TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » poesia e prosa triestina » Gò fato un audio-libro de poesie in triestin Vai a pagina 1, 2  Successivo
Nuovo Topic  Rispondi Precedente :: Successivo 
Gò fato un audio-libro de poesie in triestin
MessaggioInviato: Mer Giu 28, 2006 7:59 am Rispondi citando
El poeta
Registrato: 26/06/06 13:04
Messaggi: 27
Località: Trieste




Ciao a tute e tuti,

volevo segnalarve che in 'sti mesi go fato un audio-book, un libro parlado, o mejo, recitado, con sotofondo de musiche originali, con 30 poesie in triestin da mi scrite, su vari argomenti, fra cui la terza età, la solitudine, l'amor, i animali, i sentimenti, i caduti per la libertà, la zità e altro... se ciama "Trieste: zità de veci? ...No! de zente vissuda!"
In Corso Italia, 29 a Trieste, go alestido una vetrina (per chi vol passar a veder e sentir...) dove va in continuo tuto el giorno, i video dei spetacoli recital (le poesie recitade e no lete, con musiche e video a tuto fondal, un bel spetacolo! diverso dale presentazioni tradizionali) che go fato ala Sala Bartoli del Rossetti, in aprile, (un successon!!!) e po' ala Minerva, ala Panta Rhei e ala Sala Rovis dela Pro Senectute... gà zà parlado de sto progeto de sensibilizazion per aiutar a comprenderse e a comprender, Rai Tre e Tele4, el Piccolo e Arte&Cultura, xe una bela recension sul numero de aprile a pag.10. In vetrina xe anche un bel plastico de l'interno de un teatro con palcoscenico, e la miniatura de iun'edicola, 'ssai, 'ssai cocola! Me piasessi che chi passa a vederla me dassi un suo parere, sopratuto se se capissi coss'che la rapresenta, no xe un negozio, el jera prima, de un fotografo, 'desso xe solo una vetrina fra Arbiter e Calzedonia, che go afitado per poder mostrar a più zente 'sto lavor che go fato... qua 'desso metterò una poesia, zusto per render l'idea... spero de aver presto vostri comenti! Femo in modo che anche el dialeto triestin possi varcar la solia dela region, in Italia ghe xe zà tanti dialeti fora, el napoletan, el roman, el sicilian, el sardo, el veneto, el furlan e via... no vedo perché anca el triestin no pol girar per l'Italia!!! Deme una man muli e mule, 'desso che son 'rivà a 50 ani go deciso de darme de far perché anca Trieste gabi el suo posto nel resto de Italia e del mondo! Xe facile far venir qua la zente organizando "concertoni" con artisti famosi, ma cussì, i vien qua per Trieste o per i cantanti??? Alora per far venir qua la zente a veder e conosser Trieste, portemo fora Trieste e el nostro pensier che xe più internazionale de tanti altri, e cussì la zente de fora se incuriosirà e almeno vegnerà per la zità e per la nostra vita... Un abracio forte a tute e e tuti!
Grazie per l'atenzion!

El poeta
Emmanuele

ecco un asagio de poesia:

02. Picia mia
Te tegno nel cuor picia mia
te tegno drento de ‘sta poesia
te tegno sempre con mi
anca co son ‘ssai lontan de ti
Masìno chilometri a nastro
per vignir fora a trovarte
masìno chilometri a nastro
che me par d’esser fora de mi...

Gò fato del fato virtù
svolando de fato più su
de un cocal sora el mar
che col vento felize se meti a zogar
de spetar gò fato anca un’arte
ma el limite ormai xe alle porte
e no servi che coro più forte
perché el tempo no cori con mi...

Fedele ti là te me speti
fazendote sempre più bela
e mi, stando distante,
sofro le pene de un povero amante
chi xe là, con ti, pol goderte
mentre mi vivo solo de trasferte
chi xe là, con ti, pol vederte
su quel molo, a San Zusto, su per l’erte

Masìno chilometri a nastro
e per poco no combìno un disastro
oramai son vizin stago rivando
te vedo vignirme incontro,
come sempre, da quanto?
come sempre nella tua frescheza
con la bora, si, che te acareza

Coi coli e col mar tuto intorno
starò con ti finché la note se fa zorno
caminando in silenzio per le tue vie
sconfizendo tute le mie fobie
da triestin fato e finido
in esilio ormai da tropo tempo
con nel cuor sempre sto tormento!
sempre sto tormento,
sempre sto tormento...

p.s. l'audio-book xe zà in più de trenta edicole del centrocità e qualcossa in periferia e in quatro librerie, la Fenice, la Minerva, la Saba e la Nero su Bianco de via Oriani, che lo gà messo anca sul sito www.nsb.it online.
Profilo Trova tutti i messaggi di El poeta Messaggio privato
MessaggioInviato: Ven Giu 30, 2006 1:00 am Rispondi citando
micel
Ospite




_______________________censura


Ultima modifica di micel il Sab Feb 09, 2008 2:33 am, modificato 1 volta in totale
Eco el link per trovarlo
MessaggioInviato: Ven Giu 30, 2006 7:39 am Rispondi citando
El poeta
Registrato: 26/06/06 13:04
Messaggi: 27
Località: Trieste




Janos ha scritto:
www.nsb.it...no lo trovo( l'audio-book)


Janos ha scritto:
www.nsb.it...no lo trovo( l'audio-book)


Ciao Janos,
inanzituto grazie per l'interesamento!
Co te son sul sito www.nsb.it te cliki su Poesia nel'elenco de sinistra, dopo te va su rucerca libera in alto a destra, te scrivi dentro là del titolo la parola veci? poì te ghe cliki che el zerchi e alora vien fora el titolo del'audio-book, comunque te lo trovi nele edicole in centrocità, pz.Goldoni, pz.Republica, largo Riborgo o piaza Malta, via valdirivo, via s.caterina (el tabachin) via batisti (tute e tre) via giulia di fronte el giardin publico, largo giardino, via giulia in tre-quatro posti, rotonda del boscheto, piazal Gioberti al capolinea dela 9 a s.giovanni, e poì anche in stazion dentro dove che xe i binari, in pz. tra i rivi a roian, in via udine prima del bivio con via barbariga, al'entrata de san sergio, ecc. cussì te pol vederlo diretamente, el ga in copertina un belissimo quadro dela nostra pitrice concitadina Annamaria Ducaton, Musica dal Cosmo, el xe belissimo!
Te ringrazio ancora e sapime dir, ok? Se certi posti no lo ga, dime che provedo a mandarghelo,
un abracio!
El poeta
Emmanuele

p.s la pagina de nsb dovessi venir fora qua in 'sto link
http://www.nsb.it/Shop/SchedaPro.php?&IDSort=0&IDREP=1&IDAttr1=0&IDAttr2=0&IDAttr3=0&IDAttr4=0&azione=cerca&titolo=veci?&CodProd=TRIESTEZ
Profilo Trova tutti i messaggi di El poeta Messaggio privato
Re: Eco el link per trovarlo
MessaggioInviato: Mar Lug 04, 2006 6:17 pm Rispondi citando
El poeta
Registrato: 26/06/06 13:04
Messaggi: 27
Località: Trieste




Un'altra poesia per voi...

06. DRENTO LA VETRINA

La varda una vetrina,
mile colori e mile robe sparse,
dove jera tuto questo?
co jero zovine, la pensa...
e un refolo de bora
la fa un poco trabalar,
per fortuna la gà le borse
a farghe de zavora,
ormai xe zà do ore
che la xe ‘ndada fora
e ‘desso xe ora de rincasar,
el corpo scominzia a moverse,
seguindo i pìe che va,
ma i oci, xe ‘ncora fermi là...
...drento la vetrina,
là, la gà lassà un saco de ricordi
de quel che jera e de quel che no xe stà...
co la jera muleta
ben altri jera i svaghi
e i gaget no esistiva
jera za bon se jera de magnar
e, dopo zena, la sera zà finiva...
Altro che ‘desso!
Celulari, compiuter, television...
e chi più gà, che più ghe meti
viva là e po’ bon!
Le sere xe più longhe,
le noti senpre più curte,
tropi pensieri e poco dormir,
ma prima o dopo, se smeti de sofrir!
cussì, almeno, la pensava
co la jera putela,
co i muli, che ghe coreva drio,
con ela no fazeva tela,
e ‘desso? Cossa la darìa?
Per no esser più sola
e no aver solo la television
che la consola...
zerto, a saver prima le robe,
forsi se farìa un’altra vita,
podèr salvarse un poco de energia,
pei tempi futuri...
e anca de compagnia
pei tempi più duri...
Intanto, ecola rivada in cusina,
zivola, oio, via col disfrito in tecia,
orca la TV, presto inpizzarla,
xe presto la nova puntata
de quela telenovela,
fra tute le droghe,
questa almeno, no la xe vietada,
ancora,
sì la te inbunbissi la testa,
te rendi insenpiada,
ma almeno le disgrazie, i corni e i luti,
xe dei altri, e i tui passa in secondo pian,
solo un poco però...
fin co xe ora de dormir,
perché là, ala fine, te son sola,
te seri i oci e te se rivedi,
de muleta in su
e no servi proferir parola,
gnanca te podarìa,
perché te gà senpre el nodo in gola...
intanto bonanote a tuti,
pel bonzorno, forsi, doman...

Ciao a tute e tuti,

El poeta
Emmanuele
Profilo Trova tutti i messaggi di El poeta Messaggio privato
MessaggioInviato: Mer Lug 05, 2006 2:03 pm Rispondi citando
andy
aministrator
aministrator
Registrato: 05/10/05 01:44
Messaggi: 831
Località: TRIESTE




bravo emmanuele complimenti davvero, Very Happy Very Happy son contento che te partecipi a questa bela sezion del forum ,grazie
Profilo Trova tutti i messaggi di andy Messaggio privato MSN Messenger
MessaggioInviato: Mer Lug 05, 2006 4:04 pm Rispondi citando
El poeta
Registrato: 26/06/06 13:04
Messaggi: 27
Località: Trieste




andy ha scritto:
bravo emmanuele complimenti davvero, Very Happy Very Happy son contento che te partecipi a questa bela sezion del forum ,grazie


GRAZIE A TI che te me dà l'ospitalità!!! Laughing Laughing Laughing

ala prossima!
Ciaooooo!
Emmanuele
Profilo Trova tutti i messaggi di El poeta Messaggio privato
MessaggioInviato: Sab Lug 08, 2006 11:42 am Rispondi citando
El poeta
Registrato: 26/06/06 13:04
Messaggi: 27
Località: Trieste




Ciao a tue e tuti,
Ve meto un'altra poesia cussì vedemo se me scriverè quakche comento...
grazie...

Se passè per Corso Italia, 29, fra Arbiter e Calzedonia, vardè la vetrina che gà el pano rosso de soto, poderé scoltar le poesie, veder el recital e leger i testi, e veder anche le foto, un plastico de un teatro e de un'adicola... tuto gratis! Cussì ve fè un'idea de coss'che se trata!


19. Le bancarele a Nadal
(trata dal'audio-book "Trieste: zità de veci? ...No! de zente vissuda!")

Varda le bancarele,
quante luzi, quanti colori,
come suffia la bora,
poveri lori,
drio a sti bancati
a spetar la zente
che se riprometi
de comprar tanti doni
de far pei altri
come paremo tuti boni
co ‘riva el nadal
e se mascheremo de bontà
come de maschere
pel carneval…
Dimentichemo spesso
de chi che sarìa la festa
ma tanto cossa importa
con tuto quel
che se gà per la testa….
No importa
de chi che xe el compleano,
dai che presto xe un novo ano!
I propositi xe quasi sempre i stessi
saremo più bravi,
saremo più boni,
se solo se se vedessi…
tuto un corer, tuto un spender,
pien de man da tender
per farse tanti auguri
che finissi i tempi scuri
e intanto nel scuro
qualchidun xe de sicuro
quei che no gà soldi,
che no gà dove ‘ndar
che no gà con chi festegiar
e magari se ricorda mejo
e forsi anca de più
coss’che vol dir pregar…

ala prossima!

Ciaooooo!

El poeta
Emmanuele
Profilo Trova tutti i messaggi di El poeta Messaggio privato
MessaggioInviato: Sab Lug 08, 2006 11:46 am Rispondi citando
micel
Ospite




_______________________censura


Ultima modifica di micel il Sab Feb 09, 2008 2:34 am, modificato 1 volta in totale
MessaggioInviato: Sab Lug 08, 2006 11:54 am Rispondi citando
El poeta
Registrato: 26/06/06 13:04
Messaggi: 27
Località: Trieste




Janos ha scritto:
Poeta, stamatina go visto la tua locandina fora de un'edicola de san Giovanni.

De quel che go capì, te se ga autofinanzià.

PS conossevo un Bonnes, qua in rion...parente?


Sì Janos, xe miei cugini, el nono de mio cugin coetaneo e mio nono jera fradei... Tullio quel che zogava balon e dopo fazeva l'alenador.
Sì, me son autofinanzià, autoprodoto, sperando de poder portar 'vanti sto progeto de sensibilizazion, per quel go fato anche la vetrina, perché chi che vol pol leger, scoltar o veder, gratis, senza comprarlo, perché ghe tegno che se capissi l'intento, quel de comprender sempre de più i altri e noi stessi, per no 'ver compassion, ma comprension!
Te ringrazio ancora per l'ospitalità e per i tui comenti e speremo che almeno fra triestini se rivemo a capir....

Ciau
Emmanuele
Profilo Trova tutti i messaggi di El poeta Messaggio privato
MessaggioInviato: Mer Lug 12, 2006 10:30 am Rispondi citando
El poeta
Registrato: 26/06/06 13:04
Messaggi: 27
Località: Trieste




Ciao a tute e tuti, Very Happy

se passè per sto forum e legè qualche mia poesia, o se passè per el Corso e gavè visto la vetrina espositiva, me dassi un vostro parer, positivo o negativo che sia... se no ve seca... giusto per farme un'idea del lavor che go fato...

GRAZIE a tuti! Very Happy
Ciaoooo
Emmanuele
Profilo Trova tutti i messaggi di El poeta Messaggio privato
MessaggioInviato: Dom Lug 16, 2006 2:58 pm Rispondi citando
El poeta
Registrato: 26/06/06 13:04
Messaggi: 27
Località: Trieste




Per chi che pol interessarghe,
Ve informo che martedì 18 luglio, ale ore 21,00
nel piazal antistante el supermercato Bosco,
in via Paisiello 5/8,
ghe sarà la rassegna estiva del Festival dela Canzone Triestina,
mi sarò ospite verso le 21.30 con alcune poesie che reciterò dal vivo,
me farìa piazer se qualchidun venissi a sentirle...


GRAZIE a tuti! Very Happy
Ciaoooo
Emmanuele
Profilo Trova tutti i messaggi di El poeta Messaggio privato
MessaggioInviato: Dom Lug 16, 2006 3:29 pm Rispondi citando
micel
Ospite




_______________________censura


Ultima modifica di micel il Sab Feb 09, 2008 2:34 am, modificato 1 volta in totale
MessaggioInviato: Dom Lug 16, 2006 3:31 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Vegneria anche mi, ma la canoa me se ga sbusà propio l'altro giorno.

Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Lun Lug 17, 2006 9:26 am Rispondi citando
El poeta
Registrato: 26/06/06 13:04
Messaggi: 27
Località: Trieste




Janos ha scritto:
se 'rivo, vegno.
vara che se no' me piasi...fis'cio. Twisted Evil


Ciao Janos!

del fis'cio? no, credime, no xe ris'cio!!! Very Happy

Me farìa 'ssai piazer se te vien, cussì se conossemo!

Ciao a presto
Emmanuele
Profilo Trova tutti i messaggi di El poeta Messaggio privato
MessaggioInviato: Lun Lug 17, 2006 9:28 am Rispondi citando
El poeta
Registrato: 26/06/06 13:04
Messaggi: 27
Località: Trieste




Ursus Canadiensis ha scritto:
Vegneria anche mi, ma la canoa me se ga sbusà propio l'altro giorno.

Orso


Orpo Orso!
Che sfiga! però se te scominzi a caminar e nudar un pochetin, forsi per una dele prossime ocasioni te 'rivi in tempo... Mad

Ciaoooooo! Laughing
Emmanuele
Profilo Trova tutti i messaggi di El poeta Messaggio privato
Gò fato un audio-libro de poesie in triestin
Indice del forum » poesia e prosa triestina
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 2  
Vai a pagina 1, 2  Successivo
  
  
 Nuovo Topic  Rispondi  
Forumer.it © 2015