TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » trieste,piazze,vie,e rioni » piazza foraggi
Nuovo Topic  Rispondi Precedente :: Successivo 
piazza foraggi
MessaggioInviato: Dom Lug 09, 2006 11:44 am Rispondi citando
servolo
Registrato: 09/10/05 15:55
Messaggi: 2194
Località: trieste




Salve, e adesso xe el turno de piazza del fien cola sua pompa de benzina e el service che tanto tempo indrio gaveva el cartel "Sabbiatura candele" roba de antiquariato.La stazion vien restaurada e la piazza abelida e dato che el lavor xe in man de privati chissà che no vegni fora qualcossa de cocolo. El piccolo del7/7/06 in merito scrivi:

L’impianto di benzina viene ristrutturato e ospiterà anche un bar e un’edicola
Piazza Foraggi, nuova stazione e mercatino

Sta per cambiare volto piazza dei Foraggi. Sono iniziati i lavori per la ristrutturazione della vecchia stazione di servizio, che prevedono anche un generale riordino e abbellimento dell’intera area. Lo storico edificio, la cui costruzione risale all’immediato dopoguerra, accusava oramai i segni del tempo e con esso gran parte della piazza circostante, adibita frequentemente a mercatino all’aperto. La Esso, compagnia petrolifera proprietaria dell’impianto, ha deciso di procedere ai lavori con l’arrivo dell’estate, ritenuta stagione nel corso della quale la chiusura provoca minori danni all’utenza. In base all’accordo stipulato con l’amministrazione comunale, proprietaria della superficie, data in concessione alla Esso, oltre a rinnovare completamente la costruzione, l’impresa incaricata completerà l’impianto con una parte di pavimentazione in pietra, che servirà a ingentilire l’aspetto dell’area. L’edificio, oltre che le pompe per il rifornimento dei carburanti, ospitava un bar e un’edicola.

Adesso la xe cussì,vederemo in seguito.
Servolo



_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Dom Lug 09, 2006 2:26 pm Rispondi citando
giacomin
Tutor
Registrato: 12/10/05 08:20
Messaggi: 1561
Località: Trieste




Che curioso che son....... chissà che fontana che i metterà Surprised Very Happy Very Happy

_________________
Tutto passa.....meno el bus che te speti
Profilo Trova tutti i messaggi di giacomin Messaggio privato Invia email HomePage
MessaggioInviato: Dom Lug 09, 2006 3:42 pm Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Servolo, vedemo se me ricordo ancora qualche cosa... Fasendo la foto de drio te ga il tunel per Muggia? A sinistra zo un block o due xe via del Agro dove iera l'oficina mecanica Gombac, scosta in un cortil con una stala con un caval che tirava ancora la caroza...

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Lun Lug 10, 2006 3:23 pm Rispondi citando
servolo
Registrato: 09/10/05 15:55
Messaggi: 2194
Località: trieste




Salve, si de drio xe la galeria de montebelo che porta verso Muia, sula sinistra dela foto te pol veder la scala che colega piaza foraggi, o piaza del fien ( per un poco la se gà ciama anche piazza dei caduti fascisti) ala via del veltro. De quela scala gò fato la foto dela piaza.El tunel in tempo de guera serviva come rifugio contro i bombardamenti, inaugurado 11 settembre 1947, longo 752 metri per 12 de altezza.
Servolo


_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Lun Lug 10, 2006 3:59 pm Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Grazie Servolo , e si semo la con un par de case nove ma no ga cambia sai...

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Mar Ott 30, 2007 5:48 pm Rispondi citando
nickla
Registrato: 28/09/07 10:02
Messaggi: 54
Località: trieste




ciao go cercado per un saco de tempo vecie foto de piaza Foraggi ma go trovado solo una in rete chissa se voi gavè altre de farme veder ? me par che la mia bisnona abitassi de quelle parti e son curiosa! e po' quele case alle spalle del distributor adesso restaurade .. chissà se qualchedun sa la loro storia ?grazie nico Very Happy Very Happy Very Happy Very Happy

_________________
se se pol se pol senò se pol se cambia
Profilo Trova tutti i messaggi di nickla Messaggio privato
MessaggioInviato: Mer Ott 31, 2007 10:52 am Rispondi citando
servolo
Registrato: 09/10/05 15:55
Messaggi: 2194
Località: trieste




Salve, no xe sai de dir in merito a quele case che se le vedi ben nela prima foto: xe edifici del IACP ciamadi case a corte, perchè dentro le gà una grande corte che al'epoca serviva come logo per trovarse e far 4 ciacole tra vicini de casa.Le corti de solito le iera atrezade con panchine e ghe cresseva un pochi de albereti, case simili in cità ghe ne xe tante, e forsi el più famoso xe el "Vaticano" de s.Giacomo.Quela de piazza foraggi xe del 1926 progetada dai architeti Umberto Nordio e Michele Toffaloni. La piazza xe stada ristruturada e ve la farò veder come la gà cambiado.
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Mer Ott 31, 2007 7:06 pm Rispondi citando
nickla
Registrato: 28/09/07 10:02
Messaggi: 54
Località: trieste




ciao servolo
te ringrazo un giorno andrò dentro per veder el cortile e farò cussì anche a S.Giacomo perchè xè un periodo che per combinazon un sacco de gente me parla del Vaticano ,sarà destin che lo vedo una bona volta
ciao nico Very Happy Very Happy Very Happy

_________________
se se pol se pol senò se pol se cambia
Profilo Trova tutti i messaggi di nickla Messaggio privato
MessaggioInviato: Dom Nov 04, 2007 5:16 pm Rispondi citando
servolo
Registrato: 09/10/05 15:55
Messaggi: 2194
Località: trieste




Salve, ecco come se presenta la piazza oggi
Servolo




_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Dom Nov 04, 2007 6:45 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




Mah , mi quel enorme casamento cussì tetralegiante lo go sempre ciamà el "Potala", trovandolo ssai simile al palazo del Dalai Lama a Lhasa. E comunque la vista de sta piazza me ga sempre comunicà un senso de disagio e disarmonia.

_________________
AURIO
Profilo Trova tutti i messaggi di aurio Messaggio privato
MessaggioInviato: Lun Nov 05, 2007 7:51 pm Rispondi citando
nickla
Registrato: 28/09/07 10:02
Messaggi: 54
Località: trieste




adesso si anche a mi la me par tetra e triste ma penso che sia el piazzal antistante che fa questo efeto per questo me saria piasudo vederla all'epoca della costruzion dei palazzi perchè forse la iera piu soridente penso che fossi periferia forse iera campagna là torno .Go visto foto de S.Giacomo e piaza garibaldi ,la salita che portava a S.Giacomo me ricordava cità vecia non quela de ogi ovviamente ma quela che go visto de muleta con case vecie finestre malandade stradine strette sconnesse gente per strada un pò de sporcheto dapertuto sicuramente adesso che la xè riqualificada se uno scorcio bellissimo de trieste sai sorridente ed accattivante con un mucio de locali e ristorantini de lusso ma no xè più testimonianza del nostro passato cittadino pecà Sad Sad Sad

_________________
se se pol se pol senò se pol se cambia
Profilo Trova tutti i messaggi di nickla Messaggio privato
MessaggioInviato: Lun Gen 14, 2008 4:29 pm Rispondi citando
servolo
Registrato: 09/10/05 15:55
Messaggi: 2194
Località: trieste




nickla ha scritto:
adesso si anche a mi la me par tetra e triste.....


Salve, nel '44 la iera anche più triste.......
Servolo



.....la foto se riferissi al bombardamento del 10 giugno'44:Una bela giornada de sol, pecà che ale 9 e 13 taca sonar l'alarme e 199 bombardieri scortai de un squadron de caccia i bombarda un poco per tuto. No esisteva ancora bombe inteligenti ( coss' che no se inventa l'omo per coparse) e alora per esser sicuri de ciapar qualcossa i bombarda a tapedo.Grossi danni gà subì: la rafineria Aqulila,la Esso,la gaslini, la feriera, i scali feroviari de s.Sabba e de campo marzio, el pastificio triestino.............,
butade zò 101 case civili, nove edifici publici, 140 case danegiade seriamente.E purtropo quasi 400 morti,542 feridi e più de 4000 senzateto.

Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Ven Mar 27, 2009 10:07 pm Rispondi citando
vecio_mulon
Registrato: 06/03/09 21:04
Messaggi: 147
Località: trieste




Certo che el distributor de benzina novo xe eguale identico a quei che i fa in autostrada, e de dimensioni enormi, e sarà anche comodo e moderno, ma el invadi meza piaza e esteticamente la rovina del tuto, specie con quela gran tetoia squadrada.
Ghe voleva un poca de più grazia, de più progetazion, de più rispeto... capisso che no xe una piaza sai bela, ma forse la podeva diventar meio. Adeso no più de sicuro.
E no xe che me rabio pei postegi portadi via, che no me pol fregar de meno, ma per l'estetica, e per el fato che un minimo de spazio de agregazion se podeva anche pensar de far. Adeso, in quela piaza, de umano no xe più che el bar San Siro!

_________________
"Violence is the last refuge of the incompetent.
Isaac Asimov, Salvor Hardin in "Foundation"
Profilo Trova tutti i messaggi di vecio_mulon Messaggio privato
MessaggioInviato: Sab Mar 28, 2009 10:28 am Rispondi citando
servolo
Registrato: 09/10/05 15:55
Messaggi: 2194
Località: trieste




vecio_mulon ha scritto:
........capisso che no xe una piaza sai bela, ma forse la podeva diventar meio. Adeso no più de sicuro.
E no xe che me rabio pei postegi portadi via, che no me pol fregar de meno, ma per l'estetica, e per el fato che un minimo de spazio de agregazion se podeva anche pensar de far. Adeso, in quela piaza, de umano no xe più che el bar San Siro!


Salve,in finale te la gà imbrocada:
no esisti piaze bele o brute,ma solo piaze,che le diventi brute o bele xe merito o (de)merito del omo.Come in questo (e tanti altri casi)
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Sab Mar 28, 2009 4:13 pm Rispondi citando
Auriel
Ospite




servolo ha scritto:
Salve, no xe sai de dir in merito a quele case che se le vedi ben nela prima foto: xe edifici del IACP ciamadi case a corte, perchè dentro le gà una grande corte che al'epoca serviva come logo per trovarse e far 4 ciacole tra vicini de casa.Le corti de solito le iera atrezade con panchine e ghe cresseva un pochi de albereti, case simili in cità ghe ne xe tante, e forsi el più famoso xe el "Vaticano" de s.Giacomo.Quela de piazza foraggi xe del 1926 progetada dai architeti Umberto Nordio e Michele Toffaloni. La piazza xe stada ristruturada e ve la farò veder come la gà cambiado.
Servolo


Bongiorno servolo, a proposito de quele case in P.za Foraggi, che te gà menzionado ti, in una de quele ghe abitava 'na parente de mio ex marì, me par 'na cugina de primo grado (ma par eser sicura dovesi dimandarghe a Larry), se vero anca - sempe come che te gà dito ti - che jera case del'alora IACP e che le gaveva 'na grande corte con tuti i vari portoni che se ghe afaciava.Son stada diverse volte là dopo sposada, e me par de ricordar che anca quela, come el "Vaticano" e n'altra (sempre del steso tipo) che la gaveva l'entrada su 'na traversa de Via Flavia ('ndove che 'na volta ghe jera anca un'edicola (no so se la ghe sia 'ncora) ma la magior parte de quele case le se afaciava sia sula Via Flavia che sula Strda Vecchia del'Istria e la se ciamava "Domus Civica", ma conosuda mejo come solo "Domus", dopo tuta sà spatafiada, quel che volevo dirte xe che, son sicura, anca quela de P.za Foraggi la gaveva un nome, ma no'l me sovien. Te se lo ricordi ti par caso?

Ciau, Lela.
piazza foraggi
Indice del forum » trieste,piazze,vie,e rioni
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015