No so se ve ricordè: quando la giunta Illy ga cominciado a pedonalizar via Dante, via santa Caterina, via san Lazzaro, iera sucesso el finimondo, sia da parte dei comercianti che diseva che no i lavorerà più, che dala destra che ga fato un casin de mati per mesi. Adeso ghe ciapa smanie de chiusure totali (no solo el corso ma anche via Mazzini), e anche i botegheri ingruma firme. Bho xe qualcosa che me sfugi, no rivo capir!!!
si, no se ga capì ben...forsi i sniffa de meno ......(o de più )
Credo che la spiegazion xe abbastanza semplice : i botegheri diseva che se no passava macchine lori no vendeva niente, inveze i se gà accorto che se inveze de macchine passa pedoni i vendi de più e alora abbasso le macchine evviva i pedoni no ve par ? ovviamente i problemi del traffico no ghe interessa per niente, basta guadagnar , e alora daghe sotto cole firme.... e i xe za a bon punto !
_________________ Nessuno diventa sapiente per puro caso (Seneca)
Inviato: Lun Nov 27, 2006 12:51 pm
micel
Ospite
e dopo quel che te ga scrito te vol dirme che no' i sniffa?
Vara che me ricordo ben i casini che i ga impiantà co'la pedonalizazion de via san Nicolo...
xe sta un dei tanti esempi de provincialismo de cui xe vittima 'sta cità
ma pensè che el Piano Traffico vien rimandà all'infinito solo perchè gavemo un sindaco trapoler?....no stemo pecar de ingenuità , per favor
La tendenza per tuto el mondo xe de pedonalizar le aree "downtown o city centres." La tendenza xe anche de cominciar a render el trafico NON pi facile ma PIU" DIFICILE e scomodo, in maniera de forzar la gente a usar i mezi publici. Stuttgart, per esempio, dalla Schloßplatz se pol far un cercio de un kilometro de diametro e no xe altri automezi che emergenza e, nele retrovie rifornimenti. Nela cità se respira, se ga un belisimo senso de ritrovo de familia quasi. Fa piazer andar zo, sentarse ad un bar o l'altro, fora senza sentir i urli dele motorete e respirar el di esel, i fumi del oio e dela benzina brusada, senza gnanche parlar de no gaver paura de finir in ospedal con do' striche che traversa le gambe e el peto.
Se xe una roba che ga rovinado - leteralmente ridoto la cità in un enrme forsenado chaos, rovinà la beleza dei viali e dele viuze e con quel anche el spirito dela cità xe el trafico. Perchè? In una citadina che xe un francobolo, dove che se pol andar a pie da un canton al'altro in mez'ora gavemo bisogno de riservar ancora più vie al trafico?
El mondo sta deteriorando da giorno in giorno apunto a causa del ecesivo uso del'automobile. Metemoghe i freni.
P.S. Me meterò contro el muro, pilito sentado, ligado al schenal dela carega e poder far quel che volè, ma ve domando solo de rifleter un due minuti prima de cominciar la sasada. Xe più bel caminar nel area pedonale o in Corso, dove che no se pol gnanche mantegnir in tono de vose normale co'se conversa vizin de un semafor che sta per diventar verde.
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Orso, in linea de principio te ga ragion.
Se le robe fosi fate cola testa alora saria bel aver tuta Trieste centro pedonale.
El fato xe, che se i cava la viabilità al Corso, se intaserà le vie adiacenti, e sarà pezo el tacon del buso.
Purtroppo qua a Trieste i casini vegnerà sempre fora sia che i cavi sia che i meti, le idee ciare no esisti, el piano del traffico el xe fatto alla vai la che la vai bene, "speta che lancemo l'idea, vedemo cossa che vien fora", eppur qualchedun lo gà votado no ?
_________________ Nessuno diventa sapiente per puro caso (Seneca)
Nuova idea : no solo i vol far el corso Italia pedonale ma adesso anche Via Mazzini, tuti i botegheri se gà messo insieme e xe vignuda fora sta proposta..........volè veder che doveremo cior l'elicottero x traversar Trieste?
E intanto "qualchedun" se diverti in bilico sui pattini in p.zza Verdi !
_________________ Nessuno diventa sapiente per puro caso (Seneca)
Go pena visto la foto del "patinator" sul Picolo - de no saver se rider o pianzer...
go visto la scena ieri sera in TV....
pareva Ciano Mitraglia, co'l girava pe'l rion insiema ala moglie...
....carigo come una mina el se guantava su de ela
...solo che lui jera un marcantonio, e nel rolar, se la tirava drio
povera dona, coss'che la ga pianto con quel omo....
Orso, in linea de principio te ga ragion.
El fato xe, che se i cava la viabilità al Corso, se intaserà le vie adiacenti, e sarà pezo el tacon del buso.
Salve, isole pedonali, e fin qua tuto bel e bon, ma strade de scorimento per come che xe fata 'stà cità devi esser........via Carducci, Corso, marina, no se pol miga serar tuto.
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 2 di 3Vai a pagina Precedente1, 2, 3Successivo
......(o de più 
)
