TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » witz & barzellete » Sordità?
Nuovo Topic  Rispondi Precedente :: Successivo 
Sordità?
MessaggioInviato: Sab Mag 17, 2008 6:16 pm Rispondi citando
dan68
Registrato: 15/01/08 11:35
Messaggi: 529
Località: tivoli (RM)




Un mato entra in t'un bar. El gà una botilia svoda e tapada in una man e nel'altra un saco serado che se agita e vien fora zighi e urli. El va al banco e, come gnente, el domanda un nero. El barista el varda quel saco che ziga e se agita e dopo un poco el ghe domanda: "La scusi sior, ma cossa la gà là drento?". El mato lo varda sconsolado e ghe rispondi: "La me scusi, ma xè meo che no ghe digo". Però del saco vien fora sempre più casin e el barista se comincia un poco a intajar: "Sior, se no la me disi coss'che la gà là, mi ciamo la pulia: chi me disi che no la gà qualche bestia e che la ghe sta fazendo malagrazie?". Alora l'omo, ormai rasegnà ghe fa: "Bon: la vardi pur dentro coss'che xè. Ma me racomando: no la staghi verzer tropo per ché se 'l vien fora xè afari sui." El barista verzi pian pian, ma in quela salta fora del saco un naneto incazà nero che comincia a spacar tuto: i tavolini, le botilie, i piatini, tuto. In pochi secondi del bar resta intiero solo che el bancon. El barista no sa cossa far: el se meti quasi a pianzer. Alora l'omo ghe disi: "La vardi, mi ghe gavevo dito... comunque no la staghi far cussì; in sta botilia mi go un genio: la lo ciami fora e la ghe domandi quel che la vol. Solo una roba: la parli forte perché el xè vecio e bastanza sordo."
El barista cava el tapo dela botilia e fffffffffffsssssssssssshhhhhhhhhhh! Ecote fora el genio: "Comanda padrone e io esaudirò ogni tuo desiderio!".
El barista comincia a pensar, e ala fine el decidi de domandar un miliardo de euri: "Voio un miliardo!" - el ghe ziga al genio. Tutintùn se senti un remitur che no ve digo e sul bancon del bar casca un biliardo enorme che 'l manda in tochi anca quel'utlima parte del bar che iera restada in pie.
El barista varda l'omo che el ridi soto i mustaci: "Ghe gavevo dito che 'l iera sordo: cossa la credi che mi gò domandà un PAZZO de mezo metro?!?" Very Happy Very Happy Very Happy

(LA XE' UN POCO LONGA, MA LA ME XE' SEMBRADA COCOLINA....)

_________________
OGNI RIDADA GHE CAVA UN CIODO ALA CASSA DE MORTO
Profilo Trova tutti i messaggi di dan68 Messaggio privato
Sordità?
Indice del forum » witz & barzellete
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015