Salve e dopo che gò fato el rutin,partindo de...........sez. enogastronomica........locai agriturismi,tratorie osterie e betole .....el spazzacamin..... el brum me gà portado in piazal Rosmini ala cesa parochiale de Maria Stella del Mare, forsi poco conossuda perchè un poco fora de man, ma sai bela de dentro e visibile col suo campanil de tuta Trieste. Quando che un ghe xe vizin nol se rendi conto de quanto che la xe granda, el campanil bati tuti coi sui 62 metri, e dentro le sue otto colonne de marmo de Aurisina xe i più grandi manufati in un unico toco provenienti de quele cave.Bon e adesso che de un osteria son passà in una cesa ve digo che l'interno xe del stesso autor che gà afrescà l'osteria del spazzacamin,e stò prete del 1912 autor anche del libro:
"La chiave per la comprensione del simbolismo e dei simboli del sacro."
in questo edificio nol ne gà sparagnado simboli, a cominciar dele maniglie per entrar, fate naturalmente a forma de pesse............
.........bon e se Dio vol e La Madona permeti semo dentro, e ne se presenta un bel mosaico drio l'altar, però in schena me riva un vecio frate e comincemo a ciacolar de Luciano Bartoli e dele sue opere, nol saveva dela cesa de Barcola e tanto meno del'osteria del spazzacamin, tute opere sue, però el me conta che el xe morto un sei o sete anni indrio,
naturalmente no se fotgrafa più, solo una ancora,de fora in alto che qualche ignoto murador gà messo una data..........el resto in seguito e vederemo de capir el simbolismo sule porte...........
.............xe caldo forsi xe meio che el brumista me riporti del spazzacamin..........
Che bei giri, Servolo: xe bel sentir parlar, riguardo una zità tuto somà pitosto povera de opere d'arte nel senso classico del termine, de questi tentativi onesti e sinceri de ricondurse a dei flussi culturali antichi e ligadi ai carateri intimi del teritorio. Xe opere, queste de S.Maria Stella Maris, che ribadissi con forza l'apartenenza a una tradizion simbologica ancora più antica del cristianesimo : forsi dirò una corbeleria, ma me ga fato vegnir in mente i mosaici che decora i pavimenti dei magazini che circonda la Grande Piazza de Ostia Antica, dove ogni ambiente ga precisi riferimenti decorativi relativi ale atività marinaresche che là se svolgeva. Trovo particolarmente comoventi in Stella Maris le maniglie a forma de pesce, un omagio pien de significati ala umile ma insostituibile funzion dei pescadori nela vita de una cità de mar.
Bravo Servolo, bel colpo!
Salve Servolo, bel grupo de foto vedemo se rivemo a decifrar i simboli intaiaj nel porton [ sempre se gave voia ]
Coi sinificati giusti dei simboli [ visto che xe un libro] se pol sempre coreger...
Alora comincio mi con la prima foto...
La kluka sul porton= Cristianesimo, Cristiani ??
Seconda foto con quatro simboli verticali...
Nativita , nascita de Cristo??
Lampada, fiama eterna ,fede... aiuto??
L'arca de Noe, aluvion universal??
L'ultimo intaglio xe piu dificile, Maria Madre de Cristo pescador de anime??
spero se continua...
Salve
York
_________________ ".......And whether or not it is clear to you, no doubt the Universe is unfolding as it should."
Se me ricordo ben se gaveva za parlado dela cesa de piaza Rosmini: xe la cesa de rapina fata cole piere smobilitade dal comun nel cimitero de S.Ana e donade ai frati dela cesa per finir e rifinir la cesa.
Bona parte dei simboli e dele sui marmi che se vedi, perciò, no ga niente a veder con la storia dela cesa, ma xe iscrizioni tombali fate nela vita precedente dele piere.
_________________ Ci vuole tutta una vita per capire che nella vita non serve capire tutto
Se me ricordo ben se gaveva za parlado dela cesa de piaza Rosmini: xe la cesa de rapina fata cole piere smobilitade dal comun nel cimitero de S.Ana e donade ai frati dela cesa per finir e rifinir la cesa.
Bona parte dei simboli e dele sui marmi che se vedi, perciò, no ga niente a veder con la storia dela cesa, ma xe iscrizioni tombali fate nela vita precedente dele piere.
...............no, le porte e le porta acquasantiere e due pulpiti interni, xe opere nove de Luciano Bartoli sarà fate de marmi de ricupero ma i simboli xe novi,le piere de ricupero xe per i muri e el campanil, e no xe sai, i stipiti de s. Giusto xe roba de ricupero:una stele funeraria,segada a metà e invertida.
Servolo
Bona parte dei simboli e dele sui marmi che se vedi, perciò, no ga niente a veder con la storia dela cesa, ma xe iscrizioni tombali fate nela vita precedente dele piere.
Scusa Steven, ma, bon che sia el reimpiego de piere de diversa origine nela costruzion dela cesa, me par che sia evidente che la decorazion dei portai xe stilisticamente e simbologicamente coerente, e proveniente dala man de un unico artista dela metà del secolo scorso ( e abastanza epigono anche de certo decorativismo del Ventennio). I simboli xe rigorosamente riferidi al mar, ala Madona e a certa ascendenza simbologica de origine medioeval corelada al culto cristian attivo, e no a figurativismi funebri che peraltro i saria tropo eterogenei per presentarse cusì stilisticamente coesi. E po cossa ghe faria su una piera tombal la stela del mar, el faro, la barca, la barcheta, el sol, la luna, l'arcobaleno etc etc? Son sicuro che le lapidi de "rapina" sia stade impiegade nela cortina muraria o magari nel pavimento, che me par abastanza mismas.
Una persona che "bazzicava" su TriesteMia me ga mandado un suo contributo alla discussion:
el pesse:
el xe in dei simboli fondamentali del cristianesimo primitivo, perchè
pesse in grego xe IXTHUS ( xe una trascrizion più o meno fonetica del
carattere grego) che xe le iniziali de Iesus Christos Theou hyos cioè
Gesù Cristo figlio de Dio.
E no dimentichemo la moltiplicazion dei pani e dei pesci e le varie
pesche miracolose del Vangelo.
La porta successiva, del basso:
la pesca miracolosa apunto cola rede e i pessi, una crose e una corona (
Cristo) Resta el cercio cola M = Maria? de solito in ste robe no i la
tira in ballo, ma come madonna del mar...
po paressi el arca de Noè ( e podessi esser un significato dela Madonna
coma arca della salvezza)
po sora xe la lampada e quel no go dubbio che se riferissi alla
parabola dele vergini sagge e quele stolte: le sagge speta el sposo e le
se ga portado drio la riserva de oio per el lumin
sora xe una stella, par la cometa, ma visto soto dovessi esser Maris
Stella, altro nome dela Madonna
_________________ Tutto passa.....meno el bus che te speti
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 2Vai a pagina 1, 2Successivo
