De boni San Giacomini, la fotografia jera stada ciapada de Ceregato & Trebse ??, Via del Rivo 42. Mia cugina abita ancora in Via della Guardia.
I mii suoceri iera sangiacomini, un de via San Zenone e l'altra de via del Rivo; de che ano te son Lucio che forsi te li conossevi.
Mi son del 43 Steven, ma subito dopo la guera, co le case de LICAM jera stade riparade, semo tornai in Via Orlandini, Ponziana. Durante le riparazioni, jerimo stai per un periodo in Via della Guardia, ma mi jero tropo picio per ricordarme quel periodo.
Mia cugina Licia, come za dito, sta in Via della Guardia. De quel che so, ela jera nata praticamente in quel quartier. El suo cognome de sposada xe Bartoluzzi, ma el nome de mia zia Andreina, sua mamma, e suo mari, zio Luchi jera Giuras.
_________________ Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Ogi che jero in cità e go visto una vetrina con le mascherete, me xe vegnù inamente un ricordo de quando che jero picia ..... mia mama me gaveva meso in asilo là dele monighe ... costava sai per noi, ma ela voleva darme el mejo. Là jera el metodo montesori: i ghe gaveva dito che i fioi che cresi con 'sto metodo i diventa più inteligenti, cussì, oltre a darme ogni giorno un cuciar de oio del fegato de merluzo (bleah!), la me ga meso là. Dio, mi che jero una brava picia no go protestà, dove che i me meteva là stavo, e per tuta la vita mia mama ga pensà che se no son tanto mal xe zenz'altro merito del metodo. Co xe rivà carneval jera de andar in asilo con la maschera. Mi gavevo sempre avù maschere de seconda man, ma quela volta mia mama voleva esagerar e cussì la me ga portà de Orvisi per comprame el costume. Che costume volevo mi? Ma de principessa no? me par ovio, o al masimo de fata o de damina. Ela inveze, la me ga comprà un costume de diavoleto perchè el jera col sconto. Me lo ricordo ben: el iera sai bel, tuto rosso con le punte in testa e le campanele tacade che sonava ..... solo che per mi xe sta una vera tragedia. Pensè: andar dele monighe vestida de diavolo!!! Insoma, go tanto fato e tanto pianto che semo tornai de orvisi e gavemo ciolto quel che jera restà: un costume de fata. Devo dir che jero bastanza contenta ma per mi, una fata doveva aver i cavei lunghi fissi e biondi ..... e i miei iera curti pochi e fini ..... e no jera i soldi per la paruca. Volè saver cosa che i ga fato? Mio papà me ga tacà sul capel, tuto intorno stopa (si, quela che se usava come guarnizion per i lavandini.....) una spuza micidiale(nesun voleva starme vizin), sto capel che me balava a destra e a sinistra, insoma me go sentì propio una povereta..... son andada a zercar la foto e la go trovada cusì anche voi poderè aprezar el senso dela tragedia .... mi naturalmente son quela a destra con un anda de disgraziada (no so se se vedi ben l'espresion) ... quela vizin de mi inveze xe mia cugina soridente e con un belissimo vestito de damina (e con la paruca!)...... grrrr! ancora adeso me rosiga dentro....
Ultima modifica di Principessa sul Pisello il Mer Feb 15, 2006 2:23 pm, modificato 1 volta in totale _________________ Non è mai troppo tardi
Inviato: Mar Feb 14, 2006 11:18 pm
micel
Ospite
\\\\\\\
Ultima modifica di micel il Sab Gen 17, 2009 3:36 am, modificato 1 volta in totale
..... e no jera i soldi per la paruca. Volè saver cosa che i ga fato? Mio papà me ga tacà sul capel, tuto intorno stopa (si, quela che se usava come guarnizion per i lavandini.....)
Salve, conosso un pochi de forumisti che stà soluzion podessi servirghe,
(niente nomi:privacy)
Servolo
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 4 di 4Vai a pagina Precedente1, 2, 3, 4
