TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » basket,rugby,calcio e altri sport » Campionato del mondo de rugby 2007 Vai a pagina Precedente  1, 2, 3, 4, 5, 6  Successivo
Nuovo Topic  Rispondi Precedente :: Successivo 

Chi vinzi sto ano?
Argentina
0%
 0%  [ 0 ]
Australia
33%
 33%  [ 3 ]
Francia
22%
 22%  [ 2 ]
Inghilterra
22%
 22%  [ 2 ]
Nuova Zelanda
11%
 11%  [ 1 ]
Sudafrica
11%
 11%  [ 1 ]
Una dele altre
0%
 0%  [ 0 ]
Voti Totali : 9

MessaggioInviato: Mar Set 11, 2007 11:59 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Pensa .... no gavessi mai dito che l'oste ghe piasi el rugby Very Happy Very Happy Very Happy Very Happy Very Happy Saludeme Maury

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mer Set 12, 2007 12:08 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Ogi go visto l'Argentina co la Georgia e anche se i ga patido el primo tempo, i xe forti sto ano. I georgiani xe una squadra de 15 piloni che ruca come tratori (ogni tanto co la stessa tecnica) w i ga difeso sul zogo principe de l'Argentina (rolling mauls e rucks) come mati sopratuto el primo tempo.
Ala fine i Pumas xe venudi fora, ma forsi xe stado più fadigoso de quel che i sperava.

Dele partide de sti giorni se pol riasumer: Galles ga fato el suo come i Springboks, l'Inghilterra xe propio malamente (adesso se ghe ga roto anche Barkley e Vickery xe sta squalificado) e la Scozia col Portogalo xe stada veramente generosa (ma a lassarli segnar....) e questo lassa ben sperar per el nostro giron.

Domani co la Romania sarà dura perchè i rumeni xe duri e ancora freschi visto che no i ga ancora zogado.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mer Set 12, 2007 9:38 am Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Anche l'Irlanda con la Namibia no la ga avù proprio una passegiata. Segno che nonostante le diferenze de tradizion, soldi, competività dei campionati, comunque el livel sta cresendo anche nele nazioni de cosideta terza fascia. Argentina Georgia xe stà un partidon, no tanto sul profilo tecnico, ma sicuramente come intensità e cuor messo dale due squadre. Per trequarti dela gara el puntegio iera 6 a 3 per i Pumas e solo ala fine l'Argentina xe vignuda fora e la xe rivada anche a conquistarse el punto de bonus. Un poco i sarà stadi stanchi dela bataglia coi galeti, ma xe comunque de ricordarse che 29 georgiani su 30 zoga nel campionato francese, il che dimostra el loro valor, almeno come singoli. E stesso discorso val per i rumeni, che zoga e i fa esperienza tuti a l'estero, quindi ogi sarà de vinzer, ma no sarà tute rose e fiori. E oltretuto con una formazion cambiada quasi per metà in confronto de quela che se ga ciapà un tsunami de mete dai All Blacks. Cambio in mediana con Griffen e Pez per Troncon e De Marigny, cambio in prima linea con Festuccia per Ongaro e el Barone Lo Cicero per el "cavernicolo" Perugini (che me ga fato morir con un tackle scivolato su una bala vagante degno del miglior Gentile ai mondiali de Spagna '82... no so come no el ghe ga stacà i avambraci al neozelandese...), Sole per el lanfur Zanni in terza linea e Masi a l'ala per l'infortunado metaman Stanojevic. Speremo ben, prima de tuto pensar a vinzer, se dopo scampa anche el bonus ancora meio. Ale ale ale muli!

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Mer Set 12, 2007 11:23 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




La xe andada: i ga vinto ma xe stada lacrime e sangue (no solo quel de Masi). I rumeni ga zogado con una intensità degna del campionato mondiale sopratuto el 2° tempo e l'Italia xe entrada in campo forsi tropo tirada per el tropo peso che ghe xe stado dado ala sconfita coi All Blacks.
Fato sta che no i ghe veniva fora: per 40 minuti xe stada la sagra dei erori sul zogo ala man de tuti quanti; nianche Spreadbury me ga piasso (coma la solito tropo protagonista in campo).
La seconda meta de l'Italia no iera (anche perchè el TMO ga dito cussì), ma la podeva anche esser dada (e forsi che i se sblocava prima). Magari se i gavessi messo el risultato al sicuro coi calci saria cambiado qualcossa... chissà. De sicuro xe de darghe onor ai rumeni per la tenacia de no molar mai e speremo che i se ripeti co la Scozia (che per mi la gaverà ancora più garba ... dipendi de come i vien fora dei AB).

Una curiosità. Ogi vardavo la partida Scozia-Portogallo e a un certo punto go messo l'avanzamento veloce (a velocità X2): inveze de veder i zogadori corer come frece, sembrava che i zoghi a velocità normale.....

Per el resto le partide de ogi no ga oferto grosse chiche: 2 incontri equilibradi con ala fine due squadre ingenue a magnarse le ongie per no eser riuscide a chiuder per tempo: sopratuto el Giapon gaveva l'ocasion de segnar e vinzer a tempo scadudo, ma i ga sprecado tuto (sarà ma Kirwan come alenador no xe propio nato co la camisa).

Doman riposo e venerdì sera Springboks- Inghilterra: prevedo Tsumani....

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mer Set 12, 2007 11:41 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Te me ga saludado Maury? Cool

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Ven Set 14, 2007 2:45 pm Rispondi citando
Ally
Registrato: 08/09/07 18:06
Messaggi: 14
Località: Barcola




croc ha scritto:

PER QUANTO RIGUARDA LA RICHIESTA DE ALLY - TE OSPITO A CASA MIA A VARDAR LE PARTIDE - BASTA CHE TE SE ABITUI ALLA NOTOLADA. PER ARRIVARGHE TE CIAPI LA STRADA PER RONCHI E TE SE FA 24 ORE DE VOLO PER L'AUSTRALIA.

GO THE WALLABIES!!!!


purtroppo x questa partida no me go rivà organizzar, ma x la prossima farò mejo e vegnerò, anche se questa offerta me alletta sai... podessi anche ciaparte in parola prima o dopo!!! Very Happy
Profilo Trova tutti i messaggi di Ally Messaggio privato
MessaggioInviato: Ven Set 14, 2007 11:57 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Spetando che Ally vadi dal Cocodril (che el xe 'ssai ospitale, ve lo digo mi che lo conosso ben), i Boks ga massacrado i campioni del mondo inglesi 36-0.

Saria niente 36 punti de scarto, nel rugby sucedi, ma el 0 inglese xe veramente un 0: nele statistiche de rilevante xe el tentativo de drop (falido) de Catt del primo tempo e qualche timida incursion nei 22 sudafricani a fine partida coi Boks ormai a controlar partida e energie. I li ga distruti fisicamente, taticamente e psicologicamente, tanto che nianche l'orgoglio ga podudo niente. Sarà la partida con Samoa a dir quanto spuntade xe le spine dela rosa inglese dopo sta partida: i ga anche sfiga, perchè adesso se ghe ga roto anche Jason Robinson che stasera xe stado l'unico faro nel zogo inglese ... ma anche la sfiga xe stada aiutada dal fato che la squadra ga un'età media altina.
I Boks xe forti, i zoga ben e i se sta risparmiando energie, prova ne sia che i ga sempre preferido piazar i calci che zercar de andar a meta magari col caretin. Però xe de vederli in situazioni più insidiose.

Ogi tocherà ai All Blacks (che prova i rincalzi - ossia quela che saria la nazionale titolare de qualunque altra nazion) che podessi far un novo record de segnature al RWC col Portogallo, a l'Australia (GO WALLABIES!!!) che secondo mi vinzerà con un margine notevole sul Galles e Irlanda che doverà far atenzion al zogo duro georgian, ma che se i riva verzer la bala, no i li fermerà nessun.
Come al solito speremo de divertirse....

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Dom Set 16, 2007 12:14 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Una roba no go dito ieri sula partida del Sudafrica; a un certo punto ghe iera J. Robinson bala in man che atacava, el se fa mal (probabilmente xe saltai i legamenti del ginocio) corendo e el se bloca in tera: i sudafricani pur esendo in anticipo rispeto al sostegno inglese no intervien nè sula bala nè sul omo fazendo solo azion de contenimento fin che l'arbitro sanziona la non giocabilità dela bala.
Xe vero che esisti anche nel calcio una regola non scrita de butar la bala fora co un zogador se fa mal, ma fa sempre piazer sotolinear comportamenti sportivi co se li vedi.
Bravi Springboks.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Dom Set 16, 2007 12:59 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Sule partide de ogi se podessi dir tuto e el suo contrario.

Comincemo con i All Blacks che se ga visto che no i xe abituadi a afrontar squadre tanto più deboli de lori: la mia impresion xe che sotovalutado i portoghesi, i sia entradi in campo co l'idea de farse un alenamento (anche legerin) e inveze i ga visto che sti diletanti zogava ala morte (se no altro per onorarli). A quel punto i doveva cambiar ritmo e comincia a zogar no digo come con l'Italia, ma almeno quel tanto che serviva per ciapar el bonus dele 4 mete. Ma sveirse co se xe incocalidi xe dura e i ghe ga messo 25 minuti per segnar le 4 mete e dopo i se ga sblocado. Nonostante i fussi incocalidi, poerò, xe rivadi ala fine 108 punti fruto de 16 mete (8 per tempo); i portoghesi se porta a casa la sodisfazion de averghe segnado ai All Blacks in tuti i modi posibili: 1 meta con trasformazion, 1 drop e 1 punizion.

L'Australia ga batudo el Galles sopratuto sul piano psicologico: i ga zogado malin, sbagliando tanto co le man, concedendo metri e spazio ai gallesi, ma i ga difeso in un modo quasi inecepibile. Mi so che chi no conossi ben sto sport no pol capir, ma co te vedi el lavor difensivo impostado dai Wallabies xe robe de brividi: i galesi che sburtava più che i podeva e de l'altra parte solo porte blindate (bon, 2 volte i le ga trovade sociuse, però per el resto....). Se i riva trova la concentrazion in ataco i diventa spaziali. Al GAlles bisogna darghe ato che in qualche momento i ga dimostrado un pochetin de quel orgoglio nazionale che li ga sempre contradistinti, pecà solo che ga durado poco.

L'Irlanda no me ga scoltado inveze: i ga acetado el zogo de mischia dei georgiani e i ga corso el riscio de rimeterghe le penne: pecà, perchè co i ga zogado coi 3/4 i ga sempre fato dani. I pagherà caro el fato de no aver ciapado el bonus in sta partida. I georgiani ga fato una partida fotocopia de quela co l'Argentina: sempre fisica come se i gavessi 15 piloni in campo: visto che funziona xe giusto che i continui.

Una roba no me ga piasso ogi: xe stadi fati corer tropi fali per lassar la continuità de zogo. Me spiego, no xe stadi fati partigianismi da parte dei arbitri, ma abasabdo el livel de l'arbitragio per tute e due le squadre, xe stado un ben per le squadre più deboli, ma ghe ga rimesso la qualità del zogo.

Per domani sarà interessante veder Samoa-Tonga sopratuto per el prepartida con le due danze de guera: la siva tau samoana e la sipi tau tongana. Xe la prima volta che le due isole se frontegia ala copa del mondo, ma ghe xe stado za un confronto sipi tau-haka nel 2003.
Anche Fiji con la sua cipi zoga domani con el Canada. Ste 2 partide dovessi esser abastanza equilibrade con forsi Samoa un poco avantagiada su Tonga. Scontada la partida serale dela Francia con la Namibia.

Bon rugby a tuti....
Cool

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Dom Set 16, 2007 9:38 am Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Picola corezion, la partida no iera Sudafrica vs Inghilterra, ma Sudafrica vs Robinson, perchè altri inglesi no ghe ne go visti in campo... I All Blacks ga inondà de punti i lusitani, comunque xe stada una partida piacevole de vardar, nonostante el risultato scontado, e personalmente vardar i portoghesi che se preparava al massacro cantando a squarciagola l'ino nazional, co le corde vocali tirade come violini, me ga fato vegnir la pele de oca. E infati iera tuto el tifo per lori. L'Australia xe sicuramente tra le favoride (se i vinzi i mondiali volemo veder Aussie nudo in bicicleta su e zò per Vermean... Smile ) ma per rivar in finale i la pagherà sicuramente sul piano fisico, perchè ai quarti, se va avanti cusì, no penso i troverà l'Inghiltera (ga dito ben el socio de Munari, l'unico inglese che ga qualche probabilità de rivar in finale xe Chris White, l'arbitro...) ma Tonga o Samoa, e in semifinale el Sudafrica, il che vol dir, se anche le vinzi tute e due, bote de orbi, e là bisognerà veder la profondità dela squadra e la capacità de sostituir i eventuali infortunadi.
La Georgia se ga confermà un osso duro e i ga rischià seriamente de vinzer, visto che ala fine i iera sempre nei 22 irlandesi e solo la mancanza de esperienza e de "cativeria" agonistica ghe ga impedido de far el colpacio. De Samoa-Tonga più che le danze de guera me interesserà veder a fine partida le cariole de menischi, cartilagini, legamenti, denti e lembi de pele che se ingrumerà sul campo... Sarà una partida sicuramente durissima sul piano fisico, con due squadre che interpreta el placagio (sopratuto Samoa) a modo suo e prevedo che più de qualchedun no tornerà in spogliatoio con le sue zate...
La Nuova Zelanda ga el camin più facile per rivar in finale, dopo sarà de veder cosa sucedi in una partida unica, ma sinceramente, se no i vinzi el mondiale sto ano xe meio che i domandi asilo politico, perchè a casa no i li fa tornar più...
E l'Italia? L'Italia no xe diventà brochi in do stimane, i ga incontrà la squadra più forte del mondo e dopo una squadra inferiore a lori ma sicuramente dura e ostica (e in questo mondiale se ghe ne ga viste de diverse), i ga solo bisogno de sblocarse mentalmente perchè i senti tuta la pression dosso, adesso el rugby sta diventando un sport de massa: televisioni, sponsor, tifosi, pila che prima no i ga mai visto, qualsiasi mon. che parla dele partide come fosi el rugbysta più esperto del mondo... xe questo el prezo de pagar e i nostri ga ancora de abituarse. I ga la responsabilità de esser la formazion italiana che pol arivar per la prima volta ai quarti de finale e questo xe un ano che tuti ghe lo ripeti. I gaverà la partida dela vita con la Scozia e l'unico modo de vinzerla sarà de zogar come contro l'Irlanda nel test match pre-mondiale, perchè sicuramente stavolta i Highlanders no ghe farà far 3 mete in diese minuti come al 6 Nazioni. E se i riva a molar el fren a man mentale e passar el turno, chissà... Francia, Irlanda e Argentina xe sicuramente superiori, ma comunque i pagherà la dureza del giron eliminatorio e sarà de veder quale dele tre passerà. E la partida dela vita pol sempre scampar, vedi Francia-Italia del '97 a Grenoble, el primo passo verso l'amission dei Azzurri al 5, poi 6 Nazioni. Comunque finirà xe un bel Campionato Mondiale, super seguido dai media, dove se pol veder un bel rugby e anche le squadre cosidete "materasso" se fa valer, se no altro sul piano fisico ed emotivo.
Viva l'Italia, viva la bala ovale!

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Lun Set 17, 2007 12:16 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Su l'Italia concordo con ti mon Capitain: tropa presion per una sconfita preventivada e sula partida co la Romania no dovemo dimenticarse che per ani la xe stada la 6^ nazion europea del rugby. Una curiosità: go trovado in rete un'intervista a Oliver (tallonador All Black) e fra le domande che i ghe ga fato xe stada una su l'Haka. Più o meno i ghe domandava se lori i se speta che i aversari li vardi co i fa l'Haka o se no ghe frega niente e la risposta sua xe stada che co i se trova difronte aversari che tien un ategiamento come quel de l'Italia (ma anche l'Australia lo ga fato spesso - nota mia) lori i se cariga ancora de più e i entra incampo ecitadi come mai. Magari no c'entra, ma forsi cussì se spiega la trance agonistica dei primi 20 minuti co l'Italia.

Come previsto Fiji-Canada e Tonga-Samoa (no la go ancora vista, ma la go registrada - vederò le s'cioche polinesiane domani) xe stade equilibrade e se el Canada pol magnarse le man per no gaver savudo gestir el final de partida, Samoa de quel che i ga dito nel servizio de Sky no ga savudo gestir la partida in generale, mancando perfin de sfrutar una dopia superiorità numerica: bon per l'Australia che torna a veder l'Inghilterra come probabile aversaria nei quarti de finale.
La Francia, inveze, ga fato el risultato, ga segnado 13 mete contro un aversario in 14 per più de 1 ora per l'espulsion (giustiissima) del n°8 namibian ma ga mostrado lacune sui fondamentali che sarà dure da colmar: erori de trasmision de bala, problemi de comunicazion fra de lori e schemi asolutamente non a l'alteza de sta Francia xe ala base dela crisi che i ga. Dela partida de ogi salvo Elissalde per la fantasia che el ga dimostrado rispeto ai altri mediani de mischia francesi (sopratuto Mignoni che le devi eser sponsorizado dala Telecom francese per quanto scontado el zoga) e boccio Marty che a aprte segnar 1 meta el xe stado no solo un disastro nel manegiar la bala, ma anche come posizion in campo el xe stado a momenti invardabile. Michalak ga zogado ben, ma za altre volte se visto che con aversari che lo meti in presion el se caga adosso: xe facile far el figheto con quei più deboluzi, ma xe de vederlo se el riva a far el figheto con l'Irlanda (co l'Argentina el ga zogado poco - perchè in panchina - e no'l me gaveva impresionado). Vederemo sti galeti cossa che i ffarà con Irlanda e Georgia, che viste le dificoltà de Argentina e Irlanda, no sarà un cliente facile per i francesi.

Domani riposo, ma martedì sarà Scozia-Romania (che poderia esser la partidona dela vita dei Rumeni, pecà che i zoga a Edimburgo) e mercoledì l'Italia zogherà contro el Portogallo reduce dale bele partide con Scozia e All Blacks.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mar Set 18, 2007 11:08 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Ogi me son vardado la partida Tonga-Samoa e devo dir che i samoani ga veramente butado un'ocasion al vento. MI credo che io ga ciapado sotogamba la partida (i gaveva batudo de più de 50 punti de scarto i tongani pochi mesi fa) e co xe sta el momento de acelerar el ritmo e darghe dentro, i iera incocalidi del fato de esser in vantagio (premio pivellini d'oro).

Stasera inveze, la partida Scozia-Romania xe stada una dele più brute de sto mondiale. De bon xe che la Scozia (secondo mi) fa meno paura; no i difendi ben, no i controla ben la bala e i fa un casin de fali stupidini. Se l'Italia no se fa ciapar nel gorgo dele cazade. i dovessi rivar a tenir dal punto de vista psicologico e podessi alora esser una partida storica per l'Italia.Comunque stasera se gavudo la conferma che i rumeni puntava al 3° posto in giron e per farlo i ga puntado l'Italia. Una trance agonistica come quela de mercoledì l'altro saria forsi servida ogi con un aversario più distrato.
Xe de dir che i presuposti de sta partida iera un pò segnadi co la Scozia che zoga in casa.... comunque cussì la xe andada e adesso no se la cambia.
La Scozia vivi su le prestazioni dei singoli, senza un vero zogo corale ... staremo a veder cossa che nassi.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Ven Set 21, 2007 7:19 am Rispondi citando
croc
Registrato: 07/04/06 05:00
Messaggi: 123
Località: Cairns, Australia




CARISSIMI RUGBIFOLI DEL FORUM

GO VISTO ITALIA CONTRO PORTOGALLO E ME XE VEGNU DE PIANZER!!!

ALLA FINE FAZEVO TIFO PER EL PORTOGALLO PERCHE A UN CERTO PUNTO I STAVA FAZENDO UN ZOGO MOLTO PIU' FURBO DEI TALIANI. SE CONTO LE VOLTE CHE I TALIANI GA CALCIA LA BALLA, MA CON CALCETTI MONA DE ORATORIO, INVEZE DE ZOGAR ALLA MANO ME SE INDRIZZA I CAVEI.

EL FATTO XE CHE I DOVEVA DARGHE 60 PUNTI A STI MATTI SE I ZOGAVA PER TUTTA LA PARTIDA COME CHE I GA COMINCIA NEI PRIMI 10 MINUTI. DOP CHE EL ARBITRO GA DA LA CARTOLINA GIALLA AL CAPITAN PER UNFALLO DE IDIOTA - BASTA I XE ANDAI IN BALLA PER 60 MINUTI.

TRONCON GA FATTO UNA BRUTTISSIMA PARTIDA COME EL SUO PARTNER DE MARIGNY. EL NUMERO 8 (EL BABAU PERCHE NO SE LO VEDEVA MAI) GA PERSON UNA BONA OCCASION PER SCLALDAR LE PANCHINE E APARTE I CALCI PIAZZATI BORTOLUSSI NO ME GA PIASSO.

CARI MULI SE NO I SE DA UN INDRIZZADA STI AZZURRI - I SE BECCA UN BEL PACCHETTO A EDINGBURGO CONTRO I SCOZZESI.

ME PIASERIA TANTO A VEDERLI ZOGAR COME CONTRO LA IRLANDA MA ME PAR CHE ME STAGO SOGNANDO.

FORZA MULI
E DEMOGHELA

_________________
el croc from the patoc
Profilo Trova tutti i messaggi di croc Messaggio privato Invia email HomePage
MessaggioInviato: Lun Set 24, 2007 1:06 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Tropi giorni xe pasadi, ma gavevo problemi de acesso e adesso xe trope le robe de dir su sti mondiali.

Intanto ghe rispondo a mio fradel: ara che nonostante tuto per l'Italia el risultato col Portogalo xe el miglior risultato de sempre ai mondiali de rugby; son dacordo che i ga canado la partida ma no perchè no i gabi zogado o perchè no i sia riuscidi a segnar, ma perchè i se ga fato imbrigliar nel caos dei aversari che li stuzigava con un zogo sporco e de ostruzion. Su l'arbitro Jonker se pol disquisir ore: mi go sempre dito che l'arbitro xe una componente del zogo e l'Italia ga acetado in campo tute le sue decisioni, ma una roba che no soporto xe quando l'arbitro xe el protagonista dela partida come Jonker xe stado per Italia-Portogallo. L'episodio de Bortolami (apurado con la TV che no'l ga dado nessun pugno) xe stado solo el primo de una serie de interpretazioni personalizzade del regolamento con punzioni concesse al Portogallo per proteste anche co le proteste iera in portoghese (d'acrodo che lui no capissi ne l'italian ne el portoghese, però....), fali profesionali non punidi, concessioni de entrate laterali e placadori fermi ai portoghesi ne l'otica de l'aiuto ai più deboli (quando a l'Italia veniva fisciado tuto (come xe giusto che sia per tuti, però).
Nonostante tuto l'Italia ga perseverado, senza protestar, zercando de eser più coreti ancora, ga progredido e ala fine ga rivado a portar a casa la partida con 3 mete e a mi non me xe sembrado nianche mal ala fine. Col Portogalo xe ancora i 83 punti de diferenza de 10 mesi fa, ma le condizioni particolari dei mondiali li ga sconti.
Sul piano del zogo l'Italia no xe stada disastrosa: mi gaveria sfrutado de più la linea dei 3/4 co le penetrazioni de Masi e Canale (gavessi visto ben Mirco Bergamasco in campo), ma no sempre ga funzionado la linea da zogo De Marigny (che per mi xe mejo come estremo che come apertura) e la scarsa propension in ataco de Bortolussi no iuta in questo. Canavosio e Pratichetti se li ga visti tropo poco e de sicuro co la Scozia no se li vederà in campo. El pack ga fato un lavor duro reso ruvido da le concessioni de zogo fate ai aversari, ma se ga comportado ben tuti trane Vosavai che no iera in partida per niente (trope bale perse).

Adesso spetemo la Scozia fora de casa sua (per fortuna): gaveremo un scontro tra coletivo azuro e individualità scozesi: mi credo che la difesa italiana poderà tenir ben el confronto sopratuto se tien i nervi e la foga de zogar: ala fine l'Italia coi All Blacks ga rivado comunque a segnar 2 mete sfiorando la terza, dove i scozesi in casa xe restadi a 0. Magari xe anche vero che l'Italia ga onorado i All Blacks co la miglior formazion posibile, dove i scozesi ga meso in campo le riserve......

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Lun Set 24, 2007 1:15 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Per el resto, in sintesi, se pol dir che Boks, All Blacks e Australia ga za vinto i propri gironi, che Inghiltera se zogherà co la sorpresa Tonga l'acesso ai quarti (e i ga de dirghe grazie ala deludente Samoa se i passa), che el Galles, dopo aver zogado una dele pardide più divertenti de sti mondiali con el Giapon, gaverà de fadigar con le Fiji per ragiunger el Sudafrica ai quarti e che nel giron dela Francia xe ancora tuto verto sula base dela partida Argentina-Irlanda: se i Pumas vinzi non xe tripa per gati per la Francia che doverà incontrar i All Blacks subito, se vinzi l'Irlanda xe de veder el scarto finale per saver chi passa tra lore due a zogarse el quarto coi Babau Kiwi.

Per el giron de l'Italia se vederà......

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
Campionato del mondo de rugby 2007
Indice del forum » basket,rugby,calcio e altri sport
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 2 di 6  
Vai a pagina Precedente  1, 2, 3, 4, 5, 6  Successivo
  
  
 Nuovo Topic  Rispondi  
Forumer.it © 2015