Bele foto. El mio bisnono adotivo lavorava ala Stock in qualche laboratorio, quando che la iera ancora nela vecia sede.
El iera vignudo star a Trieste de Bologna durante le guera 'ndove che 'l iera nato. So che a Bologna la sua familia gaveva una sua distileria, che dopo gà falido, soratuto per la concorenza dela più famosa Buton (la distileria del bisnono la se ciamava "Protti & Pellegri"). E cussì i lo gaveva ciolto ala Stock come "chimico" (cussì me diseva mia nona), anca se el gaveva solo che la terza media: evidentemente quela volta anca l'esperienza "sul campo" contava qualcossa...
A casa gò ancora un per de botilie de "Crema Cacao" e de "Goccia d'oro", anca se no intonse, perché no go resistido ala tentazion de un sluck
E devo dir che dopo più de 40 ani (sto mio bisnono xè morto nel 1962 e 'l iera in pension, quindi le botilie xè del principio dei ani '60) sto petess se gà mantignù ben. El Goccia d'oro in particolare xè bon: una spece de Strega un fiatin più leger...
_________________ OGNI RIDADA GHE CAVA UN CIODO ALA CASSA DE MORTO
No credo sia vero, ma i me diseva che quando i fazeva la Marsala all'ovo, la mattina i trovava nela vasca qualche sorzo (o pezo) negado
EXTRA PROTEINA, York. Jera tempi duri quei! Un pochetin de carne in più de qua o de la andava ben.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Inviato: Gio Gen 08, 2009 5:34 pm
Auriel
Ospite
Bon ano a tuti quanti!!!
Ma come nisun no se gà acorzudo che finalmente som rivada a meter 'na foto?
a parte i scherzi, anche la magior parte de la mia fameja la gà lavorado alla STOCK: mia mama, mio fradel (prima come operaio e dopo nei ufizi) sempre a Roian. Anca mi gò lavorado a tempo determinato (par tre mesi) ala STOCK (co' mia fia più picia la gaveva pena sie mesi, me ricordo che ciapavo £ 120.000 al mese e ghe davo 80.000 ala baba che la me la vigniva a vardar; i altri due i andava zà in asilo). Ma mi gò lavorado in "Zona Industriale" e me ricordo anca, a diferenza de quel che disi york (che, anzi mi son restada con tanto de naso ) che co lavoravo i portava de matina verso le diese un bicerin de "Stock 84" a tuti i operai - masci o femine che fussi - e de dopopranzo i portava un bicerin de "Bianco Sarti" (se me ricordo ben)!!! .
De novo un felice e sereno 2009 a tuti e stra- bacioni , Lela.
Inviato: Gio Gen 08, 2009 6:09 pm
Auriel
Ospite
Eco, questa xe 'na foto de mia mama (quela co' la testa taiada e che la ghe fà i corni ai sui coleghi sentadi ) co' la lavorava ala Stock. Là la gà lavorado per tanti ani pasando per diversi reparti, anche in quel dele "mignonete" infati, qualcheduna de quele le gò ancora quà a Sondrio (anca se mia mama la xe svolada via zà nel genaio del 1993) e le tegno come sopramobili. Prima inveze la lavorava ala "Lucky Shoe" in "Punto Franco Vecio" dove che i fazeva scarpe e, anca mi gò lavorado là un fià de tempo, 'ncora co' studiavo de sera.
Ri-ciau e ri-stra-bacioni a tuti, Lela.
Inviato: Gio Gen 08, 2009 6:18 pm
Auriel
Ospite
Orca pipa rota, gò visto 'deso che son diventada "caporal magiore", che bel, scuminzio a salir de grado!!! gò idea de cambiarme l'avatar (o atavar???) , bon, insoma la foto, ogni volta che fazo un picio paso 'vanti.
Ancora ciau e stra-bacioni
Lela.
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
