TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » c'era una volta ... a trieste » Tociarse e gelarse a tuti i costi
Nuovo Topic  Rispondi Precedente :: Successivo 
Tociarse e gelarse a tuti i costi
MessaggioInviato: Gio Giu 15, 2006 6:07 pm Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




No so cosa xe ,co se xe muleti sta mania te tociarse o a provar de nodar in aque no tanto adate, me riferiso ale bele foto[cortesia Janos] de Percedol ma in particolare in mente vien la dolina de Mercedol che la xe drio il ristorante Daneu sula sdrada verso Repen Tabor... Nel 95 co iero la, la dolina iera coverta de alberi e vegetazion [che xe bon]ma in tempo de guera e bastanza tempo dopo, il posto iera spela de vegetazion... Dal orlo dela dolina un clanz spirale e ripido finiva in fondo dove anca qua xe un lagheto piu ploc che lagheto,ma come muleti rodolavimo o quasi coverti de aqua finivimo a coverzerse con colane de ovi de rana...Dopo piu veceti andavimo a pie a Barcola o in bici a Sistiana...Il clanz dela dolina de inverno iera una pista formidabile per slitar, che prima de finir in fondo, sui lati in curva iera cespugli de more con spini che solo Cristo pol descriver, fortuna ierimo imbotidi te vestiario e solo con aiuto de altri un se liberava del incastro... Un altra curosita de Mercedol xe il fato che dopo la guera i Openci intendeva de costruirse un stadio con il ''udarnisko'' lavor volontario, roba che iera in voga in quei tempi in Jugoslavia, cosi gavemo spela la dolina ancora piu ben ma se vedi ''l'udarnisko ira tropo udarnisko'' e niente se ga fato... A Percedol come a Mercedol de inverno se patinava zogando ''Hochey '' ala consternazion de mio papa, co rovinavo le siole con i morseti dei patini...Che bel saria gaver quela volta i scarponcini de ogi,che ga qua in Canada [che luso!!] Smile Smile Smile

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Sab Giu 17, 2006 1:09 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Alora , un altra mania o ''fascino'' de muleti iera cavai spade soldai ma in particolar armi , prima se faseva fionde qualche arco con frece pistole de legnio ma dopo la ''Borba'' specialmente il periodo te Tito a Trieste gavevimo la scelta de roba vera e micidiale...Armi abandonade de tuti i tipi, fortuna i canonoi 88 dela antiaerea iera sabotai so che sbisigavimo con lori a risco de molar una canonada verso Obelisco...Pero con pistole bombe a man e moscheti mauser , iera un continuo tira segnio [ricordeve gavevo solo nove ani] se pol dir mona deso come quela volta... Smile Smile Dificile a imaginar la preocupazion dei genitori ma chi podeva tenirte in casa con tuto quel sperimentar a far guera quasi vera ...Disgrazie con do muleti morti e ferite varie per il resto de noi, iera inevitabile... Monade che fasevimo ,una iera de spartirse in do bunker in campagnia vicin la centrale eletrica sula strada per Repen pico, l'acordo iera te spararse uno contro l'altro mirando solo sul teto curvo per sentir le bale fisciar e no mirar nei finestrini...Son ancora qua!! Gavevimo bona mira... Un altra iera de rampigarse bastanza alto su tori de alta tension [la linia iera morta] con bombe balila e le breda in verita no le iera tanto pericolose come la sipe o quela col manigo, xe queste ultime che ga copa i do muli , una volta in alto le tori svodavimo camisa o scarsele de bombe fasendo esplosioni bastanza lontan a no farne mal... E la monagine finale [che ogi me da i brividi] iera co go sposta de un posto a un altro fora pie un nido de bombe breda senza sicureza, lasade a posta in un pasagio fra cortil e giardin drio la caserma dela finanza a Opcina... Se iera un scherzo fato con bombe senza detonator che certi muli sai poco piu mone de mi se vantava a saver neutralizar, scosti guardava per saltar fora al momento giusto e farme cagar a doso, no xe suceso niente del genere e per conto mio le bombe iera vive e una breda cosi vicin faseva bastanza dano una decina imagino restava sai poco de mi... Bastava un urto e ''Bona Note''... Perche conportarse cosi ?? I sogatoli de UPIM costava tropo e no iera originali... Smile Smile Smile

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Sab Giu 17, 2006 4:03 pm Rispondi citando
Karolina
Registrato: 06/10/05 10:05
Messaggi: 1354
Località: trieste




dopo una guerra xe normale 'ste robe. Nella exJugoslavia, ogni tanto qualche contadin salta per aria per via de le mine che xe ancora in giro.
Profilo Trova tutti i messaggi di Karolina Messaggio privato
MessaggioInviato: Dom Giu 18, 2006 8:35 am Rispondi citando
servolo
Registrato: 09/10/05 15:55
Messaggi: 2194
Località: trieste




Salve, qua te me gà messo in catura, pol esser che Percedol e Mercedol xe la stessa roba? Mercedol no gò mai sentido, te pol spiegarme i due posti un poco più ben?
Saluti Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Lun Giu 19, 2006 3:17 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Servolo, se trata de do doline Percedol xe sai piu grande e xe quel piu vicin a Repen, Mercedol vien ciamada la dolina che la xe sula stesa strada ma a sinistra quasi in paese , come go dito la xe drio Daneu piu o meno o fra i do Club sportivi quel ''Jadran/ Cisalpina''... Nel 95 co iero la se vedi nasun la usa come ricreazion , bastanza scovaze me ga fato un poco triste ma noi nei dintorni la conosemo come Mercedol [Mrcedou pa nase ] ... Smile Smile

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Lun Giu 19, 2006 8:04 am Rispondi citando
servolo
Registrato: 09/10/05 15:55
Messaggi: 2194
Località: trieste




...........hvala........
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Ven Giu 30, 2006 4:37 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Snopec a Opcina grapa xo in cita... Il vicin de casa gaveva vignie sora Rojan e de muleto ghe davo una man ala vendemia ... Fato il vin, Vitorio con un poco dei resti se faseva '' grapa ''... Tropo forte per mi ma lori adulti se lecava i mustaci... Mia mama che ghe '' piaseva '' per necesita far quasi tuto per casa, un giorno decidi a far il snopec de ginepro ,disendo xe bon come medicinal... Smile Smile Vitorio cocolo ghe presta la caldaia ma prima de tuto bisognia gaver i fruti de ginepro [ brenj ]... Con sachi circondavimo il cespuglio e con scasoni le balete cascava per dopo ingrumarle... Un o do giorni de lavor ,risultato quasi un quintal de ginepro, la preparazion del contenuto che andava mesao a bolir, la riceta no so , so solo il risultato co boliva, emanava un aroma sai forte a pericolo de scoperta, una multa e la distruzion dela caldaia al minimo... De sto snopec medicinal, so che tutu voleva una botiglia per curarse... Smile Smile Smile

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Mar Lug 04, 2006 5:02 pm Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Su un post l'altro giorno go mensiona il funeral del investimento de mia mama, de un auto guidada a alta velocita , da un mulo che dopo il urto in un grupo de gente , dove mama e fradel faseva parte, lui continua senza fermarse e sparisi... Eventualmente vien beca, procesa e dopo sai lomghi niente... Ogi di [sevedi no tanto quela volta ]se un lasa la scena del incidente vien considera un criminal... Mi scrivo sta roba per esaltar la pronteza de spirito de un solda american che no centrava niente con noi, che in un lampo se cava la camisa e con la canotiera de coton , involtiza la testa o la ferita dove mama perdeva sangue... Il solda ringrazia, lui va via, la canotiera rovinada eventualmente lavada, la denivimo come un ricordo de quel cocolo american... No saveremo mai, se il mulo fermandose, ofrendo la machina a menar mama zo in ospedal podeva salvarghe la vita...Una roba xe sicura, il xe per conto mio un vigliaco che se meritava una sentenza sai piu dura, ametendo anca se la colpa iera 50/50, che no xe vero...Doveva aiutar e basta... Una roba xe certa ,quel mulo amercan iera un bon american, e basta...

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Mer Lug 05, 2006 4:13 pm Rispondi citando
Karolina
Registrato: 06/10/05 10:05
Messaggi: 1354
Località: trieste




brignavec????la trapa co'l ginepro? da quel che so mi la costa un ocio da la testa adesso.
Profilo Trova tutti i messaggi di Karolina Messaggio privato
MessaggioInviato: Lun Ago 28, 2006 6:43 pm Rispondi citando
Karolina
Registrato: 06/10/05 10:05
Messaggi: 1354
Località: trieste




york ha scritto:
Servolo, se trata de do doline Percedol xe sai piu grande e xe quel piu vicin a Repen, Mercedol vien ciamada la dolina che la xe sula stesa strada ma a sinistra quasi in paese , come go dito la xe drio Daneu piu o meno o fra i do Club sportivi quel ''Jadran/ Cisalpina''... Nel 95 co iero la se vedi nasun la usa come ricreazion , bastanza scovaze me ga fato un poco triste ma noi nei dintorni la conosemo come Mercedol [Mrcedou pa nase ] ... Smile Smile

Salve

York

Ieri, portavo el can a far un caminada, e son andada a veder el lagheto de Percedol...tanti ani che no lo vedevo.
El lagheto o stagno come che volè ciamarlo, el xe in una dolina profonda 34metri, el lago ga un diametro de 30 m. e profondità de 2m.
Ricco de vegetazion, ninfee, caneti e tantissimi alberi tutt'intorno. Dato che ga piovù in abondanza 'sti giorni la zona iera ben fangosa ... go dovù netarme le scarpe prima de montar in auto.

soto 'sti alberi iera bel fresco
Profilo Trova tutti i messaggi di Karolina Messaggio privato
MessaggioInviato: Lun Ago 28, 2006 7:33 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




Cara Karolina e mularia in genere,
ricordeve per favor che postando più fotografie tacade senza cambiar riga tra una e l'altro link se finissi col far sbalar la pagina , come chiaramente dimostrà dall'impostazion del post precedente questo mio.
El mio consiglio xe de cambiar riga tra un link de Imageschack e l'altro, nonchè de cambiar riga anche tra testo esplicativo e foto per ottignir un risultato esteticamente più acetabile e più ordinato.
Ciau,.

_________________
AURIO
Profilo Trova tutti i messaggi di aurio Messaggio privato
MessaggioInviato: Lun Ago 28, 2006 8:33 pm Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Karolina sai bel e piu verde xe il Percedol che te mostri, le ''water Lily''no le iera in tempo de guera ma nanca sai tempo dopo... I tedeschi ga spela la dolina de querce enormi [alberi sai alti e driti] so Percedol se ga refa, ma se lasava i alberi a creser, davero una dolina incantada...

Ciau

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Mar Ago 29, 2006 10:42 am Rispondi citando
Karolina
Registrato: 06/10/05 10:05
Messaggi: 1354
Località: trieste




aurio ha scritto:
Cara Karolina e mularia in genere,
ricordeve per favor che postando più fotografie tacade senza cambiar riga tra una e l'altro link se finissi col far sbalar la pagina , come chiaramente dimostrà dall'impostazion del post precedente questo mio.
El mio consiglio xe de cambiar riga tra un link de Imageschack e l'altro, nonchè de cambiar riga anche tra testo esplicativo e foto per ottignir un risultato esteticamente più acetabile e più ordinato.
Ciau,.
.. ok Aurio, sarà fatto! Mad
Profilo Trova tutti i messaggi di Karolina Messaggio privato
MessaggioInviato: Mer Dic 27, 2006 9:00 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Drio casa mia in tempo de guera, i tedeschi tegniva cavai da tiro in stale svode de una famiglia benestante, che xa de ani no gaveva piu bestiame... La storiela [xa mensionada in pasato] de come muleto , dove i tedeschi me lasava a menar un caval sai docile a disetarse in un a vasca comunale e anca dove a volte me alzava in gropa de sta montagnia de caval , che in verita il caval andava a bever e tornava in stala faxendo tuto da solo , mi in gropa iero solo pe proforma... Un altra roba che me go ricorda de quel grupo de ''tedeschi'', fra de lori iera soldai mongoli [in divisa tedesca] e perche ghe iero sempre soto i pie, un de sti mongoli co se preparava con un caval e careto de menar proviste veso Repen, beata ora ,me invita a sentarme sul caro e via noi... Per strada me dava le redini e mi contento a controlar sto bestion de caval me la godevo un mondo... A mama se vedi no i ghe ga conta de sto viageto mio [ perche no me ricordo rapresalie]... Un viageto fato verso Repen in conpania de un solda mongolo/tedesco che leteralmente podeva eser soto mirin de grupi partigiani nei dintorni, nela mia inocenza e amor per cavai mi me zogavo spensierato... Solo sai piu tardi de adulto me go reso conto , che quel bastardo de mongolo il me usava come scudo ,sperando che nol sara ciapa de mira,gavendo un fiol senta a canto... Bel saria a pensar che ghe ricordavo de suo fio in Mongolia, ma dubito...

Salve

York

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
MessaggioInviato: Lun Ago 02, 2010 3:05 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Che bel xe a veder cari letori e forumisti, quante visite se ga sul post in pagina.... disemo anca se il 95% se ga penti dopo leger un par de righe, pero il resto de 5% che me dago, miga mal! Smile Smile
Bon, cossi incoragiado[con bota e risposta Smile ]continuo a acriver un par de monadine per arivar con dedi incrosai al 6% Smile Smile
Alora parlemo in poche parole i sei mesi pasadi in germania lavorando per la ''Deutsche Bundesbahn''
Nel 1962 torno a trieste dopo sei ani de lavor con le ferovie rhodesiane, fini fochista/ machinista e a trieste trovarse un lavor del genere nanca per sognio, lavorar pei altri a trieste no me andava , quasi me verso un negozio de eletrodomestici con un socio amico.... tuto qusi pronto e al ultimo minuto el cambia idea, mi stufo de bacilar parto per la germania dove iera piu lavor... l'amico furbo eventualmente se ga verto il negozio e nel 95 in gratitudine me ga vendu un televisor a meta prezo ... ''amico'' Surprised
Arivo a dusseldorf, con pochi soldi in tasca el resto go lasa in banca a opcina , aposta obliga de trovarme lavor ala svelta...logico vado per prima in ferovia,varda ti nanca un par de giorni e me refo un lavor ''adiritura statale'' OK i certificati de machinista ga aiuta , ma la spiegazion in tedesco con sai poco italian , de un impiegato del uficio asunzioni, lui finalmente per dirme dove devo presentame e finir le carte e cominciar a lavorar me mostra una cartina e me disi '' IL CAMPO DI LAVORO'' [e si, mi coi cavei in aria penso tu mare putana] e col dedo me mostra VohWinkel una citadina nel Wuppertal bastanza vicin Dusseldorf... fortuna il ''campo di lavoro''iera un deposito machine a vapor doprade per viagi interurbani... senza il fil spina, al contrario una bela e interesante esperienza che continuero co go piu tempo..



York Very Happy

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
Tociarse e gelarse a tuti i costi
Indice del forum » c'era una volta ... a trieste
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015