Salve,come zà save a Catania in ocasion dela partida col Palermo xe stà mazzà un polizioto, una morte dispiasi sempre, per la vitima e per i familiari.Quel che no me và xe che atorno el mondo del futbal no capita la prima volta che qualche inocente perdi la vita, quel che fa mal: in Italia val la regola dela serie A e dela serie B, se mori un polizioto in servizio xe funeral de stato e grandi ciacole, quando che mori un agricoltor, o del'industria,artgianato.: due righe e via.Guardando i numeri se vedi che nela produzion in un anno va perse circa 1300 vote (o de più?). Tornando al balon, dopo stò agente par che tuti se sveji: ma prima in ocasion dele altre morti dove jera stì moralizatori (no gò visto, no gò sentì,no jero e se iero dormivo). Adesso in barba a tute le perdite economiche in tuti i campi par e digo par che i blochi le partide per un anno.Dio che tristezza, un anno senza dover scampar dale varie trasmissioni tipo el processo del lunenì, l'apelo del giorno dopo,la cazzazion e infine verso la fine dela setimana amnistia per tuti e pronti per un altro giro de carozele.Le partide de balon che una volta iera solo de domenica, le xe tuti i giorni, e se noi zoga i te fà veder quele zà zogade.Cossa farà le televisioni per stropar i busi lassadi de questa grave perdita e cossa i ne farà veder nel tempo che ghe vanzerà?Speremo ben,
un poche de righe de quel che se pol leger in merito sul bug.-piccolo de oggi:
Il campionato di calcio si ferma a tempo indeterminato: lo ha deciso il commissario straordinario Figc Luca Pancalli dopo la morte di un poliziotto negli scontri avvenuti ieri durante Catania-Palermo. Ferma anche la Nazionale
«Via gli agenti dagli stadi»
A Catania le forze dell'ordine erano presenti in maniera massiccia, si parla di millecinquecento fra poliziotti e carabinieri mobilitati per un anticipo fra Catania e Palermo che proprio per questo doveva essere garantito da eccessi peraltro prevedibili. Un agente morto e uno in fin di vita devono convincere il governo del Paese, e quello del calcio, che da sempre si oppone, a prendere la decisione di ritirare la forza pubblica dagli stadi, costringendo le società che dilapidano capitali enormi per i capricci del calciomercato e i superingaggi dei calciatori ad assumere agenti di polizia privata.
Fermar el mondo del balon:
un provedimento draskico dove che tanti paga per colpe de pochi.
Servolo
Dopo sto enesimo episodio, no fa che cresser el mio disgusto per el mondo del calcio: un mondo ipocrita, dove se spacia per sport un zogo che no xe nianche più un zogo perchè el ga perso anche el suo aspeto più primitivo: l'aspeto ludico. el problema no xe quel che xe sucesso a Catania (che purtropo x esolo l'efeto), ma el problema xe più profondo, un problema che nassi per certi versi nei campeti dei fioi, nele periferie dele cità o nei paeseti.
La mia esperienza sportiva personale me ga portado a praticar un po de tuto (per amor delo sport); anche el balon lo gavevo provado nel campeto del SOncini a Servola, ma gaveva durado poco: a 11 ani gavevo ancora voia de giogar, inveze in campo se se doveva alenar per eser pronti a diventar campioni (de cossa poi no se sa). Mi a 11 ani no gavevo capido ancora che mal che iera, ma semplicemente gavevo capido che no me divertiva quel giogo. Poco dopo son andado (al seguito dei fradei che za giogava) a zogar a rugby. Spirito diverso se se alena per giogar e se gioga per divertirse; se vinzeva, se perdeva se paregiava, no fezeva diferenza a quel età: se gaveva zogado con altri fioi, se se gaveva anche misurado a chi iera più bravo e ala fine se magnava un panin e se beveva una bibita tuti insieme.
Adeso son adulto (da qualche aneto oramai) e go capido cossa iera quel che el calcio no me dava, lo go capido vedendo i fioi che zogava a balon qualche ano fa (mio suocero li alenava) e lo go capido più de recente vedendo i amici de Emiliano che ga cominciado a zogar de poco. Fin de pici i fioi devi perder l'inocenza del zogo, i devi marcar, i devi radopiar, i devi far schami, I DEVI VINZER. Una sola roba no i devi far: no i devi zogar, perchè se no no te diventerà mai un profesionista (e no te sposerà mai una velina). El mal in tuto questo xe che anche i genitori perdi de vista sto aspeto ludico del calcio e cussì ale partide de fioi de 7 ani te senti mame che ziga ai fioi de darghe a l'aversario, de farghre mal perchè el xe un nemico. Questo pol generar solo sentimenti de violenza nei confronti dei altri, indiferente chi che poi sarà i altri.
Altre volte lo go za dito, mi co'l rugby co zogavo una partida, andavo a zogarla con una determinata squadra (per esempio, se diseva domenica zoghemo con l'Udine); nel calcio se parla de zogar contro. Sembra una fineza linguistica mave prego de rifleterghe sora sta fineza. Me piasessi che el mondo del calcio cambi, no perchè me torni qualcossa in scarsela, ma perchè forsi cambiando se podessi migliorar la nostra società con modei diversi che no sia solo milioni e veline. Magari se rivassi a insegnarghe ai fioi qualcossa de diverso, el rispeto per i altri, o più semplicemente el gusto per veder zogar balon senza agresività inutili, ma solo per el gusto de divertirse. Però bisogna partir de quei campeti de periferia dove i fioi comincia a zogar.
Purtropo adesso no resta che sperar nel buonsenso (se ancora esisti): no credo che fermar el calcio servi a qualcossa, perchè al fine quela gente andarà in giro a far cazade comunque: almeno ala domenica te sa dove che i xe. Sicuramente ga de eser punidi chi con quei criminai xe in combuta, quei dirigenti dele società che sa chi che i xe e li spalegia (perchè in fin dei conti li iuta a sostener la squadra), quei signori in dopiopeto che ala fine anche se ga le man nela merda, i le tira fora sempre linde e profumate.
El mondo del calcio me fazeva za schifo prima de ieri: ogi ancora de più
_________________ Ci vuole tutta una vita per capire che nella vita non serve capire tutto
Altre volte lo go za dito, mi co'l rugby co zogavo una partida, andavo a zogarla con una determinata squadra (per esempio, se diseva domenica zoghemo con l'Udine); nel calcio se parla de zogar contro.
Mi vivo abastanza vicin a Twickenham (2 o 3 chilometri) che quando ghe xe una partida internazional de rugby, i tifosi te li trovi dapertutto. Ieri ga zogado Inghilterra con la Scozia, eterni rivali con in piú un certo antagonismo storico. Nel ragio de 5 chilometri ieri sera tutti i bar, pub, ristoranti iera strapieni. Tifosi scozesi a migliaia e facilmente identificabili per le 'cotole'. Tuti contenti, misciandose tra lori, gnente barufe ne ciolte pel daur....malgrado la batosta de 42-20 che i scozesi gaveva ciapado.
Quel che te conti, Macondo, xe stupefacente, anche se gavevo sentido storie simili...
Peraltro, nella mia ignoranza in fatto de rugby, so che el xe un sport estremamente corretto. Tutte quelle plateali sburtade e placcade nascondi una lealtà che el calcio se sogna! Go sentido che se un zogador commetti un fallo antisportivo o violenza, xe i stessi zogadori dela sua squadra che lo fa filar e lo isola dal gruppo...
Roby
Roby, qua in Inghiltera i dizi metá per scherzo e metá sul serio che el calcio xe un sport zogado da gentiluomini davanti a un publico de delinquenti, e che el rugby xe inveze zogado da delinquenti davanti a un publico de gentiluomini
Roby, qua in Inghiltera i dizi metá per scherzo e metá sul serio che el calcio xe un sport zogado da gentiluomini davanti a un publico de delinquenti, e che el rugby xe inveze zogado da delinquenti davanti a un publico de gentiluomini
Devo coregeerte Marino, el deto xe:
El calcio xe un sport de gentiluomini zogado da delinquenti, mentre el rugby xe un sport de delinquenti zogado da gentiluomini
e par che risali - insiema ad altri aforismi sportivi - a Oscar Wilde.
Sul discorso rugby, inveze, posso dir la mia per esperienza direta, sia de zogador che de tifoso. Te conterò un episodio che me xe capitado a Dublino durante un incontro Iralanda - Galles che son andado a veder qualche ano fa: ala matina prima dela partida mi e mia moglie giravimo per Dublino, mi co la mia bela maia de l'Irlanda (de cui son tifoso de quando iero muleto), per strada pien de gallesi - e oviamente de irlandesi - tuti che gironzola spetando la partida saludandose e augurandose de divertirse ala partida. A l'entrata in stadio, i posti xe asolutamente missiadi che i spalti diventa una marea de rosso e de verde a macie che xe spetacolare de veder. Adeso dove saver che nei stadi - almeno in Irlanda - se pol bever superalcolici solo fora del perimetro del campo tanto che co te entri nele gradinate ghe xe una strica giala per tera che te mostra dove che no se po, più portar de bever liquori. A un certo punto dela partida - iera comunque marzo e 14° - comincia saltar fora fiaschete de whisky e le comincia pasar de man 2, 3 , 5 persone de una parte altretante de l'altra per poi tornar del paron: la particoalrità iera che no importava chi che tifavi, se te ieri in linea te bevevi.
Quela volta el Galles gaveva vinto e de sera nei pub iera quasi solo maiete rosse che girava, mi co la mia maieta verde in giro per Dublino, go bevudo tanta de quela bira, per lo più oferta dai tifosi gallesi che festegiava (un se gaveva quasi ofeso perchè volevo pagar mi).
Insoma una giornata de festa come che dovessi esser sempre.
_________________ Ci vuole tutta una vita per capire che nella vita non serve capire tutto
Inviato: Lun Feb 05, 2007 2:04 am
micel
Ospite
de Oscar Wilde me ricordavo questo:
"Il rugby e' il miglior modo per tenere 30 energumeni lontano dal centro della citta' durante il fine settimana."
..............Salve, ieri tute le tv, tute le radio fazeva un gran parlar de questo bruto fato,tuti diseva tuto e el contrario de tuto, gavevo un bel scampar de stazion in stazion, sempre e solo quel (de quel poco che gò verto la tv o la radio).Quel che se riva capir, dopo el primo momento de rabia e dolor comincia farse largo l'idea de fermar ancora una setimana e dopo tuto dimenticado, tuto come prima. E tra tuti sti "benpensanti" legio oggi sul giornal che el sior Baudo se la ciapa anche col Papa.Ma a stò sior no ghe basta Sanremo? (L'ultima volta che gò visto sanremo iera el 1970 un ocasion che per un fato personal no dimentico).
L'emozione per la morte violenta di Filippo Raciti travolge Pippo Baudo che si sfoga contro la Chiesa siciliana, colpevole a suo avviso di non bloccare la festa di Sant'Agata il giorno dei funerali del poliziotto ucciso, e contro il Papa, reo agli occhi del presentatore di aver parlato all'Angelus di coppie di fatto e eutanasia e aver ignorato il tragico episodio. Lo sfogo del popolare personaggio dello spettacolo avviene durante «Quelli che il calcio..» in diretta televisiva. «La festa di Sant'Agata - accusa Pippo Baudo - non andava fatta. Oggi ci saranno i funerali del poliziotto morto ma ci sarà anche la processione della statua. «Invece - afferma il presentatore - la bara di Raciti doveva essere in chiesa sotto la statua. Il dovere della Chiesa è essere vicini ai problemi sociali. Il Papa non ha detto una parola nell'Angelus». «Il problema di Catania - aggiunge - è un problema culturale e di classe dirigente». Interpellato in proposito il direttore della sala stampa vaticana padre Federico Lombardi che non intende polemizzare con Baudo, osserva pacatamente: «Non mi sembra appropriata una critica perché già sabato, tempestivamente, la Santa Sede, ad altissimo livello, aveva manifestato il proprio biasimo per questo gravissimo episodio» e «mi sembra assolutamente naturale che oggi il Papa abbia parlato di temi importanti per la società italiana, nel giorno in cui a questi temi la Chiesa italiana dedicava una giornata specifica». Sulla morte negli scontri allo stadio il segretario di Stato Tarcisio Bertone aveva rilasciato sabato un’ampia intervista alla Radio vaticana.
................stò sior B. inveze de ciaparsela col Papa nol podessi scriverghe al'ONU e domandarghe de mandar le trupe nei nostri campi de balon, altro che mandar le trupe italiane in giro pel mondo a farghe i guardiani del petrolio american, che stì muli resti qua che xe anche guera.
E costassi anche de meno.
Servolo
Xe chi che disi che bastassi lassarghe far a lori: te li ciapi, te li meti in un stadio svodo e te li lassi sfogar. Dopo se conta i superstiti.
Scherzi a parte, chi che ga fato veramente scifo xe stado Matarrese che ga minimizzado el tuto disendo che in fin dei conti un morto xe una roba che ghe pol star. Xe inaudito che uno che rapresenta le società de calcio possi solo pensar una roba simile, ma se tanto me da tanto..... spetemo el prosimo morto, forsi che al secondo sto mona cambia idea.
_________________ Ci vuole tutta una vita per capire che nella vita non serve capire tutto
Scherzi a parte, chi che ga fato veramente scifo xe stado Matarrese che ga minimizzado el tuto disendo che in fin dei conti un morto xe una roba che ghe pol star. Xe inaudito che uno che rapresenta le società de calcio possi solo pensar una roba simile, ma se tanto me da tanto..... spetemo el prosimo morto, forsi che al secondo sto mona cambia idea.
Lo go dito anche sull'altro topic, la frase de Matarrese xe "incommentabile"!
Purtroppo el destin iuta spesso chi che non ga bisogno e mi non ghe auguro del mal a nissun per principio, però voleria vedere quella sua "faccia" se el poliziotto morto fossi stado suo fio...
Roby
Me fa piazer Margherita, se no go capido mal, che te son d'accordo.
Ieri go visto i funerai del povero poliziotto, dove che anche tutti i colleghi in divisa pianzeva, dimostrando de esser "persone" come le altre e non el "nemico de annientar".
E guardando con emozion e dolor quella scena penso che quele luride bestie che lo ga spedido in paradiso le se starà complimentando tra de lore per el risultato "ultras-polizia 1-0".
Penso che el zervel nostro e quel de 'sti figuri pesa in egual modo, eppur lori xe capaci (ed orgogliosi) de dar sfoggio de un'intelligenza pari a quella de un pedocio tacà sul scojo!!
Per mi la perdita de una persona onesta per un fatto assurdo xe del tutto superiore alla rabbia de dover vederme tutte le partide in casa in un bar.
Mi che me reputo civile dirò "no xe giusto, ma me adeguo e stago bon", mentre quei delinquenti sfogherà la frustrazion spaccando tutto.
Tanto, legge dura o meno, i sarà subito fora...
Roby
Ripeto caro Roby no fa una grinza !
Quel che me gà fato "imbestialir" quando gò guardado le onoranze funebri x quel povero poliziotto xe stado i "abbracci" de quei due "stronzi" (e spero che rivarè a capir de chi che parlo) molto commossi ADESSO x l'accaduto quando e SE I GAVESSI MESSO IN ATTO LA LEGGE TRE ANNI FA QUESTO NO SARIA SUCCESSO INVEZE DE LASARLA IN CASETIN !
_________________ Nessuno diventa sapiente per puro caso (Seneca)
Quel che me gà fato "imbestialir" quando gò guardado le onoranze funebri x quel povero poliziotto xe stado i "abbracci" de quei due "stronzi" (e spero che rivarè a capir de chi che parlo) molto commossi ADESSO x l'accaduto quando e SE I GAVESSI MESSO IN ATTO LA LEGGE TRE ANNI FA QUESTO NO SARIA SUCCESSO INVEZE DE LASARLA IN CASETIN !
Go capido e concordo. Figurite cossa che ghe frega a lori de 'ste robe...
Comunque i tuoi termini da "salotto de poeti" rivela giustamente che 'ste storie te fa cicar, soprattutto per quel senso de impotenza tra noi comuni mortali.
Te ga la mia piena comprension...
Se te vol, femo un colpo de spugna su questo brutto momento del calcio!
Verzi un novo topic intitolado "Triestina-Treviso a porte chiuse" cussì tignimo sempre alto l'onor dei veri tifosi dell'Alabarda.
Roby
Stamatina , dopo quel bel exploit successo durante quel minuto de silenzio, gò sentido una batuda fata da un sostenitore dell'Unione :
"el calcio in questo periodo xe proprio diventado una scariga de m...a !"affermazione con la quale son purtroppo pienamente d'accordo !
_________________ Nessuno diventa sapiente per puro caso (Seneca)
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 2Vai a pagina 1, 2Successivo
