TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » c'era una volta ... a trieste » I ladri de capuzi.
Nuovo Topic  Rispondi Precedente :: Successivo 
I ladri de capuzi.
MessaggioInviato: Gio Dic 27, 2007 10:49 am Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Per capir mejo sta vera storia de nadal, sucesa in fati due giorni fa, doveria la casa mia qua a Trieste. Xe un imobile de due piani, diviso de un mureto. Da una parte sta mia zia, col suo cancel de aciajo (sempre serà ... no se sa mai, con tuti sti ladri ogigiorno...). La ga el so "quartier" de sora, ma ghe piasi cusinar de soto, al pian teren dove che la ga quel che jera ancora la vecia abitazion de, cinquanta ani fa. EL secondo cancel xe el nostro, con mama che abita de soto e noi de sora.

Importante de carpir sta imagine e tegnirla ben in mente.

Per pranzo de nadal, jera deciso de magnar a casa nostra e cusinavimo Annette e mi. Mia zia, mai una che vol eser seconda a gnente, inveze la decidi che ela la farà le fritole e i capuzi garbi con l a museta, o "kupuz", come che i lo ciama lori a Kuzibreg e noi femo el dindio ala canadese.

Riva la una e semo pronti de unir le fortze per pranzo. El contribto de zia, inclusi capuzi garbi i jera cusinadi de soto dove che la cusina sempre, per no sporcar el "quartier" (mia zia la ga un saloto de sora, dove che nesun no se ga mai sentà... xe per i ospiti). La lasa tuto sul sul spacker spento per portar su de noi, la versi el porton a la cori su in "quartier" per serar o cior qualche roba de altro.

Mi la vedo e fazo un scampon in corte sua, drito in cusina, e ghe ciogo la pignata de capuzi e la porto a casa senza che la se gnanche acorzi.

Mia mama la me vedi e la comincia talmente a rider che la se la fa quasi adoso. Annette la la juta a andar in bagno, ma una volta ce la senti mia zia maledir quei e quei altri e la veciaja tra un "Dove diaulo li go mesi?" e l'altro, ghe vien squasi el steso problema che a mia mama. E mi vado zo, a casa de zia domandandoghe se poso jutarla.

Le contusioni del manigo de scova per le spale me paserà, ma l'epiteto "malagnado mus!" i disi che resterà con mi fil nadal prosimo.

Orso

Very Happy Very Happy Very Happy Very Happy Very Happy Very Happy Very Happy Very Happy

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Gio Dic 27, 2007 12:13 pm Rispondi citando
giacomin
Tutor
Registrato: 12/10/05 08:20
Messaggi: 1561
Località: Trieste




Very Happy Very Happy Very Happy grande Orso Very Happy Very Happy Very Happy savevo mi che a ti bisogna tenirte de ocio Very Happy Very Happy Very Happy

_________________
Tutto passa.....meno el bus che te speti
Profilo Trova tutti i messaggi di giacomin Messaggio privato Invia email HomePage
I ladri de capuzi.
Indice del forum » c'era una volta ... a trieste
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 1  

  
  
 Nuovo Topic  Rispondi  
Forumer.it © 2015