TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » animali,natura,piante e giardinaggio » Pupa
Nuovo Topic  Rispondi Precedente :: Successivo 
Pupa
MessaggioInviato: Lun Feb 23, 2009 6:20 pm Rispondi citando
Auriel
Ospite




In t'un altro topic, ieri, gò scrito che Pupa ('na basotina inglese a pel longo) xè stado l'unico can de raza che gò gavudo (a parte el "pastor tedesco" che ghe gavevo comprado al mio fio più grando, par el suo 15° compleano, visto che tanto lo desiderava e par lù gavemo dovudo cior in afito anca un bel toco de teren vizin de casa parchè se no el gavesi patido) e che ve gaverìa contado come mai la gavesi comprada inveze de 'ndar a cior un can in t'el canil come de solito.
Bon, la sera co tornavo casa del lavor fazevo sempre 'na strada indove ghe jera un "novo" negozio de animali e, zà dopo qualche setimana, gavevo visto che indove ghe jera un de quei contenitori apositi - fati de vetro - par tegnir le bestie e sora el fondo coverto con ritai de zornal ghe jera sta basotina che la ugiolava sempre. Pasa ogi, pasa doman la jera sempre là e, alora, dopo un mese son 'ndada drento e ghe gò domandà quanto che la costava. La parona del negozio dopo gaverme dito el prezo (£ 600.000) la gà giustificado el "bon prezo" co'l fato che la cagneta la gaveva zà zinque mesi e che la gaveva gavudo zà do "paroni".
Al primo la ghe jera stada regalada (come tropo speso capita, purtropo!) par un suo fioluz come regalo de Nadal e, dopo quindese zorni i la gà portada indrio parchè in casa "la sporcava". Pò la gaveva comprada 'naltra fameja indove - probabilmente - ghe jera un "paron masc'cio" che la impigniva de biava sempre par la stesa ragion e cusì la xè stada riportada in negozio par la seconda volta. Sentida sta storia e vedendo che sta bestiuza la continuava a frignar mi la gò comprada(senza gnanca dirghe gnente a mio marì) e la gò portada a casa: sarà stado le sìe e mezo de sera. Co son rivada a casa per prima roba ghe gò fato el bagno parchè la spuzava de bruto e, dopo verghe dado de magnar, gò spetà che tornasi mio marì par spiegarghe el tuto. Sta cagneta - nel fratempo - la jera sempre stada tacada vizin de mi, ma co xè rivà a casa mio marì de corsa la xe 'ndada a sconderse soto el divano: la gaveva paura un poco de tuto, ma dei "mas'ci" la gaveva un sacrosanto teror, tanto che ghe gà voludo un bel fià de tempo prima che la scuminziasi a vizinarse a mio marì.
La prima setimana la gò dovuda pasar a dormir sul divano con ela parchè la tremava tuta, la gaveva parfin paura quando che la portavo a spaso: co la vedeva qualchedun la se impiantava e me tocava ciorla in brazo. Dopo pian pianin la gà scuminziado a calmarse, ma - a parte mio marì - de tuti i altri "masc'i" la gaveva paura: de le babe no!
Ve gò contado sta storia par dimostrarve l'infinita stupidità e la gratuita cativeria del'omo verso le bestie!!! Par fortuna no tuti i xè cusì!

Ciau e stra-bacioni Idea Idea Idea , Lela.
MessaggioInviato: Lun Feb 23, 2009 7:25 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Praticamente Lella xe quasi quel che me xe capitado a mi cò gò ciolto la
barboncina nana , el mio primo cagneto.

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
Pupa
Indice del forum » animali,natura,piante e giardinaggio
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015