Alora vedemo se sta oservazion la ''regi''! De muleto no me ricordo de mai gaver visto a Opcina un picchio rosso, xe forsi perche no gavevimo alberi marzi?? De sicuro lo gave in val Rosndra [ghe go da un ociada al google]... El picchio rosso ga 23cm de lungheza e xe de casa per tuta l'Europa ... Poca oservazion da parte mia? Pero me meraviglio de no gaverlo visto e idividua co iero muleto ... [A pensar che ierimo come scoiatoli] ...
Qua de noi il picchio se lo vedi e senti regolarmente e davero gavemo sai alberi marzi, cosi ste creature ''sbafa'' con un minimo de sforzo, losteso par che i dopri un ''picon'' ,visto il casin che lasa drio...
Tuto bel e bon , ma in tempo de cortegio in primavera, quei muscoli sul colo del mascio [per atrar la femina] il cerca posti de risonanza per amplifar il boto e cosi darghe ala femina un idea de che picon il posiedi... Gurda caso, un mascio ga scelto il covercio del camin de casa, fato de aciaio inosidabile [un tmburo perfeto] e co lui bati il fa tremar la stufa metri de soto.... Che me preocupa se il me fa busi, certo, ma sto ''cocolo'' il comincia a sbater e sveiarme de matina presto co la stufa xe freda ... I primi giorni andavo fora per scazarlo, ma nanca per ''sognio'' tropo alto, deso bruso carta cosi il fumo ghe da fastidio... Spero ben!!! Devo spiegar ,questo xe il picchio Flicker che ga 32cm de lungheza, noi gavemo anca il picchio Pileated che il ga 42cm de lungheza,sto ultomo picchio se il vol ,se porta via il camin...
Salve
York
_________________ ".......And whether or not it is clear to you, no doubt the Universe is unfolding as it should."
Qua de mi el se taca sula grilia del camion de aciaio e el ghe da te TRRRRRRRRRRRRRRRRRR, come una mitralia, sul cercio de aciajop inosidabile soto el covercio del camin. In compenso no lo fa mai prima che fazi ciaro, ale cinque e mezo dela matina. El mio viizin che ga la casa anche rivestida de legno el xe su de matina, con la goma de aqua per scazarlo, che nol ghe fazi busi.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
.... De muleto no me ricordo de mai gaver visto a Opcina un picchio rosso, xe forsi perche no gavevimo alberi marzi??
Me ricordo qualche ano fa, nela zona de Bane, iero andado a caminar e, anche se no son rivà a vederlo, go sentido ciaramente el pichetin del picchio (no so se rosso o blu, però )
_________________ Ci vuole tutta una vita per capire che nella vita non serve capire tutto
L'anno scorso in giardin mio gavevo el picchio rosso che vegniva a magnar su una mangiatoia che gavevo costruido e un giorno el xe vignudo col picio e dovevi veder come che el ghe insegnava a star cole zate ciapade sul bordo della mangiatoia, el xe andado avanti x più de un giorno e finalmente una mattina gò visto papà e fio che beccava tutti e due ingrampai sul bordo .!
Cmq ogni giorno se senti nel comprensorio dell' ex OO.PP. el trrrrrrrrrrrrrrrr del picchio.
_________________ Nessuno diventa sapiente per puro caso (Seneca)
Stamattina verso le sette circa son restada alla finestra a guardar in giardin x parecchio tempo , no gavevo mai visto tanti useleti tutti insieme :ghe iera el codirosso spazzacamino mas'cio e femmina, due pettirossi, una zaia de cinciarelle e cingallegre, due merli, un x de passeri e dopo se gà zontado anche un fringuel.
Neanche in primavera no ghe ne gò visti tanti, che l'aria sia abbastanza neta ? oppur ,visto che tutti più o meno iera sui due abeti, ghe ne xe tanti piccoli insetti che una volta no se trovava ?
Sia quel che sia ve assicuro che iera un piccolo - grande spettacolo della natura.
_________________ Nessuno diventa sapiente per puro caso (Seneca)
Normalmente in Autuno se vedi piu usei che in Primavera; quel che sucedi xe che i ataca i ultimi arbusti e alberi pieni dde inseti e bache, tanto per ingestir el masimo in preparazion per l'inverno e per le speci migratorie, i se ragrupa pronti per partir in esilio, e, me par a mi che no se devi dimenticar che durante la primavera, i se ga tuti moltiplicado, no?
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
A pensar che sta creatura sta setimana passada con 11 gradi soto zero, lui un metro via dela fiascheta a far guardia che nesun ghe rubi l’aqua dolce… co l’aqua se jazava la cambivo con un altra e via cossi per un par de giorni… desso xe 0 gradi ma lui no mola a far la sentinela…. La matina co cambiavo l’aqua jazada , sempre una bela sorpresa a vederlo cora bel e san tacado al fior a bever sta beneteda aqua dolce…. se pol veder la neve fra i rami, miga bale!!
A vardarlo se pol capir , lui tuto involtizado in un piumin, e save che bel xe a dormir coi piumini…
Losteso devi esser dura , sto mona perche nol va via in Messico, come fa il Rufus Colibri, bo!! De sicuro sta jazada no xe tanto normale de ste parti, pero se sto fredo se ripeti ogni inverno l’Anna partira pel caldo o riscia tragiche conseguenze… Aiutarlo a sfamarse ne da sodisfacion , ma i devi gaver altre fonti de sostegnio… Dopo tuto Il vivi de ste parti piu aneti de noi altri, in piu par un useleto furbo….
Salve
York
_________________ ".......And whether or not it is clear to you, no doubt the Universe is unfolding as it should."
Ogi, tanto per ricordarne chi xe "boss", l'inverno xe tornà denovo a bater sula porta. Sta matina co' se gavemo alzà, a spetarne fora dela finestra iera un manto de neve inveze dei abituali colori de primavera.
In corte, davanti la casa gavemo una fila de cedri e de soto, sula scarpada che dà sula strada, cresi ginepri... che i xe el quartier indisputado dele qualie. Adeso le se prepara i nidi er la stagion nova.
Sta matina le jera tute gonfiade, come tante bale per guardarse del fredo. Le pareva protestar, ciacolando e corendo soto i cedri, al riparo dela neve.
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
stamatina che iero in botega go visto oveti de quaglia in vendita- voi li magnè? - mi no li go mai magnadi e per dir la verità non gavevo mai visto una quaglia. grazie per le foto, orso, e che nevigada!!!
_________________ ..che l'A vadi ben, che l'A vadi mal, sempre alegri mai passion!
Mi no le cacio perchè no me piasi caciar usei. La ragion perchè no me piasi caciar use xe che sai volte se li ferisi e le povere bestioline le mori de una morte lunga e dolorosa e perdepiù inutile. Ma Tashia, qualche ano fa la gaveva notado che nela mia serra primaverile se gaveva intrufolado cinque qualie per zercar de evitarme i problemi con tuto el lavor che un devi far er coltivar radicio e salate. In meno de un minuto la le ga ga becade una per una, un scorlon, morta. Fato el macabro lavor, la me le ga portade davanti la porte e la le ga stivade una a fianco del'altra. In cambio ghe go da' un bel biscoto.
Un' otima zena, fate con una salseta de vin e salvia e un pochi de grani de ginepro e, naturalmente la polenta con la salata rosa e radicio che Tashia ne salvado dai bechi dele ladre.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Penso no xe tanto raro a oservar un usel, dove va a sbater nei vetri dela finestra... lo fa per sbaglio o a posta? una volta, al massimo do volte, ma dopo i vola via... invece noi gavemo un towhee/fringuel american, dove lui ,sicuro ga il nido nele vicinance, continua a atacarse nel specio del motorhome za de giorni, sicuro convinto de atacar un aversrio... mai visto una roba del genere, go sposta il motorhome per lavarlo, bastanza lontan de sto nido?? ma sto memele continua interotamente a posarse sul specio per dopo girarse a BUM! atacarsse de novo, fa pensar cuasi a una malatia... OK un specio fa una replica perfeta [povera creatura vedendose riflessa reagisi] ma in natura co il bevi aqua [no in tuti i casi] qualche volta il devi veder la sua riflesion... alora cossa il fa la? il se tufa dentro!!
Giusto per dir una...
York
_________________ ".......And whether or not it is clear to you, no doubt the Universe is unfolding as it should."
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Come test go agiunto la cicognia... 
De sicuro lo gave in val Rosndra [ghe go da un ociada al google]... El picchio rosso ga 23cm de lungheza e xe de casa per tuta l'Europa ... Poca oservazion da parte mia? Pero me meraviglio de no gaverlo visto e idividua co iero muleto ... [A pensar che ierimo come scoiatoli] ...
)
