Bona sera a tutti, in particolar modo a SERVOLO. Mi xe' diverso tempo ke ve legio, xe' interssantissime tuute le robe vecie ke go' trovado qua. Mi volevo domandarve qualkedun de voi : abita, ga' abitado oppur ga' foto dai anni 40 fin ai anni 90 de questo rion. Mi abito dal '61 cioe' da quando son nato, pero' prima no me interessava fotografar , inveze adesso ke stago diventando vecio ( ) me interessa tanto, pode' iutarme??????????
[size=7][/size MEIO AVER L EPATATE KE AVER L EPATITE
Caro Dario mi son nato a San sabba nelle case che purtroppo no xe più (butade zo).Quelle che iera difronte al Vecio cine Lumiere , la prima casa drio el mercato. Son restado la fino a 5 anni e go un pochi de ricordi.Per esmpio la ferrovia che divideva la nostra zona con quella de Giarizzole e le "guerre" fra muloni. Me ricordo mia mamma, tutte le mamme che le ne portava sora el ponte per respirar el fumo della locomotiva contro la tosse "pagana". Le picie ruberie de frutti che fazevimo nelle campagne (tutti i gusti i gaveva). E le grandi magnade de angurie in corte.
Eccome in corte nel 1953
http://img179.imageshack.us/img179/2734/53bo9.jpg
_________________ L'alcool xe nemico dell'omo. Chi ghe volta le spalle al nemico xe un vigliacco.
La meto un poco più grande. Altri ricordi: sul monte Pantalon (lo ciamavimo cusì) a darghe una man a ingrumar frutti sui alberi ai contadini. Nel '54 con mia mamma sulla finestra a guardar i americani che'ndava via. E me xe restada in mente una frase che la ga dito: deso riva i castigamati. Quella volta no capivo perchè............grande verità.
ciao giuliani, mi son piu' giovine de ti, pero' el ponte in piera della ferrovia me lo ricordo pero' i gaveva za' tirado via le sine, me ricordo quando ke i lo ga' buttado zo', iera una gru' con una grande bala ke ge' sbatteva contro.
mi stavo difronte all'osteria de valentin ( ocio de vetro - polifemo ), me ricordo quando Santin ga' inaugurado la CASA DEL GIOVANE.
mio santolo stava sul cucuz del monte pantalone. Quela volta (anni 50-60) se andava su per un clanz. Adeso me par che la via se ciama Cesare Rossi, ma xe posibilissimo che me sbalio. Posto una foto fata un do mesi prima che parto per l'Australia, xe mio zio e mio santolo e mi che cuco da drio de mio zio e semo in giardin difronte ala casa che dava appunto su sto clanz. Stada fata nel giiunio del 65.
ciao dcobau, si se ciama via cesare rossi, alla fine te giravavi per una traversa a sx e se rivavav fin soto i depositi della Esso , iera pien de campi de erba medica ( erba spagna foraggio per mucche e conigli), fino a dove ke adesso xe' el vecio inceneritor, sotto la ceseta de San Pantaleon.
ciao Servolo, savevo za' la storia della ciesetta de monte san pantaleon, perke' go' fatto anche el chirichetto la', la cesetta xe' sotto la parocchia della beata vergine addolorata,( la ciesa ke xe' in piazzal valmaura, difronte ai capolinea dei autobus cmq grazie
Carissimo Giuliani: oggi go postado sul topic Valmaura una foto del 1958 inerente Valmaura, guarda se te pol esser utile a trovar la casa dove te son nato, sempre che la sia in foto. Spero de esserte stado utile, se nò pazienza. giova
Carissimo Giuliani: oggi go postado sul topic Valmaura una foto del 1958 inerente Valmaura, guarda se te pol esser utile a trovar la casa dove te son nato, sempre che la sia in foto. Spero de esserte stado utile, se nò pazienza. giova
..........come gò zà scrito in Valmaura, perchè verzer un dopion e no continuar el discorso qua?Mah...........
Rispondo: perchè credevo che Dario 69 gavessi fatto lui la richiesta della casa drio el cine lumiere, inveze la richiesta la ga fatta l'amico Giuliani, e allora mi go pensado de aprir un novo topic. Perdonooo-perdonooo-perdonooo. giova Errare Umanum Est
come gò zà scrito in Valmaura, perchè verzer un dopion e no continuar el discorso qua?
Un topic al giorno leva el medico de torno...
Se Giova se accorzi che el mio topic "Triestina 2007-2008" dura dal 19 giugno 2007 con 730 messaggi, son sicuro che el me manda in mona ed el verzi subito un topic per ogni gol che fa l'Unione...
Roby
Qua semo un poco fora zona...Via Flavia, poco prima de la Brigata Casale. Mi go un vago ricordo del autoricambi (per el bareto sul canton) ma forsi voi lo conosevi meio. Me domando se el esisti ancora...
PS: La foto la xe un tantin grande. Se la da fastidio, la fazo piu picia.
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 2Vai a pagina 1, 2Successivo
) me interessa tanto, pode' iutarme??????????
