TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » le ricette de nonna e vostre » La cusina triestina
Nuovo Topic  Rispondi Precedente :: Successivo 
La cusina triestina
MessaggioInviato: Lun Nov 24, 2008 6:24 pm Rispondi citando
servolo
Registrato: 09/10/05 15:55
Messaggi: 2194
Località: trieste




Salve, in questa cità che no xe altro che un mismas de genti vegnude de tute le parti,anche i dolci e la cusina coi sui nomi gà la sua provenienza.Parlando l’altro giorno con un per de lori ne xe cascà el discorso sul magnar (te pareva), e proprio sula cusina triestina.E qua ve voio:cossa vol dir cusina triestina? E quale xe le sue specialità?Ciapandola un fià de lontan,scomodando Carlo VI che el 18 de marzo del 1719 proclama el porto franco,Trieste no iera niente de più che un paesoto,tanto xe vero che el censimento del l735,pena fato el Distreto cameral sora le vece saline (che dopo el ciapa el nome de borgo teresiano) conta 3.865 persone in cità e più o meno altri 5.000 fora.Questi 5000 tuto iera,meno che gente de origine triestina.E alora torno a bomba cossa vol dir cusina triestina? Vol dir roba bona,che dopo podemo ciamarla come che volemo : potiza, putiza, presnitz,jota, štrukelj, strucolo, strudel,šnite,e po’ gavemo i rigojanzi, le palačinke,la gelatina o žuca,la calandraca, e i gnochi de patate,de susini , cole ciliegie,cola marmellata,quei de pan…………
Comincemo dala potiza (o coi nomi dele varianti) el nome dovessi venir dal sloven “poviti” che vol dir rodolar e alora la “povitica” no xe altro che una rodolada…… e invece el presnitz, che xe fato de pasta de sfoia e no de pasta de pinza el nome ghe vien de “presen kruh” o pan senza lievito, gò sentido anche un'altra spiegazion che la me par zucada pei cavei: “brez nič” che vol dir più o meno come prima “senza niente”………
I strudel,che traverso el sloven la xe diventada štrukelj e dopo strucolo,pura parola gnoca che vol dir vortice,gorgo,proprio come la forma che se ghe dà al strucolo,che el pol esser el classico strucolo de pomi o el carsolin strucolo in straza,boìdo.
…..le šnite che tanti le ciama sope,tanto povere quanto bone,fete de pan vecio zumbade de ovo, con un pochi de aromi (se iera) e dopo frite tociade nel late o anche in tel vin, no stemo dimenticar che in lingua gnoca schnitte vol dir feta…….Che se inveze del pan metemo carne vien fora tante de quele specialità, no ultima quela specie de disco volante che xe le lubjanske de Marea……..
La pinza,altro dolce de stè parti,cola pasta dela pinza se fa anche le titole, col suo ovo duro piturado in rosso.
….la jota, tipico minestron carsolin,de capuzi garbi e fasoi,cole sue varianti,cole patate,fata anche cole rave garbe, tanti ghe meti anche un poco de orzo,quel che nela jota no devi mancar mai xe un toco de carne de porco,quel che se vol,se no xe altro anche do luganighe ghe stà ben.Fela stasera e ciameme pel pranzo de domani, che el giorno drio la xe più bona. Qualchedun voleva convinzerme che deriva da “ghiotta”,ognidun gà dirito dele sue opinioni…..
…..La torta rigojanzi, de origine ungherese,pochi la conossi e ancora meno xe quei che la fa.L’origine del nome vien de un maestro violinista e diretor de una orchestra tzigana Janccsi Rigò che ghe gà fato girar la testa a una bionda milionaria americana Klara Ward, che zenava col mari un principe belga Joseph Chimay et de Caravan.Eh,l’amor no xe brodo de fasoi ma qualche volta torta rigojanzi,fata far de un amico del violinista, un Gerbeaud dela pasticceria Kugler-Gerbeaud. Iera el 1896 e dopo un poco i due fila e i comincia girar per l’Europa,finchè in Egito la bionda Klara se innamora de un spagnol e la se meti con lui.E dulcis in fundo:dopo de stò spagnol riva un napoletan capostazion dela Ferovia Vesuviana che ghe la fufigna al spagnol(.te pareva che el napoletan no ghe la cazzi a tuti, bon che ai giorni nostri i cinesi ghe la gà cazzada anche ai napoletani )
Bon, in quanto ale ricete zerchevele o metè le vostre in forum, se dopo volè saver quale che xe più bona,no ‘ver riguardo:ciameme, e se no ve fidè de mi posso portar anche un amico…….. Very Happy
……..volemo ancora parlar de cusina triestina?
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
Re: La cusina triestina
MessaggioInviato: Mar Nov 25, 2008 6:04 pm Rispondi citando
machinista
Registrato: 12/08/06 16:48
Messaggi: 162
Località: Trieste




servolo ha scritto:
…… e invece el presnitz, che xe fato de pasta de sfoia e no de pasta de pinza el nome ghe vien de “presen kruh” o pan senza lievito, gò sentido anche un'altra spiegazion che la me par zucada pei cavei: “brez nič” che vol dir più o meno come prima “senza niente”………

Mi inveze, caro Servolo, go sentì e leto che "presnitz" deriva dal tedesco "prinzess", perchè el dolce xè stà creà in ocasion dela visita a Trieste de una principesa asburgica, e che storpiando el nome de "prinzess" xè apunto vegnù fora presnitz.

_________________
Vittorio

"La tragedia della vita non è non raggiungere gli obbiettivi, ma non avere degli obbiettivi da raggiungere"
Profilo Trova tutti i messaggi di machinista Messaggio privato Invia email
MessaggioInviato: Mar Nov 25, 2008 7:52 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Allora, qvanto di Tetesko si parla, kosì rispondo io, berkè io il Tetesko qwasi gome il Triestino parlare so.

La traduzion per Gnoco dela parola: Principessa xe Prinzessin, che praticamente anula qualsiasi posibilità de darghe la colpa a ela del'origine etimologica del nostro amado presnitz.

Secondo la mia bibia del dialeto triestin, el Doria, la parola xe stada adotada diretamente dal Sloven, presenic però scrita in alfabeto fonetico, e dunque la pronuncia dela letera "c" xe stda scrita "tz." Presenic, che vol dir, apunto, focaccia pasquale, xe stada adotada per intiero, senza altre variazioni. Dopo, naturalmente, tute quele bele storie contade de Servolo a riguardo del pan senza lievito le se riferisi al'etimologia del termine stesonela lingua slovena, però, mentre che a noi ne interesa de dove che la provien in Triestin.

Barba Gnampolo,
el vostro profesor de linguistica, sempre al servizio.

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Mer Nov 26, 2008 8:25 am Rispondi citando
machinista
Registrato: 12/08/06 16:48
Messaggi: 162
Località: Trieste




Caro Orso, a parte il fato che mi no so gnanche parlar in italian Surprised Very Happy , mi go riportà quel che go leto... Mi go sempre dito che quel che se leggi va ciolto sempre col beneficio de inventario...

_________________
Vittorio

"La tragedia della vita non è non raggiungere gli obbiettivi, ma non avere degli obbiettivi da raggiungere"
Profilo Trova tutti i messaggi di machinista Messaggio privato Invia email
MessaggioInviato: Mer Nov 26, 2008 11:56 am Rispondi citando
dan68
Registrato: 15/01/08 11:35
Messaggi: 529
Località: tivoli (RM)




'sasini! Delinquenti: xè mezogiorno, co' stago legendo ste robe e gò tuta la tastiera del PC sbrodigada de bave. FAMEEEEEEEEEEEEEE! Very Happy

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Mer Nov 26, 2008 4:08 pm Rispondi citando
servolo
Registrato: 09/10/05 15:55
Messaggi: 2194
Località: trieste




dan68 ha scritto:
'sasini! Delinquenti: xè mezogiorno, co' stago legendo ste robe e gò tuta la tastiera del PC sbrodigada de bave. FAMEEEEEEEEEEEEEE! Very Happy


Very Happy Very Happy metite un bavariol Very Happy Very Happy

_________________
se no guanta cambia
Profilo Trova tutti i messaggi di servolo Messaggio privato Invia email
La cusina triestina
Indice del forum » le ricette de nonna e vostre
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015