TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » poesia e prosa triestina » Vacanze in Friul Vai a pagina 1, 2, 3  Successivo
Nuovo Topic  Rispondi Precedente :: Successivo 
Vacanze in Friul
MessaggioInviato: Lun Feb 16, 2009 7:05 pm Rispondi citando
Auriel
Ospite




Me par de gaverve zà dito, de qualche parte, che mia mama la jera nativa dele "Valli del Natisone" e, più precisamente, de un paesin - che se ciamava "Cernizza" - de poche anime, su par un monte, vizin (proprio tanto vizin, no! Ghe voleva almeno un par de ore de coriera e po 'na meza ora a pìe su pa'l monte) a "Cividale del Friuli".
D'istà, ogni tanto la ne portava in vacanza dai sui zenitori che i gaveva 'na speze de "fatoria" con vache, cavai de tiro, porchi, galine e oche; bon, anca là mi e Jure ghe ne combinavimo qualcheduna dele nostre. Mi (che pur tanto amo i animai) e lù ne piaseva 'sai corerghe drio a 'na oca bianca zota, che no la jera dei nostri noni, ma dela fameja più benestante (quela che gaveva più bestie e più tereni) de sto paeseto. Ne piaseva corerghe drio parchè jera l'unica che - se gavevimo fortuna - rivavimo a ciapar.
Un zorno se gavemo meso, come el solito, a corerghe drio a sta oca, che, insema ale sue compagne, la stava razolando su e zò par el paese; dopo verghe corso drio par un bel fià, intanto che la starnazava come 'na mata, sta bruta ... la gà pensado ben de rampigarse su par el recinto del cortil dei sui paroni e, noi, drio. Al de quà de sta recinzion ghe jera l'unica fontana (co l'aqua che coreva sempre) del paese, indove che i abitanti 'ndava a cior aqua e i lavava le straze e i beverava le bestie.
Par corerghe drio, mi son montada su sta fontana e "spataplunfete" son sbrisada drento. Co son rivada a tornar suso ghe gò dito a Jure che, sul fondo, gavevo visto el tapo de conserva a forma de dital (come che i usava 'na volta) e sto m..a: "s'ciunfete" el se gà butado drento anca lù par vardar de rivar a recuperarlo.
Naturalmente semo tornai a casa tuti slavazadi e nostra mama, dopo 'ver starnazado pezo che l'oca in quistion e gaverne - come al solito - imbiavadi ben ben (là no ghe jera gnanca el leton par scondarse soto) là ne gà spoiadi nudi e la né gà conzado in leto (jera, zirca, le undise de matina), parchè no la gaveva più gnanca un cambio de vestidi neto de meterne indoso!
No la li gaveva parchè, tra le altre marachele che combinavimo, ghe jera anca quela de 'ndar rubar fruti nei fruteti dei altri e de portarli a casa sconti drento dela camisa, con l'efeto che podè imaginarve!

Ciau e stra-bacioni Idea Idea Idea , Lela.
MessaggioInviato: Mar Feb 17, 2009 2:47 am Rispondi citando
dan68
Registrato: 15/01/08 11:35
Messaggi: 529
Località: tivoli (RM)




Anca mi 'ndavo de istà in vacanza in campagna. El papà de mio papà el iera infati del Lazio, in provincia de Rieti, e là, in sto paeseto de 'ndove che 'l iera lu, el se gaveeva costruido una caseta (che desso che stago più vizin, pena che posso scampo per i fine setimana). Insoma de muleto, tante volte, 'ndavo a zogar a casa de una mia prozia che la gaveva dò nevode poco più pice de mi, gemele. Drio de la casa de sta mia zia ghe iera l'orto, che confinava co' la ferovia, e là ghe iera sempre gati che girava. I iera un fiatin selvadighi, ma se te li savevi ciapar, pian pianin i te vigniva vizin e po' te li podevi anca carezar.
Ste cugine, dopo un poco, le se meteva a far zoghi de "babe" e mi me cominciavo a romper; alora cominciavo a farghe le bele a un gato de pasagio, e quando che lo gavevo "conquistado", ZAC! lo grampavo per la coda e dopo un secondo el stava svolando verso le mie cuginette, sgnaulando che no ve digo! Surprised Very Happy Very Happy Very Happy Very Happy
Chissà perché, però, dopo un poco i gati i iera meno....abondanti! Surprised Surprised Surprised

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Mar Feb 17, 2009 1:47 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Caro Dan, vedo con piazer che anche ti te ieri pestifero. Very Happy Very Happy Very Happy

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Mar Feb 17, 2009 3:49 pm Rispondi citando
Auriel
Ospite




VERGOGNITE!!!, dan68: povari gati!!! Sig, sig.
Orca pipa rota, me stavo desmentegando: e povare anca le gemele!!! Mad Mad Mad

E ti, margherita, te gavevi 'ncora qualche dubio sul fato che anca dan68 el fusi stà pestifero? Basta che te lo 'vardi deso: de solito "inveciando" no xe che se migliori, anzi!!!

Ciau e stra-bacioni Idea Idea Idea a tuti do, Lela.
MessaggioInviato: Mar Feb 17, 2009 7:06 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Cara Lella mi no gò dubbi che tutti gabi fato le sue, chi più e chi meno, però constato che qualchedun (a buon intenditor) xe stado zito, zito e no se gà fatto avanti.........CIO' MULI NO ME VEGNERE' A DIR CHE VOI IERI TUTI ANGIOLETI vero ? Twisted Evil Twisted Evil

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Mar Feb 17, 2009 7:41 pm Rispondi citando
Auriel
Ospite




FORZA MULI!!! scoltè quel che gà scrito margherita e vignì 'vanti!!!
Vardè, se trovarè el coragio de farlo - me permeto anca par ti, margherita - ve batemo le man in anticipo!

Ciau e stra-bacioni Idea Idea Idea , Lela.
MessaggioInviato: Mer Feb 18, 2009 3:32 am Rispondi citando
dan68
Registrato: 15/01/08 11:35
Messaggi: 529
Località: tivoli (RM)




HECHTGRAZIELLA ha scritto:
E ti, margherita, te gavevi 'ncora qualche dubio sul fato che anca dan68 el fusi stà pestifero? Basta che te lo 'vardi deso: de solito "inveciando" no xe che se migliori, anzi!!!

Ciau e stra-bacioni Idea Idea Idea a tuti do, Lela.


Come saria a dir? Che 'desso son ancora pezo de prima? Ma dai, Wink Wink Wink che no son miga tanto tremendo, 'desso. Margherita, Giacomin e Servolo i me gà anca conossudo e i pol confermar...

Muli, ve prego, no steme rovinar.... Surprised
Ciau

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Mer Feb 18, 2009 12:26 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Certo te gavemo conosudo, gavemo parlado e devo dir che te ne gà fato un'ottima impression, ma chi me disi che soto, soto te sia ancora de più"tremendo" (tanto per usar un eufemismo)? Surprised d'altra parte come che te gà dito ti "l'abito no fa el monaco" Very Happy Very Happy Very Happy Very Happy

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Mer Feb 18, 2009 6:46 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




margherita ha scritto:
Cara Lella mi no gò dubbi che tutti gabi fato le sue, chi più e chi meno, però constato che qualchedun (a buon intenditor) xe stado zito, zito e no se gà fatto avanti.........CIO' MULI NO ME VEGNERE' A DIR CHE VOI IERI TUTI ANGIOLETI vero ? Twisted Evil Twisted Evil





_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Mer Feb 18, 2009 7:38 pm Rispondi citando
Auriel
Ospite




Orseto mio bel, te gò zà dito 'na volta che proprio quela tua faza de angioleto no la prometi ben, anzi! Come che te gà dito qualchedun "l'abito non fa il monaco!" e mi ghe zonto che "la faccia non dimostra la vera natura della persona!"
Tanto xe vero che, el diavolo, el se fà sempre veder come un bel e bravo fiol!!! Very Happy Very Happy Very Happy

Ciau e stra-bacioni Idea Idea Idea a ti e ala tua Orseta, Lela.
MessaggioInviato: Gio Feb 19, 2009 2:23 am Rispondi citando
dan68
Registrato: 15/01/08 11:35
Messaggi: 529
Località: tivoli (RM)




margherita ha scritto:
Certo te gavemo conosudo, gavemo parlado e devo dir che te ne gà fato un'ottima impression, ma chi me disi che soto, soto te sia ancora de più"tremendo" (tanto per usar un eufemismo)? Surprised d'altra parte come che te gà dito ti "l'abito no fa el monaco" Very Happy Very Happy Very Happy Very Happy


Vara ti che mona che son: me gò fregà cole mie man!! In boca serada no va drento mosche, gò sempre dito mi! Very Happy Very Happy Very Happy Very Happy

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Gio Feb 19, 2009 12:11 pm Rispondi citando
margherita
Registrato: 25/12/05 19:43
Messaggi: 3072
Località: Trieste




Mi la savevo anche cussì : "un bel tacer non fu mai scritto". Smile ma quela delle mosche la me xe nova .....xe sempre tempo de imparar anche da chi xe in Cina. Very Happy Very Happy Very Happy

_________________
Nessuno diventa sapiente per puro caso (Seneca)
Profilo Trova tutti i messaggi di margherita Messaggio privato Invia email
MessaggioInviato: Gio Feb 19, 2009 3:44 pm Rispondi citando
dan68
Registrato: 15/01/08 11:35
Messaggi: 529
Località: tivoli (RM)




Sì... Imparar "Cin ciun cian gà pagado el lussignan!" e altre varianti meno... simpatiche che no ve digo.
Comunque quela del tacer la xè tropo in cicara, dei: la mia xè più cocola come espresion! Surprised Surprised Surprised

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
MessaggioInviato: Gio Feb 19, 2009 6:13 pm Rispondi citando
macondo
Registrato: 03/12/05 22:37
Messaggi: 344




margherita ha scritto:
Mi la savevo anche cussì : "un bel tacer non fu mai scritto".


Sto famoso detto triestini el xe spesso stracapido. Diverse persone me lo gaveva menzionado per dir che xe mejo star ziti che dar la propria opinion.

Secondo mi, vol dir esatamente el contario: Che se no te parli al momento giusto, la tua opinion no sará mai ciolta in considerazion.
Profilo Trova tutti i messaggi di macondo Messaggio privato
MessaggioInviato: Gio Feb 19, 2009 7:35 pm Rispondi citando
Auriel
Ospite




Opur, macondo, se la intendi - o almeno mi - cusì:

"SE TE VERZI LA BOCA SOLO PAR FARGHE CIAPAR ARIA [/b](cioè, solo par ciacolar monade) [b]XE' MEJO CHE TE STAGHI ZITO!"

Ciau e stra-bacioni Idea Idea Idea , Lela.
Vacanze in Friul
Indice del forum » poesia e prosa triestina
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 3  
Vai a pagina 1, 2, 3  Successivo
  
  
 Nuovo Topic  Rispondi  
Forumer.it © 2015