TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » Storia de trieste » La cesa de Valmaura Vai a pagina 1, 2  Successivo
Nuovo Topic  Rispondi Precedente :: Successivo 
La cesa de Valmaura
MessaggioInviato: Lun Ago 04, 2008 3:39 pm Rispondi citando
servolo
Registrato: 09/10/05 15:55
Messaggi: 2194
Località: trieste




Salve,
qua: http://www.trieste.forumer.it/trieste-about67-45.html
Ricky13 domanda:
go visto la foto del'uno a valmaura, ma quella cesa a destra dove la xe adesso ...n orivo a capir ...son tropo zovine ...go solo 41 ..... :)

la cesa dela Beata Vergine Addolorata in via Valmaura la xe la dal 1947,12 otobre cò i ga messo la prima piera.I lavori andava svelti e zà el 19 marzo la cesa veniva benedetta.Ghe mancava ancora tuto porte,pavimento solo de cemento,le finestre iera serade solo con una ramada ma per i Frati dell’ordine Servi di Maria iera un giorno de gran festa,come arredamento iera un poche de panche dela vecia capela,qualche aredo sacro e tanti fiori.Fata de matoni rossi,con 2 pici campanili a vela, iera una realtà che mancava in quel rion,le più vizine iera o Servola o s.Giacomo. Te pol veder,el piazzal del vecio stadio,l’obelisco con la Nike,opera del Borghi e subito a sinistra la cesa coi 2 campanili




Proprio per la mancanza de religiosi e de cese a s.Anna el vescovo Luigi Fogar se gaveva messo in contato con diversi ordini religiosi e nel 1934 i Servi Di Maria dava la disponibilità per venir a Trieste.Dopo due anni de tratative i rivava a cior in afito in strada vecchia dell’Istria 66 che quela volta iera Piano s.Anna N°80 una picia caseta de Milan Kodrič:El 15 magio del 1936 i firmava el contrato e cominciava i lavori de adattamento finchè per la festa de s.Anna che casca el 26 luglio i gà inaugurado questa picola casetta.In pianoterra de due camere i gà fato un oratorio de 10 metri per 5.Restava ancora posto per una picia sacrestia e una camera per cantar e far istruzion:De sora iera 4 camere,tre per dormir e una de cusina e refetorio.
Dopo 2 anni in aprile 1938 i gà rivado a comprar un toco de tera con su 2 casete Valmaura 5 e 7,de fianco el stadio,dove che dopo i gavessi fato la cesa.Dopo che i se gà trasferido, nela vecia costruzion de Strada vecchia del’Istria veniva verta un osteria e de sora, dopo la guera una casa del popolo del partito comunista.Oggi xe un bufet e de sora casa.Gò verto questo T.,perchè continuar la del tram iera Smile








Servolo

_________________
se no guanta cambia
Profilo Trova tutti i messaggi di servolo Messaggio privato Invia email
Post Subject
MessaggioInviato: Mar Ago 05, 2008 11:10 am Rispondi citando
Colin Cesare Colussi
Registrato: 28/12/05 22:32
Messaggi: 483
Località: Frankston Vic. Australia




Parlando de Valmaura, La topografia de quela zona ga cambiado considerevolmente: Sula curva che formava la Via del'Istra, da dove che iera la scola Valmura (ogi scola slovena) al suo sbocco in Piazal ghe iera diverse case fra cui l'entrata de un deposito de sussistenza (rifornimenti) del'Esercito Italian, in questo deposito xe sta' intrapola' l'ultimo presidio Tedesco proveniente dal'Istria in ritirata, la' xe sta' i ultimi spari dela guera, e le ultime vitime nela zona de St.Ana (cussi' iera ciamada la Zona) el nome provegniva del cimitero naturalmente, le case drio la cesa no esisteva in quela forma in ogni caso. La cesa iera za la' quando xe sta el grande sciopero generale che no son sicuro se iera nel '47 o '48
ma questa xe un'altra storia. Ciao Coce Smile

_________________
La Vita

piu' che la pendi

piu' la rendi
Profilo Trova tutti i messaggi di Colin Cesare Colussi Messaggio privato Indirizzo AIM
MessaggioInviato: Mar Ago 12, 2008 11:33 pm Rispondi citando
RICKY13
Registrato: 06/09/07 12:02
Messaggi: 34




grazie delle risposte g oleto pena ogi ...ma adeso me xe piu' ciaro.
A breve ve indicherò u nsito (in costruzion) dove andar a sbisigar per veder robe de trieste ......
gavere' de spetar perchè vado in ferie e torno tra do settimane abondanti ......
bone ferie a tutti
ricky
Profilo Trova tutti i messaggi di RICKY13 Messaggio privato
MessaggioInviato: Sab Mar 07, 2009 11:12 pm Rispondi citando
vecio_mulon
Registrato: 06/03/09 21:04
Messaggi: 147
Località: trieste




Quela cesa al inizio de Viale Valmaura a mi la me xe 'sai cara, ma de un ricordo de quei che fa mal, e sì che xe pasadi i ani. Xe là che nel 1976 mio papà, che gaveva otantun ani e che esendo artigian (gaveva un'oficineta là in Giarizole) doveva un poco lavorar ancora per campar e che me gaveva mantegnù ai studi, me gà portado, una domenica de Magio, ala messa (e me gaveva fato strano perché noi no se usava). Mi ierò zà sposado e fora casa. Dopo la messa, el me ga dito: "Sa, no stago ben. G'ho de un dò giorni el stomigo blocà". Sicome el gaveva dolori, mi, inveze de portarlo a casa in Via Baiamonti, lo gò portà in pronto socorso, al Magiore. El giorno dopo, iera za fora conoscenza. Dopo una setimana, i lo gà trasferido alla Madalena, in Gerontologia. Poi gavemo capì che a quei tempi quel iera el logo dove che i portava i veci incurabili a morir. Dopo un mese, el xe vegnù fora della Madalena, in cappella de Via Pietà, e de là lo gavemo portado a Sant'Anna. Povero papà mio.
Profilo Trova tutti i messaggi di vecio_mulon Messaggio privato
MessaggioInviato: Dom Mar 08, 2009 12:07 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Ciao vecio mulon, xe momenti assai brutti che se passa nella vita purtroppo, però importante xe ricordarli con una certa quasi dolce rassegnazion anche se tristi, solo cussì i propri cari no sarà mai dimenticadi.
BENARRIVADO in sto "belissimo" forum. Idea

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Dom Mar 08, 2009 1:08 pm Rispondi citando
Auriel
Ospite




Me 'sai dispiasi par sti tristi ricordi vecio mulon, ma te devi savere (e mi son convinta de questo e no par motivi "campai par aria" ma dopo diversi studi e riflesioni indove ghe sisti si e no la religion) che quei che i xe 'ndai i xe solo de 'naltra parte! I ghe xe sempre, solo che noi, fino a che restemo quà, sta roba ne fà star mal parchè no li podemo più veder nè sentir, esendo abituadi (come xe logico) ale robe "materiali", cioè veder co'i oci e sentir co le rece! Ma ricordite che se li pensemo con tristeza li femo star mal, inveze se li ricordemo con amor li femo contenti.
Mi, par esempio, sento 'sai più vizini 'deso (spece mia mama, con papci no gavevo problemi gnanca co'l jera quà)i mii zenitori che quando che i jera in vita e, oltretuto, parlo sempre co lori anca se no par telefono e/o de persona.!

Bona domenica e stra-bacioni Idea Idea Idea , Lela.


Ultima modifica di Auriel il Lun Mar 09, 2009 10:49 am, modificato 1 volta in totale
VALMAURA
MessaggioInviato: Dom Mar 08, 2009 5:39 pm Rispondi citando
Karolina
Registrato: 06/10/05 10:05
Messaggi: 1354
Località: trieste




metto qualche foto de valmaura, nei anni'50, forsì te pol far piazer - vwecio mulon.
capolinea della linea 10, con sul sfondo l'inizio de Str.vecchia dell'istria.


el stadio Pino Grezar

all'epoca iera ancora tanto verde intorno.

questo xe el piazzal , sul sfondo el cimitero de Sant'Anna.


la cesa dedicada alla beata vergine Addolorata.

quella volta no ghe iera problemi de parcheggio.

quà xe l'inizio de via Flavia, con le casa popolari. drio el chiosco della esso
non esisteva ancora el bar Valmaura mageshack.us/my.php?image=img075.jpg][/URL

e questa xe l'ultima foto
Piazzale Cagni con el capolinea della 19 e sulla destra el bar Flavia, là tutt'intorno xe pien de case adesso.


quanto diverso che xe quel rion adesso!!

_________________
..che l'A vadi ben, che l'A vadi mal, sempre alegri mai passion!
Profilo Trova tutti i messaggi di Karolina Messaggio privato
MessaggioInviato: Dom Mar 08, 2009 9:48 pm Rispondi citando
vecio_mulon
Registrato: 06/03/09 21:04
Messaggi: 147
Località: trieste




Grazie a tuti dei bei pensieri, me dispiasi de averve per un momento ratristadi. Si, penso anche mi che la "dipartita", come disi el nome istesso, no xe che un pasagio, ma quanto la xe dura e difizile da soportar quando che te alontana i più cari afeti.
Ma adeso basta cussì, alegria Laughing bele le foto de Valmaura, mi più de tuto me ricordo quando che Via dell'Istria seguiva un percorso diverso da quel de adeso, perché no iera el retilineo fra zimitero e piazzal Valmaura, ma se seguiva le due semi-curve ancora esistenti ma no più comunicanti, ogi ridote a parchegio o poco più. E iera bel anche el giron dela 19 in piazale Cagni, mi onestamente no me ricordo un periodo in cui il bar Flavia no ghe fussi. Ma la memoria vacila e fala, xe efeto dela mancanza de pirole de zoventù, che per un caso go apena terminà. Mad
Profilo Trova tutti i messaggi di vecio_mulon Messaggio privato
ST. ANA "VAlmaura"
MessaggioInviato: Lun Mar 09, 2009 11:15 am Rispondi citando
Colin Cesare Colussi
Registrato: 28/12/05 22:32
Messaggi: 483
Località: Frankston Vic. Australia




Karolina ben ritornada! Grazie dele foto, Tanti, Tanti ricordi per mi de St'Ana, Coloncoves,Servola la xe dove go passa' i ani de muleto e de giovinoto, ani duri, ma tanti, tanti bei ricordi. Mia nipote fia de mia sorela e mari' i ga un Caffe' in via Valmaura el "Harley". Ciao Coce. Very Happy

_________________
La Vita

piu' che la pendi

piu' la rendi
Profilo Trova tutti i messaggi di Colin Cesare Colussi Messaggio privato Indirizzo AIM
MessaggioInviato: Lun Mar 09, 2009 11:26 am Rispondi citando
Auriel
Ospite




Mi, qundo me son sposada la prima volta son 'ndada a abitar in via Flava n° 10 (le "minimissime del ICAM, come che la se ciamava in alora sta Istituzion che 'deso xe deventada "Azienda" - nome che fà 'sai più efeto -e indove oltre che a mio marì che el xe "se pol dir: nato là", gà abitado anca Larry e sua molie - sorela del mio primo marì - e se no sbalio anca la sua prima fia - che la gà un ano più de mi - oltre al fradel più vecio - quel che el gà la stesa età che gaveria mia mama - anca lù con sua molie e la prima fia e i altri tre fioi: compreso mio marì, tanto che de note, almeno cusì i me gà contado - se doveva caminar sora i stramazi par 'ndar in ceso) de dove, come che gò zà dito nel "topic" dela "triestina", rivavo a veder la partida dala finestra dele scale; vedevo squasi tuto el stadio "Pino Grezar" a parte un tocheto vizin dela porta snistra. Gò abitado là par tuti i sie ani che gà durà el mio primo matrimonio e me ricordo anca 'sai ben del "Bar Flavia", parchè, cò gò fato 'na stagion ala "Stock" dela "Zona Industriale" la via ('deso no me sovien el nome, parché parlo del '75 e anca mi gò giusto finido le pirole de gioventù, come che gà dito quà de sora vecio-mulon) che portava al stabilimento la partiva proprio dala destra del "Bar Flavia". Inoltre me ricordo che, poco più sù de indove che abitavo mi, de l'altra parte dela strada, ghe iera un toco de "campagneta" indove che se fermava ogni ano un "Luna park" e mi, che jero squasi 'na fioluza ancora, co la scusa de portar el mio primo fio (cò ghe jera i schei) me divertivo più de lù de montar sula "calcinculo" sui autoscontri e sora 'naltra giostra che la gaveva come dele spece de dischi volanti che i andava su e zò.

Ciau a tuti e stra-bacioni Idea Idea Idea Lela.

PS: Ehi, Servolo, che vecio brontolon che te son: te chiedo scusa in zenocio Evil or Very Mad Evil or Very Mad Evil or Very Mad , ma mi no gò visto nisun "me par" che gabi scrito topic che riguardava la "festa dele done", ma no ocoreva che te me ficasi quei "emoticons" con quel facia tuta incavolada, bastava che te me lo disesi e basta!!! Mad Mad Mad Indove xe finida la "cavaleria?


Ultima modifica di Auriel il Mar Mar 10, 2009 11:55 am, modificato 3 volte in totale
MessaggioInviato: Lun Mar 09, 2009 11:30 am Rispondi citando
Auriel
Ospite




Ciau Coce, ma sto Café de Via Valmaura el se gà sempre ciamà cusì? Parché mi proprio no me lo ricordo. Indove el jera de preciso?

Ri-ciau e stra-bacioni Idea Idea Idea , Lela.
MessaggioInviato: Lun Mar 09, 2009 3:44 pm Rispondi citando
dan68
Registrato: 15/01/08 11:35
Messaggi: 529
Località: tivoli (RM)




HECHTGRAZIELLA ha scritto:
me ricordo anca 'sai ben del "Bar Flavia", parchè, cò gò fato 'na stagion ala "Stock" dela "Zona Industriale" la via ('deso no me sovien el nome, parché parlo del '75 e anca mi gò giusto finido le pirole de gioventù, come che gà dito quà de sora vecio-mulon) che portava al stabilimento la partiva proprio dala destra del "Bar Flavia".


La via dovessi eser via Caboto (o via Pietraferrata? BOH). COmunque la cavaleria xè 'ndada... in cavaleria!!! Surprised Surprised Very Happy

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Lun Mar 09, 2009 4:51 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




dan68 ha scritto:
HECHTGRAZIELLA ha scritto:
me ricordo anca 'sai ben del "Bar Flavia", parchè, cò gò fato 'na stagion ala "Stock" dela "Zona Industriale" la via ('deso no me sovien el nome, parché parlo del '75 e anca mi gò giusto finido le pirole de gioventù, come che gà dito quà de sora vecio-mulon) che portava al stabilimento la partiva proprio dala destra del "Bar Flavia".


La via dovessi eser via Caboto (o via Pietraferrata? BOH). COmunque la cavaleria xè 'ndada... in cavaleria!!! Surprised Surprised Very Happy


El bar Flavia xe propio sul canton in punta che fa la via Cboto.

Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Lun Mar 09, 2009 5:20 pm Rispondi citando
Auriel
Ospite




Gavè ragion tuti e do, sia ti Dan che ti Orso, 'deso che me gavè fato vignir in amente, jera proprio la via Caboto che la menava al stabilimento dela "Stock" in Zona Industriale".
Voi de sicuro no gavè bisogno de "pirole de zoventù"!!!

Per quanto riguarda "la cavaleria" me par che anca quà te gabi ragion Dan, la xe proprio 'ndada a finir in "cavaleria"! Orca pipa rota, sempre la batuda pronta te gà: el tuo zervel el "gira" proprio 'sai ben, squasi come 'na trotola!!!

Ciau e stra-bacioni Idea Idea Idea a tuti e do, Lela.

PS: Scuseme se ve gò risposto a tuti e do in t'una sola volta, ma par che a qualchedun ghe daghi fastidio se se rispondi con poche parole, anche se sto amico, de solito, nei sui mesagi el 'sai più stringà de quanto che son mi e par dir dò robe el mesagia un tre volte de seguito come minimo!!!
Scuseme 'ncora. Forsi - anzi senz'altro - ogi son un fià polemica!


Ultima modifica di Auriel il Mar Mar 10, 2009 11:57 am, modificato 1 volta in totale
MessaggioInviato: Mar Mar 10, 2009 9:32 am Rispondi citando
dan68
Registrato: 15/01/08 11:35
Messaggi: 529
Località: tivoli (RM)




HECHTGRAZIELLA ha scritto:
Orca pipa rota, sempre la batuda pronta te gà: el tuo zervel el "gira" proprio 'sai ben, squasi come 'na trotola!!!


Xè giorni che gira anca altre robe.... Le gira tanto che te gira l'aria in tei pie!!!! Surprised Surprised Very Happy Very Happy Very Happy Very Happy

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
La cesa de Valmaura
Indice del forum » Storia de trieste
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 2  
Vai a pagina 1, 2  Successivo
  
  
 Nuovo Topic  Rispondi  
Forumer.it © 2015