Opcina no penso che vien considera un rion de Trieste, ma ierimo semre nel comun de Trieste e gavendo il tram, ne tacava col centro meio dei altri!? Cossi xe diventa ''VILLA OPICINA'' miga per gniente !!! Come save i riconi de Trieste ga vile a Opcina, ma in tempo de guera la magioranza de ste vile iera ocupade dala wermaht e dopo dai amercani...
Faro un elenco de chi abitava in ste vile.... ''Stock'' la mia vila preferida...
Comincio con nomi de osterie in tempo de guera e dopo... nomi che xe cora la e con nomi cambiadi, forsi se voi che pode a aiutar... Comincio senca una ricerca, ma go un bel libro su Opcina che de sicuro se pol aprofondir con piu punti coreti....
Osteria dei soci davanti la cesa, quasi taca ai soci iera osteria Veto sempre a sinistra verso il tram iera osteria Malalan, defronte a Malalan sula destra osteria Sosic ? zo per la via alpini iera osteria Kete con il campo de boce... De fronte al cine iera osteria Sklaus che xe la via nazinale e cntinuando verso Fernetic a sinistra osteria ''ale do culate'' taca zo do porte l'osteria Daneu dove poco piu su sul incrocio per Repen xe il ristorante Daneu con camere?? Tornemo de Sklaus e verso il tram a sinistra xe Micel bar ristorante, do porte piu su xe osteria Max... Me fermo, iera cora altri posti che se beveva vin, che per conto mio un poco sporporziona per le paghe misere de quela volta...
York
_________________ ".......And whether or not it is clear to you, no doubt the Universe is unfolding as it should."
Il cine che gavevimo a Opcina iera de fronte l'osteria Sklaus, paneteria Drascek, la casa Uljan [paroni del cine] e davanti la Banca Del Carso [una volta Coperative Operaie]... Sula parte del cine, i giornalaio iera sempre la , dopo xe il barbier, il bar gelateria deso xe altri paroni, ma sul stesso posto xe sta la famiglia Lerose che ga verto la prima gelateria, dopo i vendeva fruta e verdura vicin la cesa, deso xe solo Lino Lerose [amico de infanzia] che vendi fruta e verdura su una bancarela vicin el tram de Opcina... Bel saria, se per caso un de voi xe nei paragi e ghe domandasi il numero de telefono [mi no rivo a trovarlo nel elenco ] un saluto da parte mia [ Angelo quel in Canada ] penso che basti, ma se gave voia de far una foto de Lino, ancora piu bel....
Alora del cine, che ga sera porta nei anni 50, sul posto deso xe altri negozi e apartamenti, ma la sera del 31 marzo 1944 [sera de proezion solo per la wermaht] ale diese xe sta fato un atentato esplodendo un bomba nela sala del cine, copando 14 tedeschi e feri una quarantina incluso un par de done borghesi... L'osteria Sklaus diventa un pronto socorso, i tedeschi aresta ogni persona che iera nele vicinance e comincia l'iterogatorio per do giorni con minacie de morte, sta povera gente che no saveva un klinz de sto atentato...
Eventualmente i vien tuti liberadi grazie a un intervento suplicoso dal paroco Zink, convincendo i tedeschi che la gente iera inocente.... Losteso il 3 Aprile 72 ostagi vien fusiladi al poligono de Opcina... Che l'atentato iera fato dal Fronte de Resistenza anti faccista iera senza dubi... Difati dopo se ga savu, che xe sta un partigian russo taca coi partigiani del logo... I scrivi che nel 1969 un funzionario del ambasciata russa a Roma xe venu a Opcina per informarse del atentato e Uljan il paron del cine [sinceramente spero] ghe spiega le tragiche conseguenze ala fucilazion de 72 povereti.... No che iera colpa Russa , ma par che nesun naca deso ga impara un boro, con atentati continui e sempre piu micidiali, ma dai quando la finira!?
York
_________________ ".......And whether or not it is clear to you, no doubt the Universe is unfolding as it should."
York
Qua xe una dramatica foto del magio 1945 a Opicina che el amico vorwaerts ga messo in un altro forum e mi me permeto (spero che no ghe dia fastidio) de riproporla qua..
Te ga una idea de dove la xe stada ciapada?
Macondo la foto davero suscita ricordi e l'atmosfera de quei giorni con le strade piene de materal belico e altro... Peca no me ricordo sti camion e iero da per tuto, par che il partigian fa la guardia ai camion, forsi cora in ordine e cosi i xe sta prelevadi ala svelta... Il klanz-stradela coi muri par, xe roba nostra, la casa col balcon anca go un idea, ma no son sicuro... Ghe mostrero la foto ai muli a Opcina e vedremo cossa i disi...
York
_________________ ".......And whether or not it is clear to you, no doubt the Universe is unfolding as it should."
X Macondo : te ga fato benissimo a postarla anche qua
Anzi, aggiungo anche un'altra foto de quei terribili giorni, che me piasessi sai identificar ben , per poder poi andar a far i foto confronti (in inglese Then & Now )
Xe comunque posibile che molti loghi sia stadi completamente stravolti : mesi fa , su indicazioni molto precise de un signor, son andà a zercar un bunker che el iera in direzion Banne vignindo da Opicina. Son andà sul posto 2 o 3 volte, zerca, zerca zerca ...fintanto che xe vignudo fora che el bunker el iera nel giardin de una casa, costruida de recente, e xe sta demolido ...
La foto postada de Vorwaerts sembreria eser stada fata in Strada Nova per Opcina al altezza del canton con la via Baiardi... Son quasi sicuro perché quel punto particolare no par 'ssai cambiado in sesanta ani.
Ciau
_________________ OGNI RIDADA GHE CAVA UN CIODO ALA CASSA DE MORTO
E di fati a Opcina xe sta distruto solo un caroarmato, ma iera un Sherman partigian, quel nela foto de sora par un panzer tedesco o forsi de marca russa? alora cossi anca quel un caroarmato partigian... So che trovavimo i Panzerfaust [Bazuka tedesco] drio sai muri...
Il Sherman xe sta colpi nele vicinance del tunel feroviario che va zo per Trieste...
York
_________________ ".......And whether or not it is clear to you, no doubt the Universe is unfolding as it should."
E di fati a Opcina xe sta distruto solo un caroarmato, ma iera un Sherman partigian, quel nela foto de sora par un panzer tedesco o forsi de marca russa? alora cossi anca quel un caroarmato partigian... So che trovavimo i Panzerfaust [Bazuka tedesco] drio sai muri...
Il Sherman xe sta colpi nele vicinance del tunel feroviario che va zo per Trieste...
York
Ciao York,
molto interessante quanto te scrivi!
tra il 29 e el 30 aprile 1945 , su un diario de un alpin tedesco, se parla de uno scontro tra lori e i titini, a est de basovizza, dove 2 ufficiai tedeschi xe rimasti sul campo, dopo gaver distrutto dei carri che stava rivando a trieste. Ma dovessi esser più su come zona.
Posso anche dirte che xe sta trovai tochi de sherman in zona Pesek, e podessi anche eser roba usada dai partigiani.
In risposta de quel carro armato,xe un T 34/76 mod.1943 de fabricazion russa, e che el IX Corpus Jugoslavo gaveva in dotazion, el posto de quela fotografia xe difronte a via del Sommaco strada nuova per Opicina, drio el carro armato se vedi un muro, che adesso nol xe più al suo posto se una palazzina con el numero civico 12, e quel T 34 come da tua foto el xe stado distrutto dai partigiani con un panzerfaust el 30 aprile 1945, allego foto fatta oggi del posto che xe nella tua fotografia. giova
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 3Vai a pagina 1, 2, 3Successivo
Come save i riconi de Trieste ga vile a Opcina, ma in tempo de guera la magioranza de ste vile iera ocupade dala wermaht e dopo dai amercani...
)
