TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » basket,rugby,calcio e altri sport » RUGBY - 6 NAZIONI 2008 Vai a pagina Precedente  1, 2, 3  Successivo
Nuovo Topic  Rispondi Precedente :: Successivo 
MessaggioInviato: Dom Feb 10, 2008 5:33 pm Rispondi citando
margherita
Registrato: 25/12/05 19:43
Messaggi: 3072
Località: Trieste




ITALIA - INGHILTERRA 19 - 23 Sad

Un primo tempo con troppi falli che Wilkinson gà trasformado in punti preziosi.
Troppi possessi palla buttadi via, anche se poi Bortolussi gà fatto el suo.
El secondo tempo migliore e finalmente xe rivada la meravigliosa meta de Picone che purtroppo no gà bastado.
Spero che nella prossima i farà tesoro dei errori commessi in questa.
Tutto questo xe solamente un'opinione de mi che stago apprezzando da poco questo sport e el "chilo" de regole che el gà.

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Lun Feb 11, 2008 12:44 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Come ga giustamente dito Parisse (meritatissimo Man of the match) xe rivado el tempo de vinzer le partide e che l'onor dele armi no xe più suficente.
Ogi l'Italia ga cominciado la partida zogando ben: al primo sbilanciamento (complice un'interpretazione permissiva de l'interferenza in touche de Rolland) ariva una meta che xe più ciapada da l'Italia che zercada dai inglesi; passa poco e un interceto ne punissi de novo (ma de novo l'Inghilterra costruissi poco). L'Italia continua a zogar, pressa in difesa e ga una discreta continuità de zogo in ataco .... e l'Inghiltera? Speta, ciapa un per de fali (pochi in realtà Margherita) e de base zerca de contenir i azuri.

Nel II tempo l'Italia continua a atacar domina nel poseso de bala e anche nel teritorio, ma no riva a passar. Perchè? Per mi la ciave xe nela lenteza de trasmission dela bala, sopratuto de Travagli, che ogi ga anche fato tropi pasagi sporchi e fora misura metendo tropo speso la linea fora posizion: molto meio co l'entrata de Picone. Masi ga continuado a zogar de centro più che de apertura e anche in sto caso xe stado maio ala fine con Marcato in apertura (xe de dir però che Cipriani no iera Wilkinson su cui Masi ga marcado streto e ben).Tuto somato una bona partida, pecà.....

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Lun Feb 11, 2008 7:09 pm Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Son el primo a dir che le pache sule spale no basta più, adesso xe ora de vinzer, comunque l'Italia de Mallett me piasi. La mischia ben o mal xe sempre quela (con l'inserimento de Ghiraldini che me piasi sai, Festucia xe tropo faloso e no ga un grande lancio in touche e Ongaro me par che sia oramai in fase discendente) e xe una sicureza, anche se l'arbitro ghe fis'ciava falo a Castro nonostante fossi plateale che el pilon sinistro inglese no se ligava e lo tirava zò ogni volta... ma nel rugby no bisogna parlar del diretor de gara... Dove semo mancai xe in touche e là xe de capir se iera un problema de ciamade, de saltatori o de lancio... La grande novità xe in mediana e xe vero che più de qualche volta Travagli alzava tropo la bala nei passagi, metendo a rischio el possesso ma sopratuto le corbe dei suoi compagni, comunque bisogna darghe fiducia perciò che el cresi. E comunque drio gavemo Picone che xe anche lui un bon prospeto per el futuro. Magari in cubia con Marcato per ripeter l'acopiata che xe con la Benetton Treviso. Nel fratempo numero 10 zoga Masi, che no gaverà ancora un grande zogo al piede e una grandissima vision de zogo, ma aver un'apertura che placa e va a spazar in ruck come lui, per un omo de mischia come mi xe un gran piazer. E sinceramente no ghe butassi tropo dosso la crose a Bortolussi. El ga comincià a meter dentro i calci piazati e sul calcio stopado riportado in meta la responsabilità xe sua fino a un certo punto: xe robe che sucedi, sopratuto quando come ieri anche le piere saveva che tuti i baloni li calciava lui ed i inglesi lo spetava al varco. Per no parlar del lavor che ga fato Sir Jonny Wilkinson con quel passagin sotoman che ga mandà l'ala in meta. Certo che perder ocasioni cusì, ala fine se se magna le ... man. Adesso tanto per cambiar, doveremo puntar a Galles e Scozia, ma per mi anche coi galeti podemo zogarsela. In sto 6 Nazioni tute le squadre se ga rinovà bastanza e xe stade ricostruide. Anche perchè, a parte l'Inghiltera, xe tute reduci da un mondiale deludente. L'Italia oramai ga finido de esser una piacevole sorpresa, ma xe ora che portemo a casa qualcosa de più concreto dei complimenti e che puntemo a l'otavo posto nel ranking mondiale, che xe benissimo ala nostra portata. Dovemo solo esser più sicuri dele nostre possibilità e tirar fora... l'orgoglio, magari ispirandose ai Pumas argentini che sarà bravi, tecnici, tuto quel che se vol, ma quel grande risultato che i ga avù in Francia xe dovudo per l'80 per cento al grande cuor che i se ritrova.
El grande cuor per esempio che ga el nostro Tronky, che go paura che se va avanti cusì, a zigar e corer su e zò più de quei che xe in campo, prima dela fine del torneo ghe ciaperà el sveiarin...

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Mar Feb 12, 2008 2:44 pm Rispondi citando
Ally
Registrato: 08/09/07 18:06
Messaggi: 14
Località: Barcola




mi no savessi dar giudizi tecnici come chi el rugby lo gioga sul serio...
per cui me limito alle osservazioni de una che se ga avvicinà a questo giogo da poco..
la partida precedente secondo mi gavemo giogà pezo, no savessi dirve perchè, ma questa me ga piasso de più, solo che el giogo, col rivava ben nella loro metà campo, el se perdeva...
e sul serio, lori ga fatto meta sulle uniche due occasioni che i ga avù...
se l'altra volta go criticà bortolussi, stavolta no penso che el problema sia sta lui, i calci no li ga sbaiai (me par, li go guardadi tutti coi oci chiusi... Mad ) e per de + lo go visto anche in un altro paio de azioni....
ma voi che se + bravi de mi, no ve par che con la 'gestion precedente' rivavimo a far qualche contropiede (scuseme el paralellismo calcistico, ma no so se in gergo 'ovale' se disi uguale) in più, nel senso che robertson iera + attivo? con l'irlanda no se lo ga visto proprio, con l'inghilterra me par una volta sola....
Profilo Trova tutti i messaggi di Ally Messaggio privato
MessaggioInviato: Mar Feb 12, 2008 6:55 pm Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Tra i vari modi de dir del rugby xe quel che disi che una squadra xe come un auto: la mischia xe el motor, i trequarti xe i optional... Very Happy O che ghe xe quei che sposta el piano e quei che lo sona... Laughing Questo per far capir che ( a parte le ciolte in giro tra grossi e meze porzioni) el zogo comunque parti dala mischia, che percussion dopo percussion zerca de ciapar teren in verticale (la famosa linea del vantagio) per dopo al momento oportuno verzer el zogo verso i trequarti (median, centro fino a l'ala) che se ciapa tuta la gloria dela meta Very Happy Very Happy Very Happy Ma no xe cusì facile farla rivar fin fora o magari no xe sempre el caso (dipendi dale carateristiche dela squadra che se ga di fronte) e el "contropiede" no xe una tatica del rugby Very Happy Pol capitar qualche interceto, ma no xe una tatica. El zogo nasi tuto dale fasi statiche: touche e mischia chiusa e dopo se pol aver mile schemi per far rivar la bala fora. Robertson xe anche veloce, ma el ga 20 chili bagnà e quindi o el riva a trovar qualche buso o i lo piega come una sdraio. E comunque pol esserghe partide che le ali toca forse due o tre baloni, se i ga fortuna. Xe una carateristica del ruolo. Berbizier ga dado più fantasia rispeto a Kirwan, ma el fazeva el suo compitin e finiva tuto là. Mallett xe uno che credi nel grupo (e se podeva vederlo che l'abraciava e el basava i suoi zogadori ala fine dela partida) e xe questo che pol darne qualcosa in più, perchè el rugby xe el zogo de squadra per ecelenza.

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Gio Feb 21, 2008 1:49 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Concordo pienamente sula gestion Mallett: se vedi che el sta lavorando per costruir e no per far semplicemente risultato e se vedi che el sta costruindo un grupo basado sule persone più che su tecno-taticismi. E ME PIASI TUTO QUESTO perchè rientra in quela vision de rugby che concepisso mi (nel mio picolo).
Su Travagli e Masi, le mie no xe posizioni da giornalista balonistico: son convinto che Travagli se farà, ma per adeso el ga de lavorar su certi momenti de zogo che lo vedi in dificoltà; Picone ga più esperienza de lui e anche più bava de ciaparse quel posto che iera za suo e col xe entrado in campo el ga sbregà-balon pur de meterse in mostra (comunque Travagli me piasi una cifra col zoga in copertura).
Anche per Masi xe question de tempo e son convinto che Mallett el gabi visto ben: resta el fato che zoghemo con 3 centri e solo un che calci per liberar e questo no xe un ben (sopratuto per quel povero Marcato che va in estremo).

Vedemo sabato al Millennium cossa nassi: mi vedessi ben un colpo gobo de l'Italia. La formazion xe stada rimanegiada con Marcato (esordio da titolare) titolare al 15 (per l'infortunio de Bortolussi), Sgarbi (anche a l'esordio da titolare) in ala con Galon (che sarà el probabile calciador de piazadi) e Picone che torna titolare dela maia nr 9 dopo 1 ano e 1/2.
In mischia Perugini se scambia le parti col Barone e parti titolare (e taticamente me par una bona mossa) e soprtuto TORNA IN CAMPO BORTOLAMI: anche se el parti sentado in panca, el carisma de un capitan se senti (senza tirarghe via niente a Parisse che xe un otimo leader nele prime due partide).
Tuto somato la formazion me piasi e la xe ben calibrada per el zogo galese.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Sab Feb 23, 2008 5:35 pm Rispondi citando
Ally
Registrato: 08/09/07 18:06
Messaggi: 14
Località: Barcola




la jera cominciada cussì ben...

cosa xe successo oggi?
speremo che nei ultimi minuti i gioghi un poco mejo perchè qua i ne sta portando a spasso....
Crying or Very sad
Profilo Trova tutti i messaggi di Ally Messaggio privato
MessaggioInviato: Dom Feb 24, 2008 11:54 am Rispondi citando
margherita
Registrato: 25/12/05 19:43
Messaggi: 3072
Località: Trieste




GALLES - ITALIA 47 - 8

Che botta.!
Pecà perchè el primo tempo me se parso abbastanza discreto, o forsi i gallesi no gaveva ancora ciapado el ritmo.!
Anche se Marcato gavessi centrado i due calci piazzati no saria cambiado niente, e per mi el gà fatto una bella partida.
El secondo tempo iera come se i gavessi perso la concentrazion.
Adesso mi ghe chiedo a Kangaroo xe forsi colpa de come gà formado la squadra Mallet ?
L'importante xe che i devi mantener l'entusiasmo e zercar de guarir i problemi della partida.
Me gà dispiasso tanto ma gò avudo una grande soddisfazion: l'Inghilterra gà battudo la Francia.!!!

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Lun Feb 25, 2008 12:45 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




La partida xe stada un sorta de dito ne l'ocio.
Per rasicurarte, Marg, la formazion la gavevo leta sul sito dela federazion e Mallet no me consulta al mercoledì per sentir cossa panso dela pardida de sabato.
Comunque, la xe andada e la xe andada mal e no parlo dei punti ciapadi, la xe andada mal perchè i xe croladi psicologicamente. Per una squadra in fase de formazion pol starghe la sconfita (ala Francia de sera xe sucessa la stessa roba), ma un crolo de concentrazion simile xe poco amisibile. La meta de Shanklin su interceto e el cartelin de Mirco ga messo fora de testa tuti: pecà perchè el primo tempo malgrado i capeloni nei pasagi e i 2 pai de Marcato, no xe stado tuto de butar via. Consolemose con le bele robe viste: un bonissimo Marcato messo a zogar estremo e ancora meio in apertura ala fine, un Masi un poco più apertura (poco), un ..... bon basta cussì, se no i se monta la testa......

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Gio Feb 28, 2008 6:37 pm Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Aussie Kangaroo ha scritto:
La partida xe stada un sorta de dito ne l'ocio.


E proprio per un dito ne l'ocio Mauro Bergamasco se ga ciapà 13 stimane de squalifica... Da una parte me dispiasi perchè xe un bon zogador, da l'altra son contento perchè el iera recidivo e i lo spetava al varco. Per quanto pol esser stà provocado, un'atleta a quei livei (ma gnanche a quei più bassi...) no pol permeterse de far una roba simile. Xe fora dai codici del rugby e xe sai poco furbo... Per regolar i conti xe molti altri modi, più regolari (o almeno più toleradi...) e meno vigliachi. Xe meio un pugno n'tel muso (e ghe ne capita in partida, ma finissi là) che ficarghe un dedo ne l'ocio a un aversario, anche perchè el gavessi podù farse veramente mal, se non adiritura perder la vista. El se ga pentì e per questo la squalifica xe contenuda, speremo solo che el gabi imparà la lezion, perchè con certe furbade el rovina tuto quel che de bon el fa prima.

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Gio Feb 28, 2008 7:24 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Certo che me dispiasi anche mi che Bergamasco gabi ciapado 13 settimane de squalifica perchè colla Francia e non solo el gavessi sicuramente aiutado , però voio pensar che no sia stado proprio tanto intenzionale el suo gesto altrimenti el se saria messo alla stessa stregua dei giogadori de balon che no gà neanche ombra dell'etica che vigi nel rugby.

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Ven Feb 29, 2008 6:05 pm Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Xe stà intenzionale ecome! E ripeto, bravo zogador, ma xe un dei suoi difeti andar ogni tanto oltre le regole e per questo el iera tegnudo de ocio. Byrne no xe un stinco de santo, ma no xe scusanti per certi gesti. Oltretuto Bergamasco oltre la ca..ada el ga anche disertà el saluto finale e questo dimostra la frustrazion e la mancanza de controlo. La diferenza col balon xe che i stessi tifosi quando un proprio zogador fa un bruto gesto su un aversario xe i primi a condanarlo (vedi i Irlandesi un per de ani fa co ga fisc'ià el proprio capitano Brian O'Driscoll per un placagio al colo sul nostro Griffen...). El rugby comunque xe el zogo de squadra per ecelenza e per quanto possi esser bravo Bergamasco, la sua assenza non poderà pesar più de tanto. Oltretuto sarà un ocasion per Mallett per provar qualche alternativa anche in mischia, visto che comunque questo xe un 6 Nazioni de transizion (come anche per quasi tute le altre squadre) tra un ciclo ed un altro e bisogna tentar de alargar la rosa più possibile perchè se volemo restar a certi livei no podemo contar sempre sui soliti 20 zogadori.

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Gio Mar 06, 2008 12:53 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Superando el bruto gesto de Mauro (ingiustificabile), per domenica la formazion conferma più o meno la linea de Mallett: torna Robertson (dopo l'infortunio) al posto de Sgarbi e Bortolami al poto de Della Pè; Zanni titolare, Lo Cicero anche e Perugini in panca con Nieto e Ongaro. Ala fine me piasi la conferma de Marcato a estremo e de Picone dal primo minuto.
Sarà de veder l'esordio de Erasmus, sudafrican de nascita e formazion, italian per matrimonio che ben ga fato fin ora co la nazionale A.

La partida xe in salita, ma niente xe imposibile: anche la Francia xe in una fase de rinovamento e ala fine i azuri podessi anche far el colpo gobo a Parigi. Speremo solo che sia bon rugby.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Gio Mar 06, 2008 7:54 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Saria meraviglioso se rivassi el colpo gobo, come che te disi ti, ma no voio sbilanciarme, no voio neanche sperar ma....te se immagini se per caso............!Cmq forza Italia con un bellissimo rugby.! Very Happy

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Sab Mar 08, 2008 9:06 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Gò visto l'incontro tra Irlanda e Galles e i Gallesi gà vinto con una grinta e un giogo veramente forte, anche se i gà avudo due cartellini gialli i gà fatto una partida per mi super e pensar che i xe rivadi a tenerla bala per 6 minuti de seguito.!
Nella partida seguente la Scozia gà battudo l'Inghilterra bella partida anche quella e la Scozia gà meritado de vinzer perchè me gà parso che l'Inghilterra fossi un poco sotto tono.
E adeso spetemo l'Italia con la Francia............................... Confused Confused Confused

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
RUGBY - 6 NAZIONI 2008
Indice del forum » basket,rugby,calcio e altri sport
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 2 di 3  
Vai a pagina Precedente  1, 2, 3  Successivo
  
  
 Nuovo Topic  Rispondi  
Forumer.it © 2015