TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » le ricette de nonna e vostre » STRUCOLO DE PATATE E CARNE
Nuovo Topic  Rispondi Precedente :: Successivo 
STRUCOLO DE PATATE E CARNE
MessaggioInviato: Ven Mar 20, 2009 7:48 pm Rispondi citando
Auriel
Ospite




STRUCOLO DE PATATE E CARNE

Ingredienti per 6 persone.

Par la pasta:
1 chilo de patate,
3 ovi freschi,
2 eti e mezo de farina bianca,
1 bustina de lievito per dolzi,
un fià de butiro amorbidido a bagno maria.
_________________________________________________________
Par el ripien:
2 eti e mezo de polpa (masinada fina) de manzo o de vedel,
o, anca, carne ‘vanzada,
2 cuciari de oio extraverzine de oliva,
1 mestolin de sugo de pomidoro,
2 cuciari de parsemolo taiado,
25 gr. de formajo lateria stagionà o grana, gratadi,
1 roso de ovo,
sal e pevere nero pena masinado.
_________________________________________________________
Par el condimento:
3 o 4 cuciari de pangratà,
30 gr. de butiro scaldado e fato pena pena indorar,
_________________________________________________________
‘na presa de sal de meter nel’aqua indove se intendi lesar el strucolo.
_________________________________________________________

Dopo gaver lesado le patate in abbondante aqua, spelarle e pasarle nel strucapatate e metelo sora na spianadora par impastarlo co la farina, el lievito i ovi el butiro amorbidido a bagno maria e ‘na presa de sal, a sto “composto” - ch’el devi risultar morbido e liso – el và tirado co un matarel (va ben anca ‘na botilia de vetro svoda) sora un quadrato de tela fina (pena pena bagnada) fin a ragiunger i la groseza de un zentimetro.
De parte, in t’una farsora, sofrizè la carne masinada in t’el oio e,dopo qualca minuto, zonteghe el sugo de pomidoro, regolè de sal e pevere e lasè cusinar par zirca 20 minuti misciando speso, studè el fogo e lasè sfredir el tuto po’ zonteghe el formajo gratà el parsemelo e el roso de ovo.
Cò gavè otignudo sto ripien distirelo sora la sfoja e po’, alzando de ‘na parte la tela rodolè l’impasto come se fùsi un salame.
A sto punto la tela la và involtizada e fermada ale do punte parchè el salame no’l ris’ci de verzerse intanto ch’el vien cusinado.
Nel fratempo, in t’una pignata, gavarè meso a boir aqua salada e ‘na volta che la gà ciapà el bojo, sbasè la fiama, caleghe drento el strucolo e laselo a lesar per zirca 50 minuti.
Cavelo fora del’aqua, caveghe via la tela e tajelo a fete, pò servilo spolverizà de pangratà e inumidì ben ben co’l butiro sfuso e lasado pena pena indorar.

Bon apetito e stra-bacioni Idea Idea Idea , Lela.
STRUCOLO DE PATATE E CARNE
Indice del forum » le ricette de nonna e vostre
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015