TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » le ricette de nonna e vostre » Golas (o Goulasch)
Nuovo Topic  Rispondi Precedente :: Successivo 
Golas (o Goulasch)
MessaggioInviato: Mar Mar 03, 2009 7:22 pm Rispondi citando
Auriel
Ospite




El golas come che lo fazo mi!

Ingredienti par 4/5 de lori:

8/10 etti de "muscolo de manzo" (in tochi pitosto grosi - più de quei del spezatin - e, sopratuto tajadi par el "verso" giusto, se no la carne la deventa sfilaciosa);
tanti etti de zivola (rosa o bianca) quanti che xè quei dela carne;
3/4 de vin roso forte (mejo se teran)
1 tubeto de conzentrà de pomidori (come gò zà gavudo ocasion de dir, par mi el "Mutti" xè el miglior);
1/2 bicer de oio extravergine de oliva;
salvia, rosmarin, paprika dolze, pevere nero, sal q.b. (a seconda se se dopra l'aqua o el brodo par cusinar la carne)

In t'una farsora e/o tecia basa e larga (tanto che tuta la carne la rivi star ben distirada in t'un strato solo, se no la mola l'aqua e la deventa lesada) fazo scaldar l'oio, pò ghe zonto la carne la salvia e el rosmarin;
la fazo rosolar ben ben de tute le parti a fogo bastanza alto;
cò le xè squasi rosolada del tuto ghe zonto la zivola tajada a metà e pò a fetine - anche pitosto grose (tanto co'l cusinar la sparisi del tuto lasando el sugo bel denso) - e la fazo dorar pena pena, pò zonto la paprika (tanta) el pevere nero e el sal, misio el tuto e ghe buto drento el vin che laso evaporar;
pò meto la conserva de pomidori, la misio e la laso "disfrizer" un fiàtin;
meto l'aqua o el brodo, coverzo tuto quanto e laso cusinar par almeno un par de ore, zontandoghe ogni tanto - se servi - un caziul de aqua o de brodo.
El golas el và preparado el zorno prima e lasado riposar e pò: bon apetito!!!

Se ve riva vanzar qualcosa del golas, meteghe un tre patate tajade a tochi e gaverè un'otima Kalandraka.

Ciau e stra-bacioni Idea Idea Idea , Lela.
Golas (o Goulasch)
Indice del forum » le ricette de nonna e vostre
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015