TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » le ricette de nonna e vostre » Rigatoni con sugo de maial.
Nuovo Topic  Rispondi Precedente :: Successivo 
Rigatoni con sugo de maial.
MessaggioInviato: Lun Mar 30, 2009 5:19 pm Rispondi citando
Auriel
Ospite




Stà qua xe ‘na magnera de far i rigatoni bastanza velocemente, ma con un sugo un fìatin diverso del solito.

RIGATONI CON SUGO DE MAIAL

Ingredienti per 6 persone:

½ chilo de rigatoni;

Par el condimento:
2 ½ eti de carne de maial masinada;
30 grami de butiro;
canela in polvare e un pizighin de polvare de garofano;
4 ovi intieri;
Lateria stagionado opur ricota, gratugiadi;
sale e pevere nero ‘pena masinado.

In t’una tecia fè sofrizer in t’el butiro la carne de maial, profumandola cò la polvere de canela e de garofano. ‘Na volta che la carne la xe sofrita, regolè de sal e de pevere nero e lasè ch’el tuto se insavorisi.
Intanto che la carne la se cusina pian pianin, in t’una terina o in t’un piato fondo sbatè i ovi con un fìatin de sal.
Dopo gaver lesado i rigatoni in abbondante aqua salada, scoleli ancora al dente, po’ condili con el sugo de carne e i ovi sbatui; par ultimo deghe ‘na spolverada col formajo Lateria o co la ricota gratugiadi e servili.

Bon apetito.

Ciau a tuti, Lela.
Rigatoni con sugo de maial.
Indice del forum » le ricette de nonna e vostre
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015