TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » animali,natura,piante e giardinaggio » Le bote marine de Mazatlan
Nuovo Topic  Rispondi Precedente :: Successivo 
Le bote marine de Mazatlan
MessaggioInviato: Dom Feb 24, 2008 7:45 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Volevo meter un atro titolo,
Co' se nasi m#@a se mori m#@a

ma no xe bel scriver parolaze sul titolo. Xe posibile che Berto el botegher pasi de qua in compagnia col vescovo e che i se scandalizi, no se sa mai.

Finchè ne me jero finalmente slogado le spale mi fazevo le nudade de dfistanza, per anni annorun. Dopo go dovù smeter perchè.... ben perchè i tendini dele spale se ga incazà con mi e i xe andadi in sciopero.

Bon, ma lasemo andar se no qua finiso off: Smile Smile Smile Smile

In tema de bote marine, ani fa jerimo in vacanza a Mazatlan. Dal'albergo del Sol, sula spiagia mi vedevo sti usei bianchi sul'isola che ne jera dirimpaeto. No so a che distanza che la jera, ma sara stadi no più de tre kilometri. Una matina go ciolto el binocolo e go visto che quei pareva de eser papagai bianchi. Alora son andà in spiagia e me son meso in viagio.

Nel calcolo no gavevo colto conto de un poco de corente che me portava de fianco, ma no jera tanto mal, la traversada, specialmente con l'acqua cusi calda (anzi tropo calda) jera bel. Me fermavo ogni tanto per goderme la vista de Mazatlan dal mar. A un certo punto ghe go da una brazada in alto per saludar Annette che la me seguiva dala finestra del hotel, e dopo via per un'altra bona oreta de nudar per far la seconda meta dela traversada.

Rivado a un cento e cinquanta metri dala spiagia, circa, dovevo ameter che jer un tantin stanco e che riposarme un'oreta esplorando la spiagia, prima de rimeterme in viagio de ritorno saria sta ben.

A quel punto qualchedum me ga da una frustada per le spale e unaltra per el fianco che no la dimentichero mai. Me son netà i ocialeti per veder mejo e me son beca un terza frustada. Co li go rimesi i ociai, e go guardà daventi de mi, me pareva de eser int'un incubo. Migliaja ed bote marine, una tacada al altra congregade nel'aqua calma al riparo del'sola. Me pareva che le jera de guardia al'isola.

Xe incredibile quanta energia che se trova sconta intei cantoni del corpo co' se xe in procinto de farsela adoso de paura. Son tornà indrio come un motoscafo.


Very Happy Very Happy Very Happy Very Happy Very Happy Very Happy Very Happy

Orso

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
Le bote marine de Mazatlan
Indice del forum » animali,natura,piante e giardinaggio
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015