TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » basket,rugby,calcio e altri sport » Campionato del mondo de rugby 2007 Vai a pagina Precedente  1, 2, 3, 4, 5, 6  Successivo
Nuovo Topic  Rispondi Precedente :: Successivo 

Chi vinzi sto ano?
Argentina
0%
 0%  [ 0 ]
Australia
33%
 33%  [ 3 ]
Francia
22%
 22%  [ 2 ]
Inghilterra
22%
 22%  [ 2 ]
Nuova Zelanda
11%
 11%  [ 1 ]
Sudafrica
11%
 11%  [ 1 ]
Una dele altre
0%
 0%  [ 0 ]
Voti Totali : 9

MessaggioInviato: Lun Ott 01, 2007 1:16 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




I sbagli de Bortolussi no xe stadi fati su calci facili da piazar, ma su calci che iera ala sua portata: se podessi paragonar la situazion al basket, dove un zogador esperto nei tiri de 3 punti se meti a tirar da 2-3 metri prima dela linea dei 6,25 e che de solito riva imbaiocarla, ma che stavolta la bala che gira per 3 volte sul cercio del canestro.
A parte i sbagli ai piazadi, Bortolussi ga zogado ben ieri sera, anche perchè i scozzesi xe stadi raramente un pensier per la difesa italiana. Pez (che xe anche un piazador) no xe a l'alteza sua come percentuali de realizazion e nela serata de ieri saria stà ancora più impreciso, anche se forsi el gavessi risciado de meno, evitando de provar tropo de lontan. Comunque aver giogadori come Bortolussi xe una scelta che i alenadori fa o no fa: se alegerissi el pacheto aretrado per garantirse una 15 de punti coi calci per partida, altrimenti bisogna trovar un 3/4 che te garantissi almeno 3 mete al posto dei calci che nol piazza (e la prima soluzion xe la più atuabile, credime).

Troncon mola la nazionale perchè a 34 ani xe dura continuar a un certo livel: el ga dado tanto e xe rivado per lui el momento de la gloria, perchè finir come che ga finido lui, zogando una partida come quela de ieri sera e segnando anche una meta xe forsi la coronazion ideale dela sua cariera in nazionale (... dacordo saria stado meio saludarlo ai quarti de finale ....). Adesso se va avanti e dopo de lui xe chi che lo rimpiazza nel ruolo (l'aspeto più facile de rimpiazar), ma anche nel carisma in spogliatoio; no stemo dimenticarse che insiema a lui la nazionale ga Bortolami (un che ga un carisma tale da rivar in Inghiltera a zogar e de diventar subito capitan nel suo novo club) e Mauro Bergamasco che nel dopo partida ga fato veder che dopo Tronky lui xe pronto a trascinar la squadra se servi. Adesso xe solo de veder come anderà con Mallett (che per inciso conossi ben propio i Bergamasco, avendoli alenadi a Parigi in sti ultimi ani), ma credo che el lavor fato no xe sprecado e che adesso xe solo che de cresser.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Lun Ott 01, 2007 7:59 pm Rispondi citando
Ally
Registrato: 08/09/07 18:06
Messaggi: 14
Località: Barcola




Aussie Kangaroo ha scritto:
I sbagli de Bortolussi no xe stadi fati su calci facili da piazar, ma su calci che iera ala sua portata: se podessi paragonar la situazion al basket, dove un zogador esperto nei tiri de 3 punti se meti a tirar da 2-3 metri prima dela linea dei 6,25 e che de solito riva imbaiocarla, ma che stavolta la bala che gira per 3 volte sul cercio del canestro.
A parte i sbagli ai piazadi, Bortolussi ga zogado ben ieri sera, anche perchè i scozzesi xe stadi raramente un pensier per la difesa italiana. Pez (che xe anche un piazador) no xe a l'alteza sua come percentuali de realizazion e nela serata de ieri saria stà ancora più impreciso, anche se forsi el gavessi risciado de meno, evitando de provar tropo de lontan. Comunque aver giogadori come Bortolussi xe una scelta che i alenadori fa o no fa: se alegerissi el pacheto aretrado per garantirse una 15 de punti coi calci per partida, altrimenti bisogna trovar un 3/4 che te garantissi almeno 3 mete al posto dei calci che nol piazza (e la prima soluzion xe la più atuabile, credime).


assolutamente no son nella posizion de no crederte! Mad
anzi, grazie che te me spieghi, visto che mi sto giogo praticamente no lo conosso e ogni tanto co l'arbitro fiscia e ferma tutto, me domando: ma perchè?!?!?!?!
Profilo Trova tutti i messaggi di Ally Messaggio privato
MessaggioInviato: Mar Ott 02, 2007 12:23 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Te dirò, ogni tanto me lo domando anche mi..... Mad

Disemo che de base l'arbitro nel rugby interompi el giogo perchè el giogo possi continuar (ad esempio co el balon xe stado afossado e no'l pol più uscir de una mischia) o perchè una dele 2 squadre ga fato antigioco; considera che una dele basi fondamentali del rugby xe el rispeto del zogo (anche aversario) e quindi chi cometi azioni finalizade a l'antigioco vien punido. Purtropo spesso xe de valutar le intenzioni e alora el compito de un arbitro diventa dificile, perchè se basa su l'interpretazion de frazioni de movimenti e anche se a quel livel i xe bravoni, ogni tanto i canna le fisciade (i zogadori in campo, però, aceta sempre le decisioni senza fiatar - principio del rugby).

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mar Ott 02, 2007 9:36 am Rispondi citando
margherita
Registrato: 25/12/05 19:43
Messaggi: 3072
Località: Trieste




Visto che son anche mi alle prime armi, gò approfitado delle delucidazioni che Aussie ghe gà esposto a Ally x capir qualcosa de più, grazie Aussie.
Quel che me vien spontaneo de dir xe : che bei principi che gà el rugby.!

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Mer Ott 03, 2007 1:23 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Penso che xe i principi su cui se basa qualunque sport de contatto: vedi le arti marziali o il pugilato, se no sussisti el rispetto, la disciplina e una solida base de principi, fussi solo incontri tra macellai.
Una dele robe che me xe stade insegnade per prime co gavevo cominciado a zogar de muleto xe stado propio che a far fali stupidi a l'aversari se paga imediatamente: te zoghi duro ma coreto, i aversari farà altretanto, ma se te fa el mona, i aversari (sopratuto co i xe pù forti) i te la farà pagar sazio.

Se ai fioi che zoga se ghe insegna el rispeto, quasi sicuramente co i sarà zogadori adulti quele lezioni vegnerà fora.....

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Gio Ott 04, 2007 10:27 am Rispondi citando
margherita
Registrato: 25/12/05 19:43
Messaggi: 3072
Località: Trieste




E credo che sicuramente quelle lezioni no vegnerà fora solo coi sarà zogadori adulti ma anche nei rapporti quotidiani con le altre persone .! Very Happy

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Dom Ott 07, 2007 11:21 am Rispondi citando
margherita
Registrato: 25/12/05 19:43
Messaggi: 3072
Località: Trieste




Me par impossibile : i All Blacks xe fora e anche l'Australia .! Evil or Very Mad
Ma cosa xe successo ? Dopo circa venti minuti i All Blacks vinzeva x 13 a 0 e pareva che la partida fossi quasi chiusa, ma come xe possibile che la Francia gabi avudo una rimonta tale da mandarli fora ? Shocked
Anche l'Australia scartazada dall'Inghilterra solo x due punti anche ela , pecà se andava a segno el calcio piazzato l'Inghilterra iera fora.!

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Dom Ott 07, 2007 9:38 pm Rispondi citando
capitanbumba
Registrato: 13/04/06 12:54
Messaggi: 162
Località: Shangri-La




Mmmm , wallabies mandai fora dai fantasmi inglesi... Crying or Very sad Embarassed Wink Neutral Aussie, dove te son sparì? Luto nazionale? Ara che la copa resta in Europa... Smile

_________________
"An eye for an eye will make us all blind"
Profilo Trova tutti i messaggi di capitanbumba Messaggio privato Invia email HomePage
MessaggioInviato: Lun Ott 08, 2007 12:14 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Ieri no iero in condizion de comentar niente (son crolado de sono...)

Comunque 4 partide, 4 storie diverse.

Australia-Inghilterra: eco una partida dove chi ga meritado de perder ga perso. Prima de cominciar la partida i australiani saveva za come che gaveria zogado l'Inghilterra, una sorta de non-gioco basado sul spetar l'indisciplina dei aversari, ralentando el zogo e sperando nel solito Wilkinson. Nianche la sua imprecision ga bastà ai mii canguroni, però! A sprazi i ga fato quel che saria servido, zogo veloce con spostamenti rapidi de una parte a l'altra del campo, pression in difesa (sopratuto sula prima trasmision Gomarshal-Wilkinson e ritmo alto de partida. Purtropo per i oro-verde i se ga ricordado de far ste robe a sprazzi. I saveva che per i inglesi l'unica speranza iera abasar el ritmo de zogo e i ghe lo ga lassado far: IMPERDONABILE!. Sbagliadi anche i cambi australiani rivadi tuti tropo tardi, sopratuto quel de Drew Mitchell (l'unico forsi che podeva darghe el ritmo giusto ala partida de l'Australia. Un'Inghilterra senza zogo ,ne ritmo e nianche idee aproda ala semifinale: i ga senza ombra de dubio dimostrado che el rugby ani 70 xe ancora de moda.

All Blacks-Francia: altra partida altra storia. La Francia ga strameritado de vinzer: i ga fato quel che nessun se gavessi aspetado (meno de tuti i AB), i ga cominciado ad atacar l'invicibile armata. I poveri neozelandesi che iera pronti a zogarse un'altra partida de riscaldamento, con un aversario sula difensiva a contenerli sperando de far qualcossa in contropie, no ga savudo reagir al sciame de francesi che li atacava come vespe de tute le parti, i se ga confuso e ala fine i ga perso lucidità. E senza lucidità no servi ciamarse nè McCaw, nè Carter, nè in nesun altro modo, senza lucidità no se zoga sereni. L'avanti de l'ultima meta francese xe un episodio (anche se i giornalisti Sky ga roto le bale 2 giorni): i AB ga perso perchè dopo quel avanti i iera in 4 per placar un francese e nessun de lori saveva chi doveva farlo, i ga perso perchè i doveva preparar la base per un drop o per ciaparse una punizion e inveze i zercava de segnar una meta. Insoma i All Blacks ga butado ale ortighe 4 ani de preparazion superspecializada su tuti i aspeti de sto mondiale francese; l'unica roba che no'ì se ga preparado ad afrontar iera una squadra che, da una posizion de debolezza, li gavessi agredidi. Bastava che i pensi che le maie sia de color diverso (oro-verdi o verde-arancio) e forsi i saria rientradi in partida. Grande merito ai francesi che i se ga leteralmente conquistado la semifinale (tra parentesi, viste le maiete dei neozelandesi, se pol tranquilamente dir che i francesi li ga fati neri Very Happy - adesso la Nike dovessi impostar una nova campagna publicitaria in risposta a quela dela Adidas: RIEN C'EST IMPOSSIBLE)

Dopo ste 2 partide risolte da l'abilità (o l'imbecillità) dei alenadori, ogi gavemo visto zogar veramente. Sudafica-Fiji podessi sembrar dal puntegio una partida scontada, inveze la xe stada in equibrio fin a pochi minuti dal fine. Fiji ga zogado el suo rugby, duro e veloce, dove el dinamismo fa corer la bala su un fil de equilibrista tra le mani dei fijiani in un continuo de pasagi e penetrazioni. I Boks ga soferto: i fijiani li ga anche afrontadi apertamente sul loro campo, la mischia e solo ala fine i ga cedudo. Ma la dimostrazion de orgoglio che i polinesiani ga mostrado segnando 2 mete in inferiorità numerica xe qualcossa che trascendi anche la qualificazion ala semifinale, xe la dimostrazion che se se vol qualcossa, niente xe impossible, basta far quel che se sa far ben, e le robe riessi de sicuro.

Stasera infine Argentina-Scozia: forsi i Pumas ga soferto più del necessario, ma difronte i se ga trovado una Scozia che finalmente ga mostrado un poco de orgoglio, no tanto zogo, ma tanto orgoglio si. I Pumas xe stadi grandi per 3/4 de partida e i gavessi meritado de concretizar de più, ma el zogo xe cussì e ala fine forsi xe salida un poco de paura de vinzer Comunque una partida vibrante e emozionante con tanti cambi de possesso-bala. Inguardabile la difesa scozzese, ma un miglioramento in fase ofensiva ghe xe stado: qualche dubio sula meta scozese (un zogador da dentro la mischia tratien Pichot impedindoghe de chiuder el coridoio), ma ala fine passa meritatamente i Pumas.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Lun Ott 08, 2007 12:39 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




AH SI! E LE SEMIFINALI?

Francia-Inghilterra: dopo aver batudo i All Blacks, i francesi sarà gasadissimi e i sarà anche strassinadi dal publico del S.Denis: basta che no i se infanghi nel non-zogo lezioso dei inglesi e no i dovessi aver problemi de rivar in finale.

Springboks-Pumas: qua le robe se complica. Xe sicuro che i Boks xe più esperti e più quotadi, ma l'Argentina ga un potenziale enorme; sul zogo dei avanti le squadre xe sostanzialmente ala pari (forsi la touche sudafricana xe un poco superiore), ma secondo mi la forza de penetrazion argentina sui 3/4 xe sicuramente meio. I più i Pumas adesso no i ga più de dimostrar niente a nissun: i xe in semifinale, i xe tra le 4 squadre migliori al mondo e i pol anche perder la semifinale senza perder la facia. Per i Boks inveze xe el contrario: lori ga propio de dimostrar chi che i xe e cossa i pol far per vinzer la copa del mondo. Forsi questa sarà la vera ciave dela partida....

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Lun Ott 08, 2007 11:07 am Rispondi citando
margherita
Registrato: 25/12/05 19:43
Messaggi: 3072
Località: Trieste




Anche l'Argentina gà battudo i Boks , da quel che gò capido neanche questo no iera mai successo, però che rivoluzion che xe avvenuda in questi mondiali .! Pecà forsi podeva esserghe anche l'Italia.!

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Lun Ott 08, 2007 11:49 am Rispondi citando
Ally
Registrato: 08/09/07 18:06
Messaggi: 14
Località: Barcola




urka!
gavè visto? ieri i ga mostrà al tg i francesi che festeggiava perchè i ga batù i neozelandesi....
sembrava i gavessi za vinto el mondiale...
desso me par de capir che la finale poderia esser francia - argentina?
Profilo Trova tutti i messaggi di Ally Messaggio privato
MessaggioInviato: Mar Ott 09, 2007 12:01 am Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Disemo che xe una dele finali possibili.

El fato de festegiar perchè se ga batudo i All Blacks xe dovudo al fato che baterli xe propio dificile: solo 5 nazionali e 2 selezioni internazionali (Lions britannici e World XV) ga rivado baterli e nessuna nazion riva a gaver un bilancio in paregio tra vitorie e sconfite con lori.

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Sab Ott 13, 2007 11:48 am Rispondi citando
margherita
Registrato: 25/12/05 19:43
Messaggi: 3072
Località: Trieste




Mi no so voi ma mi stasera farò el tifo x l'Inghilterra, visto che in tutti i campi la Francia me xe cordialmente antipatica.! ....i stà zà festeggiando..!

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Sab Ott 13, 2007 9:46 pm Rispondi citando
macondo
Registrato: 03/12/05 22:37
Messaggi: 344




margherita ha scritto:
Mi no so voi ma mi stasera farò el tifo x l'Inghilterra, visto che in tutti i campi la Francia me xe cordialmente antipatica.! ....i stà zà festeggiando..!


Fatto!!! Inghiltera in final Smile Smile Smile

What about that?
Profilo Trova tutti i messaggi di macondo Messaggio privato
Campionato del mondo de rugby 2007
Indice del forum » basket,rugby,calcio e altri sport
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 4 di 6  
Vai a pagina Precedente  1, 2, 3, 4, 5, 6  Successivo
  
  
 Nuovo Topic  Rispondi  
Forumer.it © 2015