TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » le ricette de nonna e vostre » Gnocheti de grìes in brodo.
Nuovo Topic  Rispondi Precedente :: Successivo 
Gnocheti de grìes in brodo.
MessaggioInviato: Gio Mar 05, 2009 6:14 pm Rispondi citando
Auriel
Ospite




Ancora sul vecio forum, 'na volta servolo el gaveva domandado una rizeta par sti gnocheti, mi ghe la gò dada e, a quanto ch'el me gaveva risposto in alora, la ghe jera piasuda e, visto che mi stasera, come primo fazo proprio gnocheti de grìes in brodo (de carne, ben sgrasado) ve la vojo ripropor.

Ingredienti: par tre persone che magna "bastanza" e par quatro che magna "normale"

125 gr de grìes;
1 nose de butiro;
1 ovo intiero;
7/8 cuciari de formajo de grana gratugiado(più che ghe ne xe più boni i vien)
un pizigo de sal fin
late: quanto che ocori par impastar (poco)

In t'un pignatin lasar squaiar el butiro de par lù (no va ben gnanca squaiado a bagnomaria, parcià bisogna ricordarse de tirar fora el butiro par tempo); zontarghe el grìes un fià ala volta e misiarlo beb ben;
butar drento l'ovo, el pizighin de sal fin e continuar a miasiar el tuto,
A sto punto meterghe el formajo de grana e misiar 'ncora: l'impasto el deventerà pitosto "duro" e alora pian pianin zontarghe el late, quel tanto che basta per amalgamar ben el tuto.

Nel fratempo meter a boir el brodo - preparado in preecedenza - in t'una pignata (bastanza granda parchè i gnocheti i cresi 'sai) e, co'l boi, con un cuciarin picio, de volta in volta bagnado in t'una scudeleta de aqua freda, ingrumar un poco de impasto "in modo ch'el risulti ovoidale" e butarlo in te la pignata. Co l'impasto sarà finido, spetar che el brodo riprendi el bolor e far cusinar i gnocheti con la pignata incoverciada (anca pa questo la pignata la devi eser pitosto granda, parchè el brodo el tendi a far schiuma) a fogo baso par un 10/12 minuti ca. e servir ben caldo el tuto: naturalmente ghe devi eser anca brodo e no solo i gnogheti suti.
Ve asicuro che co un primo cusì - se proprio no ghe xe adolescenti in casa che i devi creser - basta una bela terina de insalta cruda mista: xe un pasto completo con carboidrati, proteine, grasi (pochi) e verdure.

Sperando che almeno a questa ghe darè un'ociada e che - se gavarè voja - la sperimenterè, ve auguro bon apetito!

Ciau e stra-bacioni Idea Idea Idea a tuti, Lela.
Gnocheti de grìes in brodo.
Indice del forum » le ricette de nonna e vostre
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015