mi su sto forum no go mai scrito ma spero che poderè iutarme...
Me son incuriosì e de qua e de la go trovado un fraco de notizie sui palazi de via cavana, su la curia, sul palazo de Jenner e anche su quel neoclasico che fa angolo con via Madonna del mare, ma niente de niente sul palazo tacà de la curia che i ga pena piturado con un celestin che fa sai strano.
Cosa iera una volta quel palazo? iera parte de la curia anche quel o no c'entra niente?
Mi no go trovado nessuna foto...
Salve, no gò ben presente,devo andar sul posto e veder de che palazzo te parli, intanto benvenuto sul forum, gente che se interessa de storia de Ts servi sempre-
Saluti
Servolo
Salve, in merito al palazzo (via di cavana 14) nol doveva far parte dela Curia perchè nel 1940 stava dentro inquilini civili, e tanti se li ritrova ancora nel 1963, nei stessi anni in piantera iera F.A.C.A.U. di E.Capellari, canceleria e giocattoli che nel '63 xe solo cartoleria.Sempre in quei anni iera sede del Pio Istituto Grisoni (Capodistria), I conti Grisoni de origine veneta iera richissimi e Santo Grisoni el gà fondà l'orfanotrofio de Capodistria che gaveva filiali anche a Trieste. Chissa se esisti ancora. Nela biblioteca de Capodistria xe el fondo Grisoni che gà circa 5000 volumi.E zà che semo in tema te pol contarne qualcossa dei altri palazzi?
Grazie
Servolo
tanto per cominciar te ringrazio. Per quel che so mi prima ancora dei Grisoni gaveva a che far con una certa famiglia Mayer, ma no so niente altro... ve disi qualcosa?
I altri palazzi me interesava perchè leggendo su un altro forum go trovado resoconti de passeggiate nei vicoli e nelle stradele che te fa apprezzar le architetture e la storia vecia, ma no xe che son preparado, insomma no saria farina del mio sacco....
Quel che me interessava de più iera proprio la de fronte, el palazzo de Jenner che adesso xe tutto lisso lisso e secondo mi i ga solo che cava qualche toco. durante le ultime ristrutturazioni...una volta so che iera un convento e dentro el ga ancora porticati e loggiato con volte e decorazioni che, a vederlo de fora, mai se diria.
Altro toco bon xe el palazzo che fa angolo con via madonna del mare....ma qua se va su dettagli de architettura che a leggerli xe bel ma contarli xe difficile.
Ah, Signor K, dove te son che gavemo sai, sai bisogno de ti sti giorni?
Orso
Salve, l'ultima volta che per interposta persona ghe gò domandà informazioni de costarazzi-Kosta racin quel che zercava le informazioni no se gà degnado de dir un grazie, e un altro con prepotenza scriveva de voler saver chi che xe el sior K. E alora ve domando gentilmente de dimenticarve del sior K. E tanto per la cronaca questa sera se gavemo fato fora parlando de Ts un per de porzioni de salmon afumigado, bira de casa senza gas e anche fileti de trota de Bolunc impanadi,el tuto senza parlar del forum,ma solo de TRIESTE,
e adesso per punizion (autolesionismo) vado a dormir senza zena.
Sior K. GRazie per le due orete de ciacole e la prossima volta gireremo come una calza un altro tema de e su Trieste
Penso che non el se rabia se disemo che el "signor K" xè un carissimo amico del vecio forum; e penso non el se rabiasi se inveze de ciamarlo con stà "K" (che trovo una roba antipatica) se metessi el suo nick per intiero.
Anche se non lo conosso de persona sò che el xè troppo intelligente per ciaparsela.
Per chi non lo conossi posso dir, per render l'idea, che questo signor xè "un'enciclopedia vivente" su Trieste e la sua storia
Ultima modifica di giacomin il Lun Set 03, 2007 6:57 pm, modificato 1 volta in totale _________________ Tutto passa.....meno el bus che te speti
Penso che non el se rabia se disemo che el "signor K" xè K,
Se una persona no volesser nominada, bisogna rispetar el suo voler, altrimenti, oltre che no far parte del forum no se poderà nianche sperar in un suo aiuto, perciò no stemo insister tropo su stò tasto,..................
servolo
Xè incredibile come in un piccolo tocheto de Trieste come Cavana, pol venir fora tante notizie, tanta storia,
son proprio contento che esisti ancora persone, come Servolo e sto signor K (el 007 de Ts) che me conta tante robe che no conossevo,
grazie muli,
bye
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 2Vai a pagina 1, 2Successivo
te vederà che desso, co Servolo se scadena, el te saverà dir fin el nome dela portinaia 
