TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » animali,natura,piante e giardinaggio » Puma
Nuovo Topic  Rispondi Precedente :: Successivo 
Puma
MessaggioInviato: Ven Mar 20, 2009 9:25 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Qua de noi gavemo una sovrtaabondanza de cervi e caprioli, in fati se podaria dir che ghe ne xe tropi per el loro ben. Ma niente paura, la natura ghe pensa ela come refar el problema.

Durante le ultime due setimane, sula strada che femo ogni giorno per farse la nmostra caminada gavemo itrovado 6 cervi sbranadi. L'altro giorno semo andadi su per la montagna, visto che adeso el manto dela neve xe sai più sotile e ghe ne gavaremo visti un'altra bona meza dozina. Mistero? No.

Sicome dove che jerimo noi no ghe jera ancora orme umane e dei cani domestici. Oltre a quele dei cervi se vedeva un casin de quele dei coyote che i se fazeva la scorpaciada dele carcase. Me pareva strano, perchè normalmente, i cayote no i ataca i cervi almeno che no sia propio dele vecie bestie decrepite che no xe bone de scamparghe. Vojo dir che i zerca de atacarli e ale volte anche i ghe riva, ma più speso che no, el cervo o el capriol ga za fato cinquecento metri mentre che el coyote sta ancora decidendo se caciar o no.

De un colpo el naso de Roxy cominci a pompar aria, scorlar e storzerse per aria a cinquemilla herz al minuto. Soto i pie orme fresche de puma — el mistero de tute le bestie morte rosolto. Un puma che devi hgaver sentido dir che ghe xe un abomdanza de carne su Speinkop Mountain e ga deciso dunque de stabilirse qua.

Ogi Annette xe andada a caminar sola perchè pervia de una medicina prescrita del dotor che go dovudo cior, me xe stado consiliado de star in casa durante le prime oto ore per veder se go reazioni inaspetade. Gnanche duecento metri dala strada sfaltada, sora un fruteto de pomi ghe pareva de gaver visto un strano can. sai alto, gambe lunghe e sai lungo. Can strano vereamente. Jera un puma. La se gaveva acorto del'identità de stp strano can co' la bestia la ga girado la testa verso de ela e pena vista, la ga fato el tipico salto scampando via.

Pecà che no son stado la anche mi con la mia 400 mm. Saria un'unica ocasion de far almeno un per de foto de ricordarse. E fato xe che pur che vedi orme ogni volta che vien beve fresca o che ga piovudoo e xe fango perchè ghe ne gavemo tanti, se li vedi sai raramente, e quando che se li vedi xe solo pe run par secondi.

Keith e mi gavemo visto un una quidixina de ani fa o più.

Visto che mi la foto no go podudo farla, ve laso un sito del ministero dele foreste dela BC con una bela serie de puma. Clichè sule foto per vederle ingrandide.

http://www.canada-photos.com/cougars-photos.htm
Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Sab Mar 21, 2009 9:31 am Rispondi citando
Karolina
Registrato: 06/10/05 10:05
Messaggi: 1354
Località: trieste




scusa la mia ignoranza!!! ma el puma no xe ch'el sia pericoloso anche per le persone?

_________________
..che l'A vadi ben, che l'A vadi mal, sempre alegri mai passion!
Profilo Trova tutti i messaggi di Karolina Messaggio privato
MessaggioInviato: Sab Mar 21, 2009 4:42 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Si, el ga atcao casionalmente persone, specialmente fioi. De abitudine xe sempre la stesa storia de sorprender la bestia dove o che no la gabi via de scampo o che la sia coi pici. La sa prima tendenza però xe de scampar.

Qua de noi, in sta vale xe ben baso el pericolo de ataco umano. I ga tanta carne de caciar per tuto, carne che, tra parentesi, ghe piasi be piu che quela umana, che no ghe interesa propio i bipedi. Comunque sul'isola de Vancouver e anche qua de noi, dove che la popolazion dei puma xe la più alta dela BC, atachi sucedi anualmente.

De no dimenticar che se una persona che va in bosco prendi le precauzioni dovude, la posibilità de eser atacada da un puma xe meno che de vinzer el loto. Basta far rumor o gaver un can con medajete che ghe sona come che el camina, opur gaver un fis'ceto, o anche cantar una filastroca e tegnir i oci verti. Normalmente el can, anche el can più rimbambido del mondo el senti l'odor del gato ben prima che ti te lo rivi vder o che lui, el gato, se fazi veder, perchè l'odor del can lo manda corer via imediatamente. I puma odi positivamente i cani.

Come che go dito altrove, la bestia più pericolosa nela foresta xe l'omo.

Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Sab Mar 21, 2009 5:11 pm Rispondi citando
york
Registrato: 18/12/05 18:14
Messaggi: 1417
Località: Victoria, BC, Canada




Interesante che sto bel gato, vien ciamado con diversi nomi... puma, cougar e mauntain lion ... save altri??


York Very Happy

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Sab Mar 21, 2009 7:57 pm Rispondi citando
Auriel
Ospite




Ciao York e ciau Bruno, prima de tuto meto sto altro sito indove se pol veder foto de puma e nò le xè gnanca tanto pice:

http://it.northrup.org/Photos/panther/Foto

York, girando quà e là par internet gò trovado anca questo:

"Il puma (Puma Concolor) è un felino del nord e sud america. Nei suoi paesi di origine è conosciuto con innumerevoli altri nomi e, per alcuni di qesti nomi, esiste anche un corrispondente in tedesco:
"Silberlowe" - la "o" dovrebbe venire scritta con i due puntini sopra - o (leone argentato);
"Berglowe" - per la "o" vale quanto sopra - (leone di montagna)
"Kuguar" (dall'inglese "cougar" e dal francese couguar).
Occasionalmente, negli U.S.A. viene anche descritto semplicemente coma "Pantera", un nome che al di fuori degli U.S.A. viene utilizzato per diversi grossi felini.
Il nome Puma invece è peso a prestito dalla lingua "Quechua".

Probabilmente nò te gò dito gnente de più de quel che te gà zà dito Bruno, ma xe tuto quel che gò trovado.

Ri-ciau e ri-stra-bacioni :idea: :idea: :idea: , Lela.


Ultima modifica di Auriel il Dom Mar 22, 2009 3:34 pm, modificato 1 volta in totale
MessaggioInviato: Dom Mar 22, 2009 5:16 am Rispondi citando
york
Registrato: 18/12/05 18:14
Messaggi: 1417
Località: Victoria, BC, Canada




Grazie cocola Lela!! Smile Smile Smile

York Very Happy

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Dom Mar 22, 2009 3:36 pm Rispondi citando
Auriel
Ospite




De gnente York, xe un piazer par mi poder, de tanto in tanto, veder se rivo trovar qualcosa che ghe interesa ai altri amici.

Ri-ciau e ri-stra-bacioni, Lela.
Puma
Indice del forum » animali,natura,piante e giardinaggio
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015