TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » sagre fiere manifestazioni » Horti Tergestini Vai a pagina 1, 2  Successivo
Nuovo Topic  Rispondi Precedente :: Successivo 
Horti Tergestini
MessaggioInviato: Gio Apr 27, 2006 1:22 pm Rispondi citando
micel
Ospite




un'ocasion per respirar aria de manicomio. Perchè perderla? Arrow

MessaggioInviato: Gio Apr 27, 2006 6:21 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




grazie, caro Janos, per el consilio sai bel e de seguir.

Ma te ga visto che la gente riva anca a criticar el lavor fato in manicomio, dove che la ASL ga lavorà duro, zapando, piantando, netando e (ghe son pasà prima e go visto) rendendo tuto acogliente. Epur xe chi che critca anca questo, parlando a sproposito de "stato de abandono".

Xe quel che disevo de altre parti. La critica se la xe costrutiva la xe sempre ben aceta, anca se in primis magari la pol dar fastidio. Ma se la xe fata solo per farla alora no la ga gnanca el dirito de esister. E qua no se parla de politica, ma solo de bonsenso! Wink

Cordialmente Idea

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Gio Apr 27, 2006 9:49 pm Rispondi citando
Babu
Registrato: 15/10/05 15:42
Messaggi: 609
Località: Trieste




Sa Vic, el manicomio (o ospedal psichiatrico che dir si voglia) gà subì un stravolgimento terapeutico grazie a Franco Basaglia.

La "lotta" contro el sistema adottà fin in quel momento fatto proprio dal dott. Basaglia ghe somigliava alle imprese del Don Chisciotte contro i mulini a vento, ma - scherzo de la politica e "defaiances" dei poteri ecclesiastici - la legge 180 de la "sinistra" xe passada.

In quel periodo de grandi "lotte sociali" (a livel mondiale) el fenomeno "Basaglia" xe stado un risultato tanto eclattante quando inatteso. El manicomio, posto dove che fin prima se internava i "matti" o presunti tali (che de sicuro i impazziva in virtù delle terapie in uso - vedi elettroshock o lobotomie che, benché illegali, iera spacciai come "sperimentazione terapeutica"), veniva stravolto nella sua essenzialità.
Xe stà sconcertante per la gente del rion veder 'sti strani con un specie de borsello che girava per San Giovanni. Ma quando i se ga reso conto che i iera solo dei poveri cristi, i gà comincià a trattarli "quasi normalmente".

El "manicomio verto" iera un'incognita per el periodo.

Idealmente accetado per i principi de socialità, in realtà gaveva costituì un precedente scomodo a certi "poteri". Cussì xe diventà un strumento de contrapposizion (e propaganda) politica.
Ecco che al suo interno (nel campo de balon) se gà esibidi gruppi che a quei tempi iera militanti de sinistra. Me ricordo de concerti, de iniziative per el recupero de tossicodipendenti (el famoso "posto de le fragole") che ghe insegnava un mestier a chi iera finì nel vortice de la droga, antesignano dei più noti Muccioli o altre comunità terapeutiche, dove che i gà "riabilitado" tanti ragazzi e dove che i gà pianto per le battaglie perse.

Te vedi, queste xe robe che passa nel silenzio dei "media" ma che gà conseguì dei risultati più che apprezzabili.

No sò se l'esposizion floreale sia fia de la stessa mamma, ma se tanto me da tanto, posso ipotizzarlo.

Mi gò la fortuna de gaver una famiglia normale, de gaver due fioi equilibradi, ma no posso chiuder i oci di fronte a tragedie de genitori che se trova coinvolti nel vortice de la droga.
El governo prima gà emanà una legge de sapor propagandistico che gaveria messo in galera i vari tossicodipendenti, dopo gà corretto el tiro mettendo dei "limiti" tra consumo personale e spaccio ben superiori ai precedenti messi dalla sinistra.
Questa mentalità becera e ottusa, questo modo propagandistico che se ne strafrega delle situazioni devastanti che intervien nella famiglie che se trova ad affrontar el problema me fà letteralmente schifo.

Se esisti una roba bona, no stemo demonizarla solo perché la gà fatta i altri, i "avversari politici".

_________________
Babu
Profilo Trova tutti i messaggi di Babu Messaggio privato
MessaggioInviato: Gio Apr 27, 2006 10:08 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




Go avudo la "fortuna" nel 1981 de andar drento el manicomio de Messina. Quel jera un dei più famosi in Italia, ala epoca, insieme con Trieste e Gorizia. E drento jera, come qua, tanto verde. Pareva un paradiso. E inveze jera un inferno. Go incontrà, girandoghe drento (jero là come uficial del esercito de guardia ai seggi nele elezioni politiche del giugno 1981)tanta gente ricverda. E go visto tanti coi oci sbarai e le espresioni svode. Tuti tanto tanto calmi. Gavevo pena visto el film "Qualcuno volò sul nido del cuculo" e go capì che quei iera calmi perché i ghe gaveva taja un toco de zervel (lobotomia). Me ga fato pasion, oror e rabia. Mi, che gavevò abitò a San Giovanni sora la cesa nei ani sessanta, quando che el manicomio jera in piena atività, me ricordavo la paura de mia nona e de mia mama dei mati che scampava ogni tanto. E te se li trovavi davanti el porton...e con Basaglia, i mati se li vedeva tuti fora e tuti che girava a svodo intorno el piazal. Epur, tornado de Messina, quando che la lege Basaglia ga comincià a funzionar suserio, go ringrazià drento de mi quel coragioso dotor. Per quei omini e done che go visto a Messina. O mejo, perché a altri no saria più stado fato quel che i ghe gaveva fato a lori.

Sì, credo che Basaglia gabi fato un capolavoro. E no me frega gnente se la lege iera de destra, de sinistra o pitosto, vista l'epoca, democristiano-socialista. Se sta una bona lege e basta.

E po me ricordo ben "Il posto delle Fragole" e i aiuti che xe stai dadi a muli incasinai cola droga. E i concerti (anca Guccini, un dei mii preferidi tra i italiani) che se fazeva nel "comprensorio dell'ex-OPP". Tante robe bone. Grazie a Basaglia che ga comincià el lavor. E grazie a quei che lo ga continuà.

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Gio Apr 27, 2006 10:42 pm Rispondi citando
micel
Ospite




Babu ha scritto:


Ecco che al suo interno (nel campo de balon) se gà esibidi gruppi che a quei tempi iera militanti de sinistra. Me ricordo de concerti...

El grande Demetrio Stratos, el grupo jera i "Area"
MessaggioInviato: Gio Apr 27, 2006 10:44 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




Quei de "Luglio, Agosto, Settembre Nero" ,l'album con Are(a)zione e lla Mela di Odessa, ecc. ecc. grandi suserio!

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Gio Apr 27, 2006 10:47 pm Rispondi citando
micel
Ospite




vic ha scritto:
Ma te ga visto che la gente riva anca a criticar el lavor fato in manicomio Epur xe chi che critca anca questo, parlando a sproposito de "stato de abandono".
E qua no se parla de politica, ma solo de bonsenso! ;Cordialmente Idea


Mio caro Vic, se xe un che ga fato finta de far, quel... se ciama Scoccimarro(pe'i amici mister Gel).
Nella sua, ciamemola " alegra aministrazion", el nostro (per fortuna ex) Presidente della Provincia, per anni el ga promesso de far restaurar el teatrin all'interno del'ex OPP( visto che de là te passi, va a darghe un'ociada).
Ma el nostro caro ex, preferiva spender alegramente(de novo) 50.000 Euro ( soldi nostri, anche tui) per far
bela figura ala Barcolana ( quela pena passada).
Oh si, co'la sua bela barca ciolta in afito( soldi del'erario) el ga vinto, ma tanta propaganda no ga servido a farlo rieleger.

----La Provincia che promuovi se stessa...semo al delirio de onipotenza.----.(altro che buon senso!)

Comunque se pol capirlo, se sa , l'ex OPP xe un covo de no-global, sinistroidi e forsi anche teroristi.
E lui, che co'l suo scagnozo Menia, el se fazeva i gireti in Iraq, certa gente no'la ga mai poduda soportar.

'Desso, co' passo per via Giulia, davanti al suo negozio de motorete, ralento sempre.
Xe cussì bel, vederlo de novo vender tochi de ricambio.

Trieste te ringrazio, lui almeno, te lo ga mandado a casa.

Con affetto
janos
MessaggioInviato: Gio Apr 27, 2006 10:53 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




hehehe Janos...tanto per no lasarte dormir soni tranquili: el perdente tra i do candidati ( e quindi Scoccimarro Fabio, imprenditore) el sarà de dirito consiglier provinciale...quindi gnente vender ricambi, ma sempre drio i banchi in piaza Vitorio Veneto...Wink Cool

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Ven Apr 28, 2006 12:02 am Rispondi citando
micel
Ospite




Grazie , ma savevo.
Come consiglier, el gaverà 'ssai più tempo per dedicarse ala sua atività.
Più svago per lui, meno ris'ci per noi.
MessaggioInviato: Ven Apr 28, 2006 10:24 am Rispondi citando
vic
Registrato: 30/01/06 12:29
Messaggi: 482
Località: Padriciano TS




Lasando perder Fabieto nostro (orpo, scusa...Fabieto mio...Wink ), te sa che con quel disco dei Area (cioè Are(a)zione) che mi gavevo comprà coi mii pochi soldi de studentel, prestandolo de qua e de là i me dava in cambio anca diese dischi ala volta?? Nisun lo gaveva e el ghe piaseva a tuti. Cusì grazie ai Area, me son fato la nastroteca con tuti i sucesi dei ani 70.... Smile

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Ven Apr 28, 2006 12:04 pm Rispondi citando
micel
Ospite




L'idea xe bona. Tornemo al manicomio e a quei anni citadi da Babu.

I "Area", li go sentidi(e scoperti) propio là.
In quel campeto ga comincià a far i primi passi anche un nostro cantautor: Gino Deliso...anzi , me ricordo che stavimo spetando che rivi i Area, e un per de noi xe andai sul palco. I strumenti jera là pronti...mejo che mai.
Mi al'epoca sonavo el basso, ma nel sburtarse per guantar l'ordegno, Gino, xe sta più svelto.
Oddio, co'i ga comincià( a parte el tastierista) tuto pareva meno che musica.
Dopo una mezoreta, in socorso dele nostre rece, xe rivado Demetrio Stratos e el suo grupo.
Jera ( se no me sbaglio), metà anni '70.

Per la cronaca: in quei anni a Trieste, nissun "osava" parlar de droga( TV, giornai, parochie, ciese e boteghini)
E inveze ghe ne girava zà tanta, ma cussì tanta, da imbriagar un rion intiero.

che vose Demetrio!
http://www.fuorivista.it/articoli.php?id=89
MessaggioInviato: Ven Apr 28, 2006 6:23 pm Rispondi citando
Babu
Registrato: 15/10/05 15:42
Messaggi: 609
Località: Trieste




Iero anche mi. Oltre ai quei che te conti, me ricordo de una "paziente" (stemo parlando del psichiatrico, per i distratti) che, accompagnada dai volontari delle cooperative sociali, la iera andada sul palco a sonar la fisarmonica.
Odio, sonar ... forsi xe eccessivo, comunque la roba che me gà colpì xe stà el pubblico. No xe stà un che gavessi fis'cià o che gavessi dito qualcossa, (e no iera propio educande ... ) solo applausi.
Alchè quela solista improvvisada, visto el momento de gloria, la se gaveva impizzà e no la voleva più 'ndar via, cussì che el concerto iera comincià più tardi, dopo el "bis" (o forsi anche el "tris" no me ricordo ben)

_________________
Babu
Profilo Trova tutti i messaggi di Babu Messaggio privato
MessaggioInviato: Ven Apr 28, 2006 7:04 pm Rispondi citando
vic
Registrato: 30/01/06 12:29
Messaggi: 482
Località: Padriciano TS




Gino Deliso lo go sentì cantar a Muja qualche tempo dopo. El me piaseva e ga anca avù un discreto successo come cantautor. Me ricordo le canzoni "Dentro i bars" e "Orient Express" del album "Cattivi Pensieri" e anca la canzon omonima, anno 1983.

_________________
LSMT
to boldly go where no man has gone before (compleanno: 18 gennaio)
Profilo Trova tutti i messaggi di vic Messaggio privato Invia email
MessaggioInviato: Ven Apr 28, 2006 10:28 pm Rispondi citando
micel
Ospite




Sento che tra poco riverà la bachetada de qualche moderador...ma ris'cio lo stesso.

Babu, la fisarmonicista ...come dimenticarla?!
.....ma alora, se conossemo zà de una vita!?? Trieste xe propio un buseto...

Vic, dopo i Area e Deliso, te go quasi perdonà el voto a Roby (quasi Cool )
MessaggioInviato: Ven Apr 28, 2006 11:16 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Mi Demetrio, purtropo lo go sentido solo registrado ... ma la version de l'Iternazionale citada su quel articolo xe una roba ecezionale.

Su Vic, Janos, posso solo dirte che mi xe almeno una ventina de ani che ghe digo che i lo ga convinto de eser de destra, ma che in realtà no lo sa ma no lo xe: però nol vol crederme .... Razz

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
Horti Tergestini
Indice del forum » sagre fiere manifestazioni
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 2  
Vai a pagina 1, 2  Successivo
  
  
 Nuovo Topic  Rispondi  
Forumer.it © 2015