Coce,
Ogigiorno la questura xe più o meno tuta gente locale. Mi go gavù sai de far co lori con la storia dela mia nazionalità e gnianche un de quei che go incontrado jera meridionali. Tuti Triestini.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Mi iero a Trieste per un per de mesi, 5 ani fa, ma no go avu' de far ne coi carabinieri o con la questura ( Ala Larga) pero' son contento che le robe ga migliorado soto l"Italia. Ciao Coce
Mi dei cerini e dele storie in cui i xe stai coinvolti so per sentito dire. El cugin de mia mama iera un de lori, e cusi' el mari' de una sua amica, e un vecio che xe diventa' amico mio.
Tuti tre, chi piu' chi meno, gaveva combina' qualcosa, indosando quela divisa, de cui no podeva andar fiero. Chi xe resta' qua in polizia e chi inveze i inglesi lo ga fato emigrar armi e bagagli nel 54 per evitar rapresaglie. Quel che xe diventa' amico mio ga fato cariera in polizia, el cugin de mia mama xe anda' in australia e quel altro in canada. Una roba i gaveva in comune questi ultimi do: el coinvolgimento nela sparatoria de sant'antonio novo...e indagando un poco go scoperto che tuti quei nela stesa situazion xe stadi "caldamente invitai" a emigrar dal GMA.
Considerando el mal che se disi ancora adeso dela guardia civica del colonello Fonda Savio per fati non pienamente dimostrai, credo che i cerini gabi fato ssai de pezo e nonostante tuto la verita' ghe fa piazer a pochi sintirla.
comunque sia . invito gentilmente lor signori a mantenere questa discusione (forse un pò calda) pacata ed equilibrata e non sconfinare in ideologie di parte o baruffe varie per il quieto vivere del forum , ringrazio di cuore per la gentile collaborazione .
comunque sia . invito gentilmente lor signori a mantenere questa discusione (forse un pò calda) pacata ed equilibrata e non sconfinare in ideologie di parte o baruffe varie per il quieto vivere del forum , ringrazio di cuore per la gentile collaborazione .
l'amministratore
Perche' questa esternazion ? No me pareva de aver visto svolar botiglie o cortei...anzi !
Considerando el mal che se disi ancora adeso dela guardia civica del colonello Fonda Savio per fati non pienamente dimostrai, credo che i cerini gabi fato ssai de pezo e nonostante tuto la verita' ghe fa piazer a pochi sintirla.
....Scrivi FCIGOI
Come se l'abuso de forza da parte dela polizia fusi un carateristica dei cerini. Infati, no esisti polizia che no gabi, prima o dopo, abusado con la forza e col fato che i ga el potere de aresto e del'uso dele armi.
No vojo far scuse per i cerini, anche perchè le circostanze soto le quali la violenza ga ciapà fogo nel 53, se me ricordo ben, altro che la storia contada da quei che i la vol contar a modo loro, sia dala parte dela pulia che de quela dei "martiri," no le conoso, ma no se doveria mai dimenticar che ghe vol due per far barufa e nè l'un nè l'altro ga mai totalmente ragion. Comunque, dito tuto quel, Andy ga solo notado che la discusion sul tema cerini dovesi svolgerse in maniera civile. Se ga, in sto forum, una bona ragion de esortar un comportamento simile co' se se imbarca in certe discusioni, perchè nel pasato ste discusioni ga portado gnente altro che discordia e miseria. Nesun no vol censurar un tema o una discusion ma un'aviso se pol darlo senza che uno se la ciapi personalmente, specialmente se l'aviso xe dado in via generale e certamente no diretamente a un participante ala discusion. Dunque, Fcigoi, gnente paura! No gavemo visto botilie volar o careghe romperse e sicuramente gnanche no se lo spetemo.
Ciau,
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
many thanks bear, tranquilli signori per carità tutto ben , volevo solo per el quieto vivere che queste discusioni non caschi in polemiche e/o baruffe , scuseme , ve ringrazio per l'atenzion , buon lavoro ,thanks in advance , Andy
La mia contribusion su questo tema xe stada assolutamente apolitica, go tenta' de narar le robe come che le go viste mi personalmente a quei tempi. go conusu' personalmente diversi Cerini, persone normalissime.
Concordo pienamente con Bruno sul tema. L'ocupasion Anglo -Americana de Trieste ga dura' 9 ani '45--'54, la Polisia iera al comando del Governo Alleato, e doveva implementar le sue politiche. Iera i ani duri dela guera freda. Per la magior parte el G.M.A. se xe servido del nasionalismo Italian per tegnir a bada el comunismo, d'altro canto la Yugoslavia ga usado el nasionalismo Slavo per propagar comunismo. Chi che ga' paga' xe stada la popolasion locale che xe sempre stada misiada. I Cerini doveva mantegnir l'ordine in tute le lote de quei ani, che xe sempre un compito difficile. Come titolo d'informasion per FCGOI se per caso no el sa:
Prima dela sparatoria de St.Antonio Novo, ghe xe sta' almeno due sparatorie con mortalita' sul lato oposto de l'ultima, che nissun par che se ricordi, e xe un peca' perche da quel punto de vista se vedi la cosa piu' bilanciada. Ciao a Tuti Coce
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 2 di 2Vai a pagina Precedente1, 2
