El rion de San Giovanni iera tanto diverso de adeso sia come case che come persone. Mi abitavo in una caseta nei pressi dela Rotonda del Boscheto, dove che le altre casete le iera nete , quasi lustre, se podeva magnar per tera,tanto iera scovade le stradine. adeso purtropo xe assai trasandà e le persone quasi no se conosi.
Una volta i se sentava fora dela porta e i se meteva a ciacolar, magari con un bicer de vin in man, le galine coreva de una parte insieme con i fioi che tentava de ciaparle.
Me ricordo che de domenica andavo con mio nono e mia nona verso la cesa in alto dove che iera l'osteria "de Albino", mio nono zogava le boce e mia nona se sentava con mi e preparava el radicio coi fasoi e ovi duri per el pranzo che se fazeva soto la pergolada. Adeso xe "Bandiera gialla" sarà più bel no meto in dubio, ma l'atmosfera no xe più quela.
Iera , prorio in mezo alla rotonda una baracheta dove la "musolera" vendeva musoli in un scartozo per pochi soldi , ma el profumo che vigniva fora iera la fine del mondo.
E cossa dir de "Brocchetta"? Iera un'osteria con un grande giardin dove che mi andavo a giogar, se magnava prosciuto con vino novello e quando che iera estate i fazeva el cine . Te se ciolevi qualcosa de bever e te andavi a veder qualche film magari assai vecio:
Adeso al posto suo xe tante case una tacada all'altra come del resto sè un bel grupo de case dove che iera la "Antica capuzera" anche là se andava a magnar, a bever un bon bicer e a rider e farse la cantada:
Cambia tuto , ma quando che sero i oci tuto quel che xe sta una volta me passa davanti come un bel film che no poderò mai dimenticar !!!!!!
:
......dove che iera la "Antica capuzera" anche là se andava a magnar, a bever un bon bicer e a rider e farse la cantada:
Mah Margherita, imaginemose che la sia ancora la, cos'te disi?
Saludime Franco.
_________________ Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Saludado, el contracambia .
Co' go visto la foto son tornada indrio de balin, pecà che xe tuto diverso adeso, me piaseva più prima iera più genuino, più intimo e alegro!!! E pò ............gavevo assai anni de meno !!!!!
Ciao Janos, intanto complimenti per la foto, stupenda....
Come seconda roba volevo domandarte una cortesia, se te xe posibile....
In sta foto, vardando in alto a sinistra se vedi el viadoto guardiella della linea feroviaria Transalpina, no te saria tropo disturbo inviarme sula mia e-mail, una copia de sta foto con risoluzion alta in modo che rivo ingrandir la parte dela ferovia?
De fronte del Vicolo dei Roveri xe ancora due casete che le xe restade come che le iera. Ma savevi che un giorno al Vicolo dei Roveri i ghe gà cavà la gambeta e xe vignudo fora "Vicolo dei poveri" che xe restado per tanti anni!!!
E po iera la Birreria Dreher dove che te andavi a far quatro salti, te magnavi el piato Dreher , te andavi zo per quel bel scalon e te rivavi dentro la bireria che la gaveva quelel bele volte e tante colone! D'estate te se metevi all'aperto , te scoltavi i muli che sonava e te pasavi delle serate in allegria compagnade dalle prime presentazioni che fazeva Fulvio Marion, giovine quela volta e ale prime armi. Se no sbaglio adeso el presenta el Festival dela canzone triestina.
Quando po te pasavi davanti ala fabrica de bira se iera verto un finestron del piano tera te sentivi vignir fora un profumo de bira che te fazeva voia de bever un bicer!
Quando che iero picia mio nono me portava con lui a cior un bel boccal de bira proprio in fabrica e el me fazeva zercar la schiuma, ancora adeso se penso me ricordo el gusto!!!!
Prima che la mia ex moglie me licenzi per superamento del limite fisico de sopportabilità, gò abitado per cinque anni in via dello Scoglio.
Iera una delle ultime case subito sora San Giovanni, dove che comincia via Zanella, sora de "Parigi piccola". El terren rivava fin in via Verga, dove che iera el muro del manicomio. Anche là iera un per de vecie osterie dove che el spritz iera rigorosamente co' la Radenska per nasconder el gusto de quel che gavessi dovudo eser el vin, i tavolini gaveva la mensola soto el piano per meter i biceri co' se zogava le carte e panini iera de vari salumi fatti in casa a do' lire. Per i fioi la moscatella gà resistì fin in ultimo....
-----------------------
Piccolo inciso de storia "quasi" contemporanea:
Nella casa de sora stava Roby, si proprio quel Roby, che no'l iera ancora un architetto mancà e el faseva el botegher. Zà quela volta el me inquietava ... Mi gavevo un can, un pastor tedesco regalà dai "graniciari" del confin de Rupingrande e un gatto ingrumà tra i randagi de l'università, lui gaveva due doberman che pareva venui fora de un film su Auschwitz e, al posto del gatto, un leon. Cucciolo, ma sempre un leon.
Ma questa xe un'altra storia ... stago 'ndando OT ...
Anche là iera un per de vecie osterie dove che el spritz iera rigorosamente co' la Radenska per nasconder el gusto de quel che gavessi dovudo eser el vin ....
Perchè con cossa altro se pol far un bon spritz?
_________________ Ci vuole tutta una vita per capire che nella vita non serve capire tutto
.........el spritz dovessi esser fato col sifon,no esisti più. La radenska de qualche anno fà la vegniva diretamente importada dala fonte e se ve ricordè in fondo dela fiasca (de vetro) restava sempre un poco de roba rossicia, dopo i gà comincià filtrarla e adesso la xe come una qualunque acqua gasada; cola vecia radenska el spritz gaveva tuto un altro gusto e tanti no ghe andava e quel fato col bianco se no te lo bevevi subito cambiava color e butava sul violeto, a mi personalmente quel gusto me piaseva..........
Servolo
Ferma restando la Radenska, no son cussì esigente sul vin ma xe un componente senza el quale un spritz no xe un spritz: l'OVO DURO !!
Un spritz senza l'ovo duro xe come la jota senza capuzi. I doveria renderlo obbligatorio. Come difati iera in tute le vecie osterie de San Giovanni. No esisteva un osteria "seria" dove che no iera almeno un pignatin sempre pronto per far i ovi, altro che i salatini in ciotoline de cristallo e salviette in pizzo macramé dell'epoca post moderna ....
L'obligatorietà de l'ovo no la gavevo mai sentida, ma una certa afinità ... quela si che la sentivo.
Però son pronto a sostener una tesi cussì nobile e gustosa: non separi l'uomo ciò che il gusto ha reso così affine!
_________________ Ci vuole tutta una vita per capire che nella vita non serve capire tutto
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 8Vai a pagina 1, 2, 3, 4, 5, 6, 7, 8Successivo
