155 = UNION, ex S.T.T., in origine averte e dopo serade, tipo "estivo", definide "torpediniere".
161-166 = BAGNARA, le prime, rivade nel 1924, dopo la unificazion tra la S.T.T. e el T.E.C..
167-178 = GRAZ, ex T.E.C., in origine numerade 1-12.
179-200 = SAVIGLIANO, in servizio dal 1927.
201-224 = CASARALTA, meio conosude come "Bologna", 'ssai simili ale Savigliano, ultime due asi de Trieste.
Quanto ai rimorchi, nisun de quei in foto xe del tipo Savigliano, ma i xe tuti ex tran a cavai. I xe stai utilizadi fin ai primi ani '50, quando i gà strasformà diverse linee in filovia.
Purtropo no son mai rivà a gaver dati sicuri sui vari tipi che iera in servizio, però ve poso dir che al masimo iera 89 veicoli, compresi i sei GRAZ (45-52, ex 501-506), i dieci SAVIGLIANO (53-62) e i oto CASARALTA (63-70). El fato che questi veicoli sia in mezo ai ex cavai me fa pensar che ghe sia stata una rinumerazion quando i gà unificado i servizi (dopo el 1921). Infati, i ex cavai estivi va da 1 a 44 e i ex cavai seradi (invernali) va da 71 a 89. No credo però che soto la S.T.T. i gabi avuto la stesa numerazion.
Se gavè dubi, perplesità e simili, son quà.
Saluti
GG1
Scuseme, ma co se xe veci se dimentica sempre qualcosa.
Ghe iera anca le motrici 156-160 = UNION, ex S.T.T. steso numero, uguali ale 101-150.
Tuta la serie 101-160 però iera piutosto scarsa de potenza e zà nei ani venti i le gaveva cominciado a radiar dal parco, sostituide prima dale die asi più nove e dopo dale 400 a carei (401-448). Pecà che no xe mai rivade le snodade che le iera zà previste in costruzion ala STANGA de Padova, ma xe vignida la guera.......
Molto bele le foto de fabrica, a Graz, dele veture del tran de San Saba. Costruzion:
GRAZER WAGGON FABRIK, vormals Johan Waizer, 1912, con parti eletriche dela Union El. Ges. de Viena. Anche le motrici a due asi del tran de Opcina i le gaveva fate nela stesa fabrica.
Saluti
GG1
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
