I me gà dito che nel rion de Koloncovec sulla via costalunga, che prima non la se ciamava cussi, difronte al cimitero dei mussulmani o dei turchi, non sò in che anno iera un osteria che se ciamava alla Palestina, oggi xe el RED BARON, sulla strada vecchia dell'Istria, dove che adesso xe un asilo o una scola, prima ma sai prima iera la campagna de un certo Kodric che gaveva la villa padronale dove che la xe tuttora. Andando verso la statale 202 e con le spalle rivolte all'incrocio de via grego, nella conca difronte dove se vedi passar i carrei della teleferica dell'italcementi, una ex triperia, a chi xe nato nel rione sopracitato,spero che me confermi quel che go scritto, altrimenti me metti alla gogna. giova
e adesso caro Giova te fazo una domanda,Ti prima de scriver te controli el forum o no? Me par che te interessi solo de verzer novi Topic per dopo abbandonarli, zerca de completar qualchedun,te ne gà verti tanti………………..
I me gà dito che nel rion de Koloncovec sulla via costalunga, che prima non la se ciamava cussi, difronte al cimitero dei mussulmani o dei turchi, non sò in che anno iera un osteria che se ciamava alla Palestina, oggi xe el RED BARON, sulla strada vecchia dell'Istria, dove che adesso xe un asilo o una scola, prima ma sai prima iera la campagna de un certo Kodric che gaveva la villa padronale dove che la xe tuttora. Andando verso la statale 202 e con le spalle rivolte all'incrocio de via grego, nella conca difronte dove se vedi passar i carrei della teleferica dell'italcementi, una ex triperia, a chi xe nato nel rione sopracitato,spero che me confermi quel che go scritto, altrimenti me metti alla gogna. giova
Salve,quando un scrivi:
sulla via costalunga, che prima non la se ciamava cussi,
el dovessi almeno dir come che la se ciamava prima, e prima no la gaveva nome ,semplicemente strada per Kolonkovec fin al 28 marzo 1919
che i ghe gà dà nome de "Via Costalunga": El prof.Antonio Trampus in una Sua publicazion el ne spiega:
"Costalunga è toponimo moderno di origine letteraria, da costa-lett. costola,dorsale della catena collinosa.Forse il tracciato ricalcaquello più antico di una strada romana"
In merito al'osteria dela Palestina, la se ciama va cussì fin a un dodici anni indrio fin chè la gà cambia paron e nome.
In quanto ale campagne de un "certo" Kodric, ghe ne gaveva anche altre e i le gà tutora.
"Costalunga è toponimo moderno di origine letteraria, da costa-lett. costola,dorsale della catena collinosa.Forse il tracciato ricalcaquello più antico di una strada romana"
Per Tua conossenza
Servolo
e no far altri dopioni
Salve, e come che pensa el prof. Trampus, niente de più facile che de la passassi una vecia strada romana, tanto xe vero che la vecia Costalunga traversada la camionale,borgo s. Sergio....... la rivava fin a Boljunec. La val Rosandra fin dal'antichità iera un importante via comerciale,e basti pensar al castel de Moccò che iera proprio per controlar che no ghe fussi contrabandi (qua gò fato un salto temporale sai longo).Subito fora Kolonkovec trovemo Quarta, e anche questo ghe dà ragion al'ipotesi del professor. De quarta xe stado tratado qua:
La triperia apartegniva a Karlo, che adeso no me ricordo del suo cognome, anche erchè tuti nel rion de Quarta lo ciamavimo semplicemente "Tripar".
La triperiera, cioè l'abitazion e la triparia stesa, due imobili, xe stada venduda ai Blazevic che, co' abitavimo ancora in Quarta noi, i jera proprio i nostri imediati vizini - la porta de rimpeto ala nostra, nel steso porton. I ga dovudo sudar grani de sabia e sal per rivar lavar e sterilizar l'imobile dela triperia stesa, perche i gaveva bisogno de tute due case come residenze, gavendo quatro fioi. Me gaveva dito Sofia, ani fa, che ghe ga voludo ani prima de poder dir, adeso no ga piu quel tremendo odor. I a veramente fato una vila de quela proprietà, bisogna farghe i complimenti.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Carissimo Orso te son stado molto esauriente nella spiegazione alle mie domande, so che riguardo alle triperie xe stado scritto tanto, ma del rion de Koloncovec volevo saverghene de più perchè sora l'ex dancing Paradiso abita un signor de mia conoscenza che me ga dado le informazioni che mi go postado, perchè lui xe nato sora el monte che sovrasta quella triperia. Non volerme cussi mal piccolo orsetto giova
Quel monte se ciama el "Monte de Fogo," e, sempre se la memoria me servi, el ga quel nome perchè Fogo jera el cognome de chi che jera i paroni dela tera. El monte de Fogo jera anche el campo dei Inglesi, durante i primi tempi che i jera rivadi. I fazeva le manovre e tuto el resto propio sul versante nord-est del monte, a partir dal deposito de aqua che jera su in zima del monte fin zo dela strada. Probabilmente el deposito de aqua sarà ancora in zima de quel monte.
In quei giorni el monte de Fogo jera ancora una foresta de roveri grandi e veci. In fati tuta la vale fin pasà quarta no jera altro che roveri.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Te son una memoria vivente, questo signor che mi go menzionado el me ga parlado de quel monte de fogo perchè la xe nati vissudi e morti i suoi nonni, el me ga anche parlà delle catacombe la del cimitero, te risulta qualcossa? Continuemo questo discorso che me interessa. giova
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
e no far altri dopioni 
