anni fa go visto el presepio del fio de un amico con un bel T-Rex a dominar la scena...
Cossa, Mark Bolan fazeva la parte de Giusepe o de Cristo?
Fussi stà per suo papà, probabilmente el gaveria messo Marc Bolan nela parte de Gesù bambin, inveze iera propio un Tyrannosaurus Rex con tanto de fauci spalancade
_________________ Ci vuole tutta una vita per capire che nella vita non serve capire tutto
Alora, per continuar con storiele de Nadal scuse se anca qua includo i miei cari e simpatici comunisti nostrani... Lori consideradi Atei, losteso per Nadal ne faseva il presepio e spartiva un do bonboni un mandarin do noxi e altre robete... Varde, se xe un grupo de Atei che se meritava un intervento Divino de aiuto, iera propio lori cocoli... A mi un ano i me ga fato San Giusepe, il presepio iera fato sul palcoscenico al ex scola slovena ex ricreatorio fascista deso ''Circolo Culturale de Opcina'' All Welcome... A star fermo e far il santo per un par de ore, go giura che il prosimo ano, sto martirio se lo pol far un altro cristian... No podevo nanca gratarme il daur, Dio Santo... Difati il prosimo ano per SaniColo i me ga vesti de diavolo, il Santo senta in poltrona sul palcoscenico spartiva regaleti e benedizioni, mi in un costumin roso con corni, codin, forca, muso e mani nere, per mi una parte perfeta... Iera la cadena de un do metri, co saltavo vanti batendola per tera, fasendo un casin per spaventar i piu pici, povereti tuti impalididi, che ogi me rendo conto, sti cocoli de comunisti me ga fato far propaganda per la cesa....
Salve e Bon Anno a Tutti
York
_________________ ".......And whether or not it is clear to you, no doubt the Universe is unfolding as it should."
Buon anno anche a te. Questa l'ho capita tutta, ti sei spiegato benissimo. L'unica parola che non sono riuscita a tradurre è "daur", ma con un po' di intuito e inserendola nel contesto, credo di aver capito perfettamente. Non servono spiegazioni.
Visto che xe za pasa un aneto, un do righe su un evento acadu un par de giorni prima de Nadal... Save che lavoravo in ferovia Rhodesiana come Foghista/Machinista ... I sete ani de servizio fato la, con i ultimi tre ani come passa/machinista, ma se restava a far i foghisti in linia fin quando se verzeva un posto de machinista ... Se il foghista e machinista andava dacordo, i lavorava insieme per ani, dove per amicizia ogni tanto ne cambiavimo posto... losteso anca far il foghista sula Garratt ''machina a vapor'' essendo completamente automatica iera un piaser a controlarla...
Chi no cambiava ''mai'' il posto con noi iera il povero ''Garratt Boy'' l'omo african, dove indiferente dela sua eta veniva sempre ciama ''boy'' Lori i veniva cambiadi ogni viagio, che de solito durava un 28 ore ''con in mezo 8 ore de riposo'' per dopo tornar indrio... Come il mio lavor, anca il lavor del Garrett Boy no iera sai pesante, iera le ore longhe che stancava... Con tuto sto venir e andar de aiutanti, li conosevimo tuti... Ma in sto viagio prima de Nadal ''l'omo african'' che se ciamava Clement, iera un dei piu anziani e come tanti altri manteniva una famiglia numerosa... Per quanto la paga de Clement iera bona, in confronto a tanti altri povereti no iera de cantar sai gloria... Alora capire la contenteza de Clement, quando vicin la fine del viagio ''tarda note'' la machina investi una vaca, dove il ''Cow catcher'' nome adato, che xe il ''para urti'' con una alteza dal ballast ''pietrisco'' un 30 cm... Zuca soto tuta macelada sta povera bestia dove la va incastrarse fra le rode, un casin che no ve digo... Niente de far, bisognia netar fora tuta sta carne per poder andar vanti... Clement contentissimo del afar, savendo ben che il se portera a casa per Nadal un 30/40 kg de carne fresca, il lavorava per distrigar sta povera vaca dale rode, con un ritmo ''dai che se pol dir'' African...
Denovo UN BON NADAL A TUTI!!
York
Ultima modifica di york il Lun Dic 24, 2007 2:27 pm, modificato 2 volte in totale _________________ ".......And whether or not it is clear to you, no doubt the Universe is unfolding as it should."
Salve Orso, il caboose xe/iera? Il ''daur'' del treno con dentro la Guard [capo treno?]... La Garrett la iera in testa al treno, nera e piena de fogo... Se xe altro nela tua domanda, go paura me sfugi...[che xe sai facile]...
Auguri
York
_________________ ".......And whether or not it is clear to you, no doubt the Universe is unfolding as it should."
Sto ano gavemo Nadal Bianco, inutile! bel pei piu pici e anca no tanto pici… basta no andar in giro con la machina altrimenti l’incanto svanisi… xe sempre qualche mona che sburta…
A parte la picia brontolada, spero voi altri se in bona compagnia coi vostri cari… finido il pranzo natalizio o pur spete come fazo mi l’usel arosto,‘’ sto ano par un struzo’’ una bona parte finira in frizer per dopo sentir dir periodicamente ‘’ma no tachin denovo, Dio Santo!! ’’ Nadai passadi a Opcina sai bei ricordi, ma anca sai malinconia co se xe soli… tornavo a casa, inveze del calor del sparghert e aroma de un bon brule, trovavo solo jazo… Meio butarla in scherzo deso save perche son fini in Africa
NadaI e feste pei ferovieri fasendo turni iera sempre longhi, dove eventualmente un fa il calo ,ma star casa a festegiar sai piu preferibile…. Ve conto de un Nadal passa in machina a vapor dove il viagio durava tre giorni… Meta in Rhodesia e meta in Mozambico, in sta sezion viagiavimo con un vagon leto, dopiadi con un altra squadra, in machina oto ore in leto oto ore cossi fin la fine del viagio …. Me ricordo sto Nadal perche xe per la prima volta a gaver fato quei turni ede gaver visto el mio primo elefante selvadigo… iera proprio el trato in Mozambico, una savana che no finiva mai, le scine pode imaginar drite al infinito…Il machinista che saveva sto truco, me disi, varda quel puntin nero sule scine in distanza e nel stesso istante mola do fisci a vapor, il puntin nero xe un elefante… l’idea xe, il elefante se ferma sentindo il fiscio, comincia nusar l’aria e cossi perdendo tempo resta sule scine, noi ripetendo sti fisci [ co se podeva vedelro meoi ] lui se fermava ogni volta fin al ultimo momento, dove per forza partiva via dal teren liscio che fianchegiava il pietrisco dele scine [miga mona lui] ma con sto ritardo a noi, lui ne ga da l’occasion de amirarlo de vecin, un mascio grande con zane enormi, con una ultima ociada e con proboscite ancora alta il se gira e via lui un poco incazado ma sai bel…
Bone Feste
York
_________________ ".......And whether or not it is clear to you, no doubt the Universe is unfolding as it should."
Sto ano gavemo Nadal Bianco, inutile! bel pei piu pici e anca no tanto pici… basta no andar in giro con la machina altrimenti l’incanto svanisi… xe sempre qualche mona che sburta…
Bone Feste
York
Bone feste York,qua iera un giorno de oro,fin co iera ciaro gran bonazza e temperatura sui 10-12 °C,pareva primavera, però verso sera un dò refoloni ga confermado quel che zà un pochi de giorni se saveva,bruto in arivo e fredo....... in complesso un bel Nadal,senza neve, che qua la dura poco e là fà solo che intrigo e sporco per le strade.....,
e i altri in giro pel mondo?Come gavè pèassà Nadal?
Servolo
Servolo bone feste a ti e i tuoi, son contento pei 12 gradi con sol a Trieste, anca qua semo sora zero, pero ancora sai neve de squaiar, dove noi neta resta bastanza ploc, ma desso spetemo piova a lavar via tuto, che per Victoria xe piu normale e per mi preferibile... ma semo solo al principio del inverno e con il tempo balordo de ogi, Victoria pol perder il vanto de gaver un clima mite... davero, cossa ga fato i altri per Nadal, via con farne venir l'aqualina in boca.....
Salve
York
_________________ ".......And whether or not it is clear to you, no doubt the Universe is unfolding as it should."
... son contento pei 12 gradi con sol a Trieste, ...
Intanto bone feste a tuti i oltreoceano (tra cui mio fradel, che dovrò obligar a iscriverse a sto forum...)! Iera 12 gradi per Nadal, dala sera de Santo Stefano xè 2 Celsius fisi in cità (poco meno de 36 Farenheit) ...
_________________ Vittorio
"La tragedia della vita non è non raggiungere gli obbiettivi, ma non avere degli obbiettivi da raggiungere"
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 2 di 3Vai a pagina Precedente1, 2, 3Successivo
scuse se anca qua includo i miei cari e simpatici comunisti nostrani... Lori consideradi Atei, losteso per Nadal ne faseva il presepio e spartiva un do bonboni un mandarin do noxi e altre robete... Varde, se xe un grupo de Atei che se meritava un intervento Divino de aiuto, iera propio lori cocoli... A mi un ano i me ga fato San Giusepe, il presepio iera fato sul palcoscenico al ex scola slovena ex ricreatorio fascista deso ''Circolo Culturale de Opcina'' All Welcome... 
A star fermo e far il santo per un par de ore, go giura che il prosimo ano, sto martirio se lo pol far un altro cristian... No podevo nanca gratarme il daur, Dio Santo... Difati il prosimo ano per SaniColo i me ga vesti de diavolo, il Santo senta in poltrona sul palcoscenico spartiva regaleti e benedizioni, mi in un costumin roso con corni, codin, forca, muso e mani nere, per mi una parte perfeta... Iera la cadena de un do metri, co saltavo vanti batendola per tera, fasendo un casin per spaventar i piu pici, povereti tuti impalididi, che ogi me rendo conto, sti cocoli de comunisti me ga fato far propaganda per la cesa.... 
Lori i veniva cambiadi ogni viagio, che de solito durava un 28 ore ''con in mezo 8 ore de riposo'' per dopo tornar indrio... Come il mio lavor, anca il lavor del Garrett Boy no iera sai pesante, iera le ore longhe che stancava... Con tuto sto venir e andar de aiutanti, li conosevimo tuti... Ma in sto viagio prima de Nadal ''l'omo african'' che se ciamava Clement, iera un dei piu anziani e come tanti altri manteniva una famiglia numerosa... Per quanto la paga de Clement iera bona, in confronto a tanti altri povereti no iera de cantar sai gloria... Alora capire la contenteza de Clement, quando vicin la fine del viagio ''tarda note'' la machina investi una vaca, dove il ''Cow catcher'' nome adato, che xe il ''para urti'' con una alteza dal ballast ''pietrisco'' un 30 cm... Zuca soto tuta macelada sta povera bestia dove la va incastrarse fra le rode, un casin che no ve digo... Niente de far, bisognia netar fora tuta sta carne per poder andar vanti... Clement contentissimo del afar, savendo ben che il se portera a casa per Nadal un 30/40 kg de carne fresca, il lavorava per distrigar sta povera vaca dale rode, con un ritmo ''dai che se pol dir'' African... 
Meio butarla in scherzo deso save perche son fini in Africa 
