Mi son 'ssai curioso de veder sta squadra col novo alenador: una roba me ga piasso, però, che no'l zerca risultati senza zogo, ma la sua filosofia xe che se te zoghi ben, i risultati i riva ala fine.
Certo xe che no'l ga el Sudafrica in man stavolta....
_________________ Ci vuole tutta una vita per capire che nella vita non serve capire tutto
A proposito de 6 nazioni.
La kermesse xe za cominciada co le partide de contorno e l'Italia pur no sfigurando ga perso coi U20 6 a 0 e con la nazionale feminile 19 a 0.
Inveze ve preanuncio che l'Italia zogherà col luto per la morte del papà de Carlos Nieto.
_________________ Ci vuole tutta una vita per capire che nella vita non serve capire tutto
Una partida giogada fino alla fine, pecà che no xe stada traformada la meta, pecà per i due calci piazzati, pazienza , podevimo vinzer anche con una difesa che fazeva un poca de acqua.
Per quel poco che capiso per mi el migliore in campo iera Bergamasco, su Bortolussi gò qualche ....dubbio.!
Adesso vederemo cossa che succederà domenica a Roma contro l'Inghilterra.
Ciao Ally.!
_________________ Nessuno diventa sapiente per puro caso (Seneca)
Gran bela Italia: grande difesa nel primo tempo e grandissima prestazion dela mischia con una squadra che avendo cambiado poco o niente dopo el mondiale xe una squadra rodada e esperta.
L'impostazion Mallet a l'Italia xe otima: presion, presion e ancora presion; e tuto difendendo e placando con tanta disciplina: pochissimi fali e anche el gialo de Dellapè per mi iera viziado da un falo precedente de un irlandese.
Buona la prestazion dela copia Travagli-Masi in mediana, anche se xe de rivederla; Travagli xe stado fenomenale in difesa ma forsi un poco lento sula trasmision de la bala, Masi ga ragionado un poco tropo da centro, ma el xe stado molto eficace nel spartir zogo.
No xe stada una partida felice per el reparto più aretrado: poche bale per le ali e poche posibilità per lassar andar i velocisti (Robertson in primis). Da dimenticar la partida de Canavosio su cui i irlandesi ga puntado per sfondar (anche complice una contusion ala spala); Bortolussi e Galon ga lavorado abastanza ben sula copertura, anche se forsi (sopratuto per Bortolussi), qualche soferenza de tropo per el vento nel primo tempo.
Sostanzialmente un'otima partida che l'Italia gavessi podudo vinzer nel finale e che se la vitoria xe mancada xe solo per el merito dei aversari.
Un aplauso anche al grande publico de Croke Park.
Avanti cussì Italia!
_________________ Ci vuole tutta una vita per capire che nella vita non serve capire tutto
Disemo che con do ale più fisiche come Pratichetti e Stanojevic saria stada un poco meio, ma nel rugby bisogna tegnir de conto anche i infortuni e ala longa la diferenza la fa anche el numero de zogadori a disposizion. L'esperimento Masi apertura me ga piasso (anche perchè essendo omo de mischia preferisso un numero 10 che placa piutosto che una figheta che se limita a qualche calceto...). No xe el massimo, ma xe una bona alternativa spetando che maturi Marcato. Un punto debole xe stadi i calci, Bortolussi ga le doti ma xe molto discontinuo e in quel ruolo servi gente solida. E varda caso el 15, assieme al 10, xe un ruolo che nel campionato italian xe quasi sempre coverto da stranieri. Alora no servi far l'Accademia a Tirrenia per far cresser i giovani, se quando i riva in prima squadra i xe coverti da oriundi o pseudo equiparadi. Con coach Mallet forse che cominceremo ad aver un zogo più semplice ed oportunista (che xe quel che ga portà i Springboks a vinzer el mondiale), perchè el valor ormai lo gavemo dimostrado, ma oltre ale pache sule spale saria ora de portar a casa qualcosa de più concreto. Comunque, come sempre, sentir "The Fields Of Athenry" cantada da 80.000 persone me fa vignir la pele de oca (oltre quela de mus, che go zà). Vederemo la prossima al Flaminio contro i vicecampioni del mondo de l'Inghiltera che ga ciapà un stramuson a Twickenam dai Dragoni Gallesi (no voio gnanche pensar a quanta bira sarà stada consumada in Galles...). Speremo de recuperar qualche infortunado e anche Carlos Nieto, dopo la grave perdita del papà, uno dei più grandi cantanti folk argentini, "El Chango" Nieto.
_________________ "An eye for an eye will make us all blind"
Ecco spetavo proprio che te saltassi fora anche ti, bentornato Capitanbumba.
Te sa cossa che me gà fatto tanta tenerezza ? Troncon a bordo campo che zercava de suggerir el massimo ai nostri e restando in campo anche un poco più del dovuto colla scusante che el portava acqua.!
La Francia oggi gà fatto fora i Scozzesi con una bella partida veramente anche se a mi i francesi me xe cordialmente antipatici.
_________________ Nessuno diventa sapiente per puro caso (Seneca)
Ecco spetavo proprio che te saltassi fora anche ti, bentornato Capitanbumba.
Te sa cossa che me gà fatto tanta tenerezza ? Troncon a bordo campo che zercava de suggerir el massimo ai nostri e restando in campo anche un poco più del dovuto colla scusante che el portava acqua.!
La Francia oggi gà fatto fora i Scozzesi con una bella partida veramente anche se a mi i francesi me xe cordialmente antipatici.
Bona che i te xe CORDIALMENTE antipatici..........
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Xe chiaro che saverè che la Francia gà battudo l'Irlanda, però per un pel che i irlandesi no ghe fazeva scacco, la differenza punti no xe stada abissale, come inveze più forte xe stada la differenza fra Galles e Scozia.(vinta dal Galles)
E oggi al Flaminio Italia - Inghilterra...............
_________________ Nessuno diventa sapiente per puro caso (Seneca)
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 3Vai a pagina 1, 2, 3Successivo
ma ghe voleva...
