Salve, oggi ve mostro una Crose che la xe sula vecia strada de S.Giuseppe-Ricmanje,come tute le bele robe la se trova in un posto privato dove che no se dovessi andar, in questo caso nel comprensorio dela cava del’italcementi.Savevo de diversi anni dela sua esistenza, ma pensavo la fossi in qualche graion e me secava impinirme de zecche, invece sempre tramite el mio informator che gà parlado con suoi conoscenti che stà in paese gò savù che la xe sul neto.La gente del logo ciama quel posto Pri Križu-Alla Croce.Questa xe la stradela...........
cussì se presenta la Crose col suo basamento, e xe due versioni del perchè de questo Segno sacro.Certi disi che a causa de un caval che ghe gà da de volta el zervel un caro de pelegrini se gà ribaltà con morti, altri paesani inveze conta che xe stada una rapina con morti.No xe visibile nissuna data o iscrizion.............
.........vista de vizin,quel che me pareva un fil de fero ruzine intorzolado sula Crose (Tanto xe vero che volevo cavarlo) se gà rivelado esser un bel Crocifisso stilizado, però proprio bel.
.....e anche stà volta nissun me gà zigà: Cossa la fà qua?Chi ghe gà dito de venir dentro?Cossa no la sà leger?
Fin quando i miei capi del forum me lassa far ste robe facili son contento, per el dificile xe altri posti
Servolo
Ultima modifica di servolo il Lun Set 10, 2007 4:28 pm, modificato 1 volta in totale _________________ se no guanta cambia
Proprio cussì , xchè el xe semplice e povero el xe bel, come certe piccole cesette che cò te va dentro te trovi un altar piccolo, due candele,una crose, quatro panche e una dolce atmosfera.!
_________________ Nessuno diventa sapiente per puro caso (Seneca)
Mi no son religioso, ma se volemo cior l'umiltà come virtù necesaria e Gesù, che dovesi eser el suo proponente più dedicado, quel crocifiso xe venti volte più bel e espresivo che un de quei elaboradi de marmo e bronzo de un milion de dolari.
Sai bel — infati el toca el senso de pietà che ognidun de noi ga sconto in qualche canton del suo ego.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
