Salve,cossa pol aver in comune l'Arcivescovado e el mitico Rex?
Fato nel 1931 nei cantieri de Sestri Levante gà poco de far con Trieste, però nel 1944 dopo esser veniudo a sconderse a Trieste perchè i aleati no lo bombardi e in procinto de esser trasformado in trasporto trupe o qualcossa de simile el xe stado spostado nel golfo de Capodistria dove che la note del 8 setembre 1944 i lo gà bombardado e afondado, el xe restado la in pase fin al 1947 co i gà cominciado a demolirlo.La gente del logo ciamava el trato de costa visavì la nave Giracarozze.Fin qua el Rex. L'Arcivescovado al'epoca del Vescovo Karlin el xe stado arichido de una capela privata opera del'architeto Ivan Burnik con diverse opere d'arte,iera el 1912. E adesso tornemo un momento al Rex: xe tradizion che i aredi sacri de quele navi che gà a bordo una capela ghe vadi (quando che la nave va in disarmo) o al vescovo del porto de armamento o al porto più vizin.E diverse robete del Rex xe proprio nel Arcivescovado triestin, e le panche de legno pregiato dela capela privata del Vescovo xe quele del Rex.Chissà che un giorno no ghe riverò andar dentro?
Servolo
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
