TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » treni,filovie,tram ecct. » el tram de Servola Vai a pagina 1, 2, 3, 4, 5, 6, 7, 8, 9  Successivo
Nuovo Topic  Rispondi Precedente :: Successivo 
el tram de Servola
MessaggioInviato: Sab Mar 07, 2009 11:01 am Rispondi citando
vecio_mulon
Registrato: 06/03/09 21:04
Messaggi: 147
Località: trieste




Ciau a tuti, ve legio da ani ma per chissà qual motivo no me iero ancora iscrito. Xe el più bel forum in dialeto triestin che gabio mai visto.
Comincio de qua perché el giron del tram numero 2 a Servola me lo ricordo benisimo, in quanto mi son nato de quele parti e ve go abità fin che no go cambià casa (causa matrimonio).
Quela parte, tra la prima curva de Via de Servola e l'inizio de Baiamonti, iera tuta una campagna, prati e tereni liberi dove andar a zogar e le mame se fidava ('diritura!) a lasarne soli a tirar de s'cinche sule piste de sabia e fango (del tuto "autocostruite"). Le case l'intiera via Baiamonti sarà stade in tuto diese, mi calcolo.
E, ogni tanto, se vedeva 'sto tram col rimurcio che, venindo da Pasegio Sant'Andrea (cusì se ciamava anche quel toco de strada che ogi se ciama Via Italo Svevo, perchè el nostro grande scritor ve gaveva abità in vila e dopo i ga pensà de intotolarghela), se rampigava su per el primo trato de Via de Servola, rivava al giron soto el muraglion, se fermava rente l'ingreso dela vecia galeria (che esisti ancora) e po e ripartiva. E noi muleti imperteriti a zogar "ognitempo" (piova, sol, bora...) fin che mama no ne ciamava dala finestra. che iera ora de zena.
Ma el resto ve lo conterò un'altra volta, adeso ciau cari mii e se sentimo!
Profilo Trova tutti i messaggi di vecio_mulon Messaggio privato
MessaggioInviato: Sab Mar 07, 2009 11:05 am Rispondi citando
vecio_mulon
Registrato: 06/03/09 21:04
Messaggi: 147
Località: trieste




Scuseme, go sbalià. Comincio ben. Chiedo al moderatore Evil or Very Mad de spostar questo mio intervento nel topic "el 2 soto Servola". Se lo fazo mi, fazo ancora più casin. Volevo solo risponder, e go' sbalià tasto. Surprised
Profilo Trova tutti i messaggi di vecio_mulon Messaggio privato
MessaggioInviato: Sab Mar 07, 2009 11:51 am Rispondi citando
Auriel
Ospite




Ciau vecio-mulon, benvegnudo!!! Gò zà rivado a constatar che te son un "dela vecia guardia" del modo che te scrivi.
'Deso che finalmente te se gà iscrito me rcomando NO STA' SPARIR COM E CHE FA' TANTI!!! Cool Cool Cool Cool Cool
Scrivi presto 'ncora e te legiarò 'sai, ma 'sai volentieri e penso - come mi - tanti altri!
Parlar e sentir parlar e/o leger dei "tempi 'ndai" fà sempre piazer: almeno a mi!!! Mad Mad Mad

Ri-ciau e i mii primi stra-bacioni Idea Idea Idea tuti par ti! Lela
MessaggioInviato: Sab Mar 07, 2009 12:35 pm Rispondi citando
macondo
Registrato: 03/12/05 22:37
Messaggi: 344




Anca mi vivevo in quei anni de quele parti e go trovado sta foto che ricorda la campagneta de via Baiamonti...Credo che la foto la sia de un libro sui i rioni, ma no son sicuro qual Confused

Profilo Trova tutti i messaggi di macondo Messaggio privato
MessaggioInviato: Sab Mar 07, 2009 6:52 pm Rispondi citando
Luther Blisset
Registrato: 30/12/05 19:13
Messaggi: 470




Un benvegnudo a vecio mulon...ricordi de Trieste de una volta xè sempre un piazer. Co xè tram in mezo po'...xè el massimo...Very Happy

Bela Foto, Macondo. La linea alta xè 'pena finida. Semo tipo nel '52, no xè ancora i binari...

E soto se vedi una picia tradota sula "linea bassa"...con un ingrandimento forsi se riva veder che locomotiva xè...(728? 476?')

Saluti

_________________
"Non c'è critica più feroce della minuziosa descrizione dei fatti" (Von Moltke)
Profilo Trova tutti i messaggi di Luther Blisset Messaggio privato
MessaggioInviato: Sab Mar 07, 2009 7:32 pm Rispondi citando
macondo
Registrato: 03/12/05 22:37
Messaggi: 344




No se vedi sai ben, ma forsi...

Profilo Trova tutti i messaggi di macondo Messaggio privato
MessaggioInviato: Sab Mar 07, 2009 8:03 pm Rispondi citando
macondo
Registrato: 03/12/05 22:37
Messaggi: 344




E se vedi anca el 2 al alteza del campo del Ponziana.

Profilo Trova tutti i messaggi di macondo Messaggio privato
MessaggioInviato: Sab Mar 07, 2009 9:44 pm Rispondi citando
giacomin
Tutor
Registrato: 12/10/05 08:20
Messaggi: 1561
Località: Trieste




vecio_mulon ha scritto:
Scuseme, go sbalià. Comincio ben. Chiedo al moderatore Evil or Very Mad de spostar questo mio intervento nel topic "el 2 soto Servola". Se lo fazo mi, fazo ancora più casin. Volevo solo risponder, e go' sbalià tasto. Surprised


Tranquilo mulon continua pur quà che semo tuti curiosi de legerte Very Happy Very Happy ..... a proposito BENVENUTO Very Happy Very Happy Very Happy

_________________
Tutto passa.....meno el bus che te speti
Profilo Trova tutti i messaggi di giacomin Messaggio privato Invia email HomePage
MessaggioInviato: Sab Mar 07, 2009 10:08 pm Rispondi citando
vecio_mulon
Registrato: 06/03/09 21:04
Messaggi: 147
Località: trieste




Grazie infinite a HECHTGRAZIELLA per le bele espresioni di benvenuto, e ai altri... Zercherò de no sparir, ma no sarà sicuro una fadiga. Belisima la foto: el primo prà che se vedi in quasi primo pian, a destra andando su per Via Baiamonti, xe proprio el prà de cui parlavo nel mio post, e un altro, ancora più "interesante" per frequentazion de pici e de pice, iera un poco più su, apena fora del bordo dela foto, e rente de casa mia.
La foto sarà del Zinquantadue? Credo senz'altro a chi che lo ga scrito, che sa sicuro 'sai più de mi: però mi me ricordo benisimo (o dio insoma...) de quando esisteva solo la linea rasoterra, e i stava apena getando col zemento i primi arconi del ponte dela linea alta. E sicome mi go verto i oci un atimo prima dela Guera de Corea (bel rebus, indovinè de quando che la iera), me acorzo che mi, a due-tre ani, sporzendome fora dela carozela, gavevo sul serio podudo oservar el cantier e tuti 'sti particolari, e ogi poso ricordarme del geto, del fero (tanto) e dele grandi centine tonde de legno, che inveze me ricordo benisimo. Forse iero un genio za quela volta... Very Happy col ciucio in boca.
E ve asicuro che iera 'sai un bel veder, con le locomotive nere che butava vapor bianco e le portava i vagoni pieni de piere e zemento, e i tram del Due che ghe pasava vizin. Sulo sfondo, le grandi fumade bianche dela Feriera. I tram iera i "grandi" Savigliano a due asi, con analogo rimurcio, alti e imponenti e che a mi picio me fazeva fin paura. Chisà perché, i tram a careli dela Stanga me pareva 'sai più familiari e rasicuranti.
Gavé pazienza, xe i cari ricordi de un sior un poco griso de cavei e de barba, che xe nel pien dela "seconda parte dela meza età". E che ga scoperto un logo dove che li pol contar, quando molie e fio xe a dormir, e dove che, per gentileza, qualchedun lo sta a scoltar, come che mi scolterò con afeto e grande piazer tuti i vostri.
Profilo Trova tutti i messaggi di vecio_mulon Messaggio privato
MessaggioInviato: Sab Mar 07, 2009 11:49 pm Rispondi citando
roby
Registrato: 15/12/06 15:57
Messaggi: 2456
Località: Trieste (Rozzol)




macondo ha scritto:
Anca mi vivevo in quei anni de quele parti e go trovado sta foto che ricorda la campagneta de via Baiamonti...

Dai, Macondo, demoghe un bon benvenuto a 'sto vecio_mulon!
Se el parla del giron del tram 2 a Servola, mettemoghe una foto del giron del tram 2 a Servola e visto che (secondo lui) xe el più bel forum in dialetto triestin, regalemoghe anche el tram 2 sul giron!



Cool Mad
Profilo Trova tutti i messaggi di roby Messaggio privato
MessaggioInviato: Dom Mar 08, 2009 12:11 am Rispondi citando
vecio_mulon
Registrato: 06/03/09 21:04
Messaggi: 147
Località: trieste




Grazie del bel regalo !!!
La foto xe proprio splendida, e el tram Stanga 1° serie ancora de più.
Un picio toco de 'sto giron esisti ancora, ciapado fra le struture dei viadoti e dei racordi che xe cressudi con la grande viabilità e la nova rampa dela via de Servola. Se ghe riva de una stradeta con un canceleto, e de là se riva in un picio sterrà, de forma ancora curva, dove no esisti più tracia de binario, ma esisti el buso dela galeria che gavessi dovudo far rivar el tram a Valmaura e unificar in una specie de circolare la 1 e la 2. Ma poi, mentre che i stava scavando la galeria, xe stà l'atentato de Sarajevo, l'ultimatum ala Serbia, e... el resto lo savemo. Dopo la Grande Guera i gaveva altro cossa pensar che mandar el tram in un buso.
La foto xe rica de spunti, saria de parlar del rion de Chiarbola che ancora no iera ma nela foto xe ancora un bel prà, dela Casa del Emigrante, del Educandato Gesù Bambino che nela foto xe in costruzion e ancora senza le bele finestre de legno che el gaveva prima che i ghe le fazessi in aluminio, dela fabrica Veneziani e dela casa dela Telve... ma parleremo, xe più giorni che fotografie! e pò xe note fonda e me cala la palpebra.... Ciaù cari e grazie del'acoglienza!
Profilo Trova tutti i messaggi di vecio_mulon Messaggio privato
MessaggioInviato: Dom Mar 08, 2009 12:41 am Rispondi citando
macondo
Registrato: 03/12/05 22:37
Messaggi: 344




Si roby, un gran benvenudo a sto vecio mulon Cool

La tua foto la xe magica, col tram e la rotonda. Finalmente son stado anca in grado de localizar i resti de una postazion antiaerea che se vedi proprio vizin ala curva. Te pol anca notar che i sta ancora lavorando sul viadoto e ala estrema sinistra ghe xe come un terapien usado per andar de sora (se vedi le tracie de una cariola). Se vedi assai ben la fabrica Veneziani e el campeto del Ponziana...


Vedi nela foto qua sotto, che la xe un poco piú recente, che l'Educandado el xe finido e la nova linea sul viadoto ga za le sine.

Profilo Trova tutti i messaggi di macondo Messaggio privato
MessaggioInviato: Dom Mar 08, 2009 1:05 am Rispondi citando
vecio_mulon
Registrato: 06/03/09 21:04
Messaggi: 147
Località: trieste




Anche questa foto xe belisima. Ala destra, lungo il marciapiede dela strada ora via Svevo, xe una serie de casete a uno - due piani. Nel'ultima, quela più verso l'Educandato Gesù Bambino (che qui ha finalmente le finestre), ghe iera una famosa osteria, ogi saria un'enoteca, ma quela volta iera proprio un'osteria e basta, famosa perchè la gaveva sul tavolato de legno che ghe fazeva de pavimento al "salon" una grandissima botola, sormontada da una grande cadena de fero con carucole e argani vari, e co' i la verzeva de là i calava fora e dentro de sototera 'ste grandissime boti de vin ... che in sto modo stava freschisimo. Nianche dir che le boti le rivava con quei carri col caval, lunghi, fati aposta per le boti. E che me ricordo eser andadi su e zo per Baiamonti almeno fino al 1960.
Me ricordo che in quela osteria ale volte de sabato dopopranzo me portava mio zio, co'la Lambreta, ma no el me dava nianche un sorso de vin... solo moscatela! Lui si, rosso de Sicilia e Malvasia.
Profilo Trova tutti i messaggi di vecio_mulon Messaggio privato
MessaggioInviato: Dom Mar 08, 2009 1:14 am Rispondi citando
roby
Registrato: 15/12/06 15:57
Messaggi: 2456
Località: Trieste (Rozzol)




macondo ha scritto:
Te pol anca notar che i sta ancora lavorando sul viadoto e ala estrema sinistra ghe xe come un terapien usado per andar de sora (se vedi le tracie de una cariola)

Se te noti che là el viadotto xe ancora in ultimazion, cossa doveria dir mi de questa?

Profilo Trova tutti i messaggi di roby Messaggio privato
MessaggioInviato: Dom Mar 08, 2009 9:34 am Rispondi citando
vecio_mulon
Registrato: 06/03/09 21:04
Messaggi: 147
Località: trieste




Cavoli, xe proprio cusì che me li ricordavo i lavori del viadoto!
Quel che xe interesante de 'sta foto, oltre alla rarità e interese tecnico e storico dela documentazion (a proposito: che splendor che iera le foto in bianco e nero de una volta, fate da maestri...) xè che se vedi la vecia linea del treno per la Feriera ancora a destra rispeto al viadoto in costruzion, mentre nela penultima foto che gavè tirà fora del cilindro magico (ma riverà el momento che tirerò fora anche el mio, co' me sarò imparado ben a postar foto, orca mastela...), quela del giron col tram, se distingui che quel trato de linea feroviaria za no esisti più, in quanto, se vedi, interoto proprio dal posizionamento dei novi arconi.
Xe tuto un magico mondo che riemergi, e manca ancora de veder quel che sarà el principale protagonista (trasportistico) dei anni subito dopo, che ancora non è ricomparso alla vista ....
Profilo Trova tutti i messaggi di vecio_mulon Messaggio privato
el tram de Servola
Indice del forum » treni,filovie,tram ecct.
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 9  
Vai a pagina 1, 2, 3, 4, 5, 6, 7, 8, 9  Successivo
  
  
 Nuovo Topic  Rispondi  
Forumer.it © 2015