Salve,ve ricordè la fabrica de mobili Zerial?Passando per via setefontane gò visto una vecia scrita su un muro: Mobili Zerial
La fabrica iera in via sete fontane 101, prima ancora in via Diaz.De pare in fìo sta fabbrica se gà sempre più ingrandì,tanto xe vero che prima dela seconda guera la dentro lavorava più de 100 operai.Nel 1944 un incendio la gà sai danegiado, no se gà mai savudo se iera una disgrazia o altro.
Nel suo ingrandirse la fabbrica la xe diventada un labirinto de sale,coridoi ,scale e corti interne.L’ing. Zubini in merito el scrivi “tanto che ai nuovi assunti la prima cosa che si insegnava era la maniera di districarsi tra i diversi fabbricati per raggiungere l’uscita.” Confermo pienamente:la dentro xe de perderse.
Dopo la guera ricomincia el lavor con la metà dela gente.Oltre che mobili civili xe l’aredo del’aula magna del’università e i banchi dela cesa de s.Vincenzo. Nel 1967 mancando Luigi Zerial Jr, la gà barcamenado un per de anni,e nel 1970 un pochi de operai comprava i macchinari e dove che iera la fonderia Kozmann i gà tirà avanti un per de anni.Nei veci gabinetti, quando che in alto gavevimo la casseta del acqua in ghisa cola cadenela se vedeva benissimo la scrita Fonderia Kozmann.Tuto el teren esterno ala fabbrica e anche el stabilimento xe stado comprado dala dita Sadoch.
Ciò Servolo. Me stago sempre più convinzendo che el tuo nome fa rima con persemolo. Te son per tuto, te rivi entrar per tuto...
Quando che torno a Trieste me gà l'anda che farò meo a cambiar le seradure de casa....
_________________ OGNI RIDADA GHE CAVA UN CIODO ALA CASSA DE MORTO
.....una vasca,sora un forno,piena de acqua con dentro gropi de roba rossa,un ragio de sol e par che ardi dento, forsi iera per tinir calda la cola caravela
.......la corte tra la Sadoch e Zerial,iera l'ingresso merci su via del Pollaiuolo, come se pol veder la fabrica xe come un toco sora l'altro,senza nissun ordine
Ciò Servolo. Me stago sempre più convinzendo che el tuo nome fa rima con persemolo. Te son per tuto, te rivi entrar per tuto...
Quando che torno a Trieste me gà l'anda che farò meo a cambiar le seradure de casa....
Imagino che alora de Zerial ve ricordarè anche el negozio, che se trovava in Corso , ocupando tuta la facciata del trato fra via Imbriani e via San Lazzaro. Quela casa, come ancora ogi, la se protendeva assai in avanti e la causava un restringimento del Corso, e cussì el marciapie prospiciente le vetrine iera stretissimo.Come se no bastassi, el tram ghe passava tacado tacado, e cussì ghe iera anche una ringhiera de fero che lo delimitava e impediva che semplicemente scendendo del marciapie se finissi soto el tram (el 3? el 9? tuti e due?). Risultato: se te se fermavi a vardar le vetrine de Zerial te blocavi el passaggio, per cui tanto lavoro dei vetrinisti andava spesso sprecà. Una mia amica piutosto formosa evitava de passar de là, perchè la diseva che cola scusa del marciapie streto e dela ringhiera, qualche signor ghe dava una passada de man sule c o sule t , dipendi da che parte che la se voltava.....Bisogna però dir che la iera davero una supermagiorata,e la ghe somigliava un poco , parlo dei anni '50, ala Lollobrigida , e cola petinadura "ala Lollobrigida", per giunta.
Meno mal che gò trovado uno che la pensa come mi
caro Dan no xe necessario che te cambi le seradure xchè Servolo entra anche ........dove che no le xe.
_________________ Nessuno diventa sapiente per puro caso (Seneca)
A Opcina il negozio Zerial vendeva scarpe... Forsi iera inparenta coi Zerial dei mobili!?
Aproposito de veci porcacioni, xe anca mule porcacione!! In un tram afola a San Francesco, mi in camisa senza canotiera e la mula drio de mi sevedi senza regipeto... Son da via con do buseti nela scena....
Erin un poco OT no fa sai dano....
York
_________________ ".......And whether or not it is clear to you, no doubt the Universe is unfolding as it should."
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
In un tram afola a San Francesco, mi in camisa senza canotiera e la mula drio de mi sevedi senza regipeto... Son da via con do buseti nela scena.... 