So che questa de una copia de veci in via de "dimenticanza" xe una clasica che la gavarè sentido zà più volte, ma ogi go inteso una versio de ela che propio me ga piaso e cusì anche a ris'cio de una nojosa ripetizion la rimeto. Com i disi? I omini ilustri i se ripeti sempre
"Tonin, te va in cusina a ciorme un cafè che me diol la schena e no go voja de alzarme?" ghe domanda la Marieta.
"Un cafè te vol? Vado..." premuroso lui.
"Scoltime, Tonin! Scrivite una nota che no te dimentichi cos'che te zerchi co' te rivi in cusina!"
"Ma Marieta, dei! Ma cos'son mona che dimenticherò perchè son rivà in cusina? Ma che nota, dei!"
"Ma scrivite una nota, che te conoso mi!" la insisti ela.
Tonin ghe fa una smorfia e un segno de man che no se devi descriver in un forum come questo. El va in cusina e el torna dopo cinque minuti...
"No i ghe ne ga più," el ghe fa ala Marieta.
"No più? Che roba no i ga più, Tonin?" ghe domanda ela, tuta ansiosa.
"I bilieti del teatro no?" lui serio.
"Ah i bilieti... Urca che pecà!" comenta la Marieta, e dopo un momento la ghe fa, "Ben sa cosa, Tonin? Visto che sta sera se sta a casa, te va ciorme un cafè in cusina, che go mal de schena e no poso alzarme?"
Orso
Ultima modifica di Ursus Canadiensis il Lun Mag 12, 2008 5:33 pm, modificato 2 volte in totale _________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Orso bela e a punto...
Se la memoria xe una preocupazion? Scoltavo un esperto che rasicurava, se quando te va in cantina a ciolte un cazavide e no te se ricordi cossa xe che te son anda a cercar [roba che sucedi piu volte a mi] se il laps se trata de secondi xe OK, ma se se trata de minuti no xe piu una barzeleta... Un disastro pero, inveze del cazavide se tona con un martel...
York
_________________ ".......And whether or not it is clear to you, no doubt the Universe is unfolding as it should."
Orso bela e a punto...
Se la memoria xe una preocupazion? Scoltavo un esperto che rasicurava, se quando te va in cantina a ciolte un cazavide e no te se ricordi cossa xe che te son anda a cercar [roba che sucedi piu volte a mi] se il laps se trata de secondi xe OK, ma se se trata de minuti no xe piu una barzeleta... Un disastro pero, inveze del cazavide se tona con un martel...
York
L'importante xe che no te usi el martel per misiarte el zuchero nel capucino, o specialmente che no te lo usi per lavarte i denti
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Purtropo per quei che i ga cosa far con la parentela o congiunti che xe vitime de la demenzia no xe una barzeleta, ma prima o dopo tuti inveciemo e con la veciaja vien anche el problema del bidon che contien la memoria che el comincia a spander. No vol dir altro de grave che el progreso (o rigreso) dela natura e la memoria no xe più quela de quando che se gaveva 20 ani. Gnente de grave, anzi, certe situazioni, in quel caso la, le pol eser anche cocole e umoristiche. Infin dei conti se no semo boni de farse una ridada sia ale spale dele nostre deboleze che ai nostri ilustri forti no val la pena gnanche de ciamrse "normali".
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Bona quela Giacollin? O me sbaglio!!
Seriamente!! Go paura che anca la fiducia me tradisi... L'altro giorno inveze de scorezar me go caga in braghe...
Cossa vole ,un pol dir che la go col ''sterco'' [e de matina bon ora]
????
_________________ ".......And whether or not it is clear to you, no doubt the Universe is unfolding as it should."
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
