Tre omini i mori più o meno contemporaneamente e i se trova davanti de S.Piero, che ghe disi: "Muli, me dovè contar come che sè morti, cussì vedo 'ndove che ve posso meter. Comincia ti" - el ghe disi al primo. E quel taca:
"Mi me spuzava de 'ssai tempo che mia molie la me metesi i corni; po' un giorno gò avudo la conferma. Son tornado a casa prima e la gò vista imbarazada, alora gò cominciado a zercar per tuta la casa, e no te vedo un omo impicà fora dela finestra dela camera de leto, con tuto che stago al decimo pian?! Alora gò verto e gò comincià a darghe zò sule man, ma sto qua no molava. Gò ciolto un martel e finalmente sto quà xè cascà de soto. Però no'l xè morto. Alora son andà in cusina, gò strasinà el frigorifero, lo gò sburtà fora dela finestra per finirlo, ma in quela me xè vignù un colpo e ghe son restà."
"Orpo - ghe fa S.Piero - no te poso meter in Paradiso, me dispiasi. E ti?"-ghe domanda al secondo.
"E mi gnente. Mi stago al undicesimo pian, l'atico, e stavo fazenso un poca de ginastica in teraza, son sbrisà, ma per fortuna gò rivà a guantarme su una finestra. Ma in quel xè rivà un mato che me gà dà tanti mati colpi sule man, che ala fine son cascà zò, su una siepe. Quando che me stavo pian pianin riavendo dela sbigola, gò visto rivarme doso un frigorifero e son morto".
"E ti, inveze?" - ghe domanda S.Piero al terzo.
"Mi no gò capì un'ostia! So solo che iero serado in t'un frigorifero e che son morto!!!".
_________________ OGNI RIDADA GHE CAVA UN CIODO ALA CASSA DE MORTO
Fora un'altra, alora!
Xè un veceto de 90 ani che va del dotor. "Dotor, la me poderia far la riceta per quele pirole zelesti.... come se ciama? Ah sì: Viagra. Perché la sa, no xè più come che iero giovine..."
El dotor lo varda ridendo e 'l ghe fa: "Ma dèi, sior Toni... Ala sua età, cossa la pretendi. Quela roba poderia anca eser nociva". "No, no: mi no pretendo de tornar come che iero a venti ani, ma una guadina ogni tanto me piaseria farmela...."
El dotor alora, el se pensa qualcossa per cavarse de torno el vecio senza farghe mal ala salute: "La vardi, sior: lassemo star le pirole. Ghe dago mi una cura de mia invenzion che funzia sempre e no fa mal: la devi magnarse 3 chili de pan al giorno e la vederà che de quà a una, masimo due setimane la tornerà qua de mi sodisfato". "Grazie, grazie sior dotor! Vado subito del pek a cior pan!"
E via lu del pek 'ndove che 'l ciol sempre quela bigheta che ghe basta per la giornada. "Bongiorno a tuti - el ghe fà entrando in botega - Volessi tre chili de pan". La comessa lo varda stupida e la ghe disi: "Ma dèi sior Toni: xè tropo. Dopo 'l ghe diventa duro..." "Alora diese chili... Voio diese chili!!"
_________________ OGNI RIDADA GHE CAVA UN CIODO ALA CASSA DE MORTO
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
