TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » trieste,piazze,vie,e rioni » come cambia el mondo..come che ga cambià trieste...... Vai a pagina 1, 2  Successivo
Nuovo Topic  Rispondi Precedente :: Successivo 
come cambia el mondo..come che ga cambià trieste......
MessaggioInviato: Lun Mag 28, 2007 10:06 pm Rispondi citando
stellina
Registrato: 10/02/07 23:04
Messaggi: 110




I “nostri centri commerciali”
di 60 anni fa…e più…erano più belli di quelli odierni ed offrivano molto di più da tutti i punti di vista
(ed erano tutti attorno a noi..nel raggio di 500 metri)

Un sangiacomin se ricorda quando chel iera mulo fazendo una riflesion sui nostri rioni de come i iera… e come i xe oggi

tuto in una via

Abitavo in via dele Scole Nove (adeso,Luigi Frausin) e questo che segui xe quanto trovavo tutto intorno…subito fora del porton..
nela stesa via iera la botega de marangon…..una bela e grande botega con operai cocoli e alegri ,qua andavo a cucar come se lavora..i me lasava anche darghe un do limade..al legno..meso in morsa..una de quele morse giganti tute de legno..poco più in la iera l’oficina del fabro....dove andavo a curiosar come se fazeva i portoni..stesa via altro mestier..el bandaio ..anche qua cucavo come se fabricava a man e se saldava le grondaie..con l’acido muriatico per sgrasar el zinco..e lo stagno/piombo..per stagnar ..col stagnador e anche col brusador..a gas..
sul canton..iera la vecia Pina che vendeva radicio….sempre qua iera adiritura due tratorie-osterie.. una col campo de boce (Pavan).. e due scole..una per italian l’altra per slavo..
el ripara bici de via scole nove..iera sai famoso..anche se el beveva un poco..i diseva che i ragi dele bici come li saveva centrar lui..nesun altro saveva, lo vardavo sempre lavorar nela afascinante arte de la qual el iera maestro..
altri due mestieri ..fati da due mi vizini de casa..che i iera fradei ,uno fazeva l’idraulico e l’altro riparava radio..(non esisteva ancora la tv) i prestava le loro opere..a chi ghe le richiedeva ...(nel senso in nero) iera anche un negozio de carta..(vendeva carta e scartozi per le boteghe) .
..incredibile quante atività in pochi metri dela stesa via..ah.. quasi dimenticavo iera anche el materasaio....quel che fazeva materasi novi..ma anche el “petinava” i veci… L’operatore ecologico personal.. el scovazin..insoma,che veniva de matina presto con la sua trombeta de oton..el ne sonava e ghe andavimo in contro col stagnaco dele scovaze..che lui svodava nel suo sacco de tela grigia (come la sua flaida(divisa)….
La baba del late….col suo bidon de aluminio sula testa..che ne portava el late.. e ogni tanto de pasagio veniva …col suo zigar el “gua stagnin ombrelaio”

tuto in un piazal..e in zima dele vie confluenti

Me sposto drio el canton..e rivo in piaza San Giacomo la dela ciesa…e prima de tuto incontro la paneteria..subito più in zo ghe xe el cine Ideale, dove lavorava mia mama la dove gaverò visto a gratis almeno 4-5mila film…mi la iutavo spesso..dopo la scola….(povera mama che fadiga ghe tocava far per tirar su due fioi senza un marì )..deso i ga meso,guarda che strano ..una banca….due pasi avati iera una mendaresa.. ancora due pasi..e trovo la cartolaia….che la matina presto andavo a trovar..e la me diseva …oh bravo bruneto..adeso so che gaverò tanti clienti perchè ti te me porti sempre fortuna….che cocola signora che la iera..ogni tanto ghe fazevo qualche comision..e no la mancava mai de darme una bela mancia ..altrochè quela tirchia de Maria del primo pian..che dopo la comision la me dava 1 o 2 lire de aluminio che mi ghe ficavo nela seradura dela sua porta ..per grazie de tanta generosità..tanto per capirse una spigheta de liquerizia in paneteria costava 5 lire….. .. po subito dopo in porton..iera el caligher nel suo sgabuzin (anche qua andavo speso a cucar come che se riparava le siole dele scarpe)..insieme con la portinaia siora Italia..avanti ancora te entravi nela prima dele due boteghe magnative..la dove mia mama fazeva sempre la poca spesa..che i pochisimi soldi ghe permeteva ..( mentre che scrivo ste robe..me beca un gropo in gola a pensar quanto che la ga dovudo penar in quei ani)....ritornemo in botega, la spesa se fazeva a rate..5 deca de struto..5 de buro..1/4 de risi..ma solo dopoa aver..scansado le bestiuze che no so perchè..ma le iera sempre la ..e un otavo de oio..un poca de farina..e una feta de gianduia con le nosele (ciocolata al taio)..el scontrin fiscale iera quela strica de carta dove el botegher fazeva el conto con la matita..smontada zo dal’orecia.
Sul canton de via del rivo iera l’altro cine concorente dell’Ideale, el Marconi che gaveva anche all’aperto e proprio la go visto el primo film de Don Camillo & Peppone..che tanto me divertiva.Subito la vizin el cine iera i casalinghi….un poco de tuto..dala cafetiera de aluminio..ale scudele pel cafelate..e una dele prime (credo ) cooperative operaie.
Da Prisco..el capeller..mia mama me gaveva comprado per l’inverno una basco..e un paraorecie de lana ..perchè el fredo xe fazeva sentir anche de più zogando in piazal..ai 4 cantoni con la bora..o ala cavalchina..o ai piatini..o ai bobi..o ale scinche..
In maceleria…andavo a cior la plucia pel gato.(ma qualche la vota vista la miseria,el gato ierimo mi e mio fradel)..solo qualche volta una de masinada…ma sempre per el sugo vero de la domenica ,i altri giorni conserva in carta oliata, struto ,lardo..e le conseguenti frize.....…la carne col binocolo.
Dal tabachin..andavo..solo per cior..i fiamiferi per mama..i spetimeunpoco..oviamente..che costava meno dei cerini …dal giornalaio….non gavevo ocasion de spesa,no gavevimo..soldi per le lussezze...cussi se rangiavimo in gheto..o dal strazariol…
Nel piazal e sui cantoni dele vie che guardava sula ciesa..gavevimo a rotazion a seconda dele stagioni; quei che vendeva scarpe invernali in vero cuoio (de carton),le angurie,le castagne..e i mussoli..dela legendaria baraca del “talian”..che mi andavo speso ad aiutar a lavar i musoli nei bidoni (ex fusti tipo quei del petrolio) ..oviamente la paga iera un piato de aluminio (tipo preson de alcatraz)..pien dei gustosi fruti caldi..
No mancava el cesso publico “ da margherita” la condottiera.
l’orologiao nel primo pian vizin al cine (un vecio..gay con una motocicleta col carozin)..chel iera la copia identica de Oliver Hardy (Ollio).....L’orefice con negozio..dove go comprà el mio primo orologio “Vetta incaflex”…
Un fotografo..1 edicola..2 paneterie… 1 forno..per le pinze..dove mia mama portava le pinze a cusinar per pasqua..
In inverno el vetraio vizin l’angolo de via San Marco..iera sempre carigo de lavor..savè la bora sai speso spacava le lastre..no gavevimo le finestre antibora a vetri dopi..a prova de proietile…gavevimo lastre sotili..quele che costava de meno..e una picola sbatuda..le mandava in tochi.
Sempre in piazal..me piasi ricordar el vecio Pepi..col careto dei gelati..in estate e col barachin de castagne d’inverno..in estate iero speso suo “cliente” ma de quei che xe meio perderli che trovarli..ghe domandavo; Pepi un gelato de 5 lire !..e Pepi..”dai bruneto..nianca el crostolo te vien con 5 lire”..e subito dopo el me “slongava” un gelato de 20 !!!
Adeso se un extra comunitario vol pagar 10 euro in monedine de 1 e 2 centesimi i ghe li smaca pertera..con disprezo!!
Al tempo la piaza dela ciesa iera un punto de ritrovo per amici,famiglie e fioi..iera anche un logo de tante manifestazioni sia politiche che de svago tipo bande musicali e altre piacevoleze..che no esisti più (guardè el piazal ogi..che tristeza..un parchegio!!)..la sera in estate iera la più bela roba che te podesi imaginar,star insieme con tanti amici e ciacolar de quel che te farà domenica,quai festini organizar..familie intiere se trovava a ciapar el fresco e far pascolar la mularia più picia ..libera e senza pericoli…un vero rifugio e logo de ritrovo per socializar.
Mi me divertivo anche con i comizi e andavo a guardar Giani “lagrima” sindaco dell’epoca che pianzeva a comando..me piaseva anche Vidali del P.C. ..ma no per pasion politica..che non me ga mai coinvolto..ma me piaseva el modo impetuoso dei sui interventi..po come te podevi no eser coinvolto da questo tipo di tifo politico..quando no se podeva far a meno de eser sveiadi ora da una bomba alla sede del partito in via del pozzo..o alla banda che sfilava pel primo maggio..con tanto de bandiere,accompagnadi dall’inno bandiera rossa ,quando te son fiol..le robe te le recepisi nela maniera più bela no de sicuro dal punto de vista de destra o de sinistra.
Sempre intorno ala piaza iera tre barbieri..el gobbo iera uno de lori..chel gaveva avudo rogne con la giustizia per trafici strani ..credo de pornografia..infati proprio la go visto la prima foto de una baba nuda….ogi fa rider..alora no.
Oviamente no mancava el negozio de radio e ancora me ricordo el giorno che xe inziada la prima trasmision televisiva ..iero la guardar la vetrina con dentro un unico televisor..e la presentatrice..che anunciava l’inizio dele trasmisioni.
Subito a pochi metri del cine Marconi ghe xe la piazeta giuliani..la del rifugio aereo..me piaseva sai andarghe..anche perché iera bel girar per le barache dei fruti e verdura..i banchi del pesse fati de marmo..e le barachete de vestir..economico..ma quel che de più me piaseva iera la salumeria quasi ambulante..un casotto..come una roulote..ma senza riode....la davanti ghe iera un bon profumo de mortadela..
Ma però ancora de più..che no se pol me piaseva la feta de tetina che me dava gratis la donna che vendeva trippe e ance appunto,la tetina…..In zima de via San Marco..iera Furlanetto el barbier baffon, più bel..del rion..cussi almeno diseva le babe..pochi metri più in zo..un’altro barbier..e una lateria (de Pahor) dove dopo che la dona del late no xe più venuda andavo con la botiglia de vetro a impinirla dal bidon in aciao inox col rubineto..più in la..gavesi bastado portarghe la botiglia svoda e lui te dava una piena ..do metri ancora e iera una salumeria con le boti piene de tuto..olive nere, olive verdi, capuzi o ogni ben de dio..altri do metri..e ghe iera la tratoria de Mondo..con giardin all’aperto..
Le due scole la Bergamas e la Vespucci con la refezion..(dove i fazeva una pasta al buro tuta tacada..che mi ghe andavo mato) ....le rientrava de sicuro nei circa 500 mt .
Anche un per de oficine mecaniche dove andavo a domandarghe in regalo qualche baliniera per farse i monopatini (mi lo ciamavo molopatino) e i careti..per molarse zo per via San Marco.
Nei primi metri de via del’istria iera un negozio de eletricità (Riosa) ,una paneteria e el cine Moderno (dove gho visto el primo film in tre dimensioni con i ociai in polaroid)..e un caligher (Norbedo)..
Nela prima parte de via San Giacomo in monte ..gavevimo “el lavatoio”..lo vedevo dal teto de casa mia e speso andavo a cucar le babe che lavava le straze, drio el canton subito dopo el lavatoio ma dirimpeto…iera un carboner..xe proprio la che se fornivimo de carbon Coke ..(el legno costava tropo) per el fogoler de casa (spargher-spachert o come diavolo se scrivi) tacà al lavatoio ..una fontana per cior l’acqua…una oficina mecanica dove lavorava quel mulo che saria diventà famoso campion de moto( morto durante un gran premio in inghilterra) ..parlo de Parlotti..che vedevo speso caminar come un treno..con dei cinquantini..che i sembrava moto da formula GP.
Sempre nel giro di 500mt gavevimo anca : un fondo con materiali edilizi..con .malta calce ecc…
anche due strassarioli ..uno iera Sigaro in via del rivo, dove portavo speso quel che rivavimo ingrumar nei nostri (mi e mio fradel) giri de perlustrazion in zerca de aluminio-oton-rame e fero . I nostri giri preferidi iera ..intorno ala “Pampa” una zona vizin via navali…e po anche la dove De Henriquez gaveva i sui cimeli de guera..un somergibile e altri tochi..vari.
In quele zone intorno ghe iera le casete/vilete…abitade dai americani..e come se sa..”dove c’è abondanza”..te trovi sempre tanti rifiuti & scovaze..la iera sempre qualche toco utile “alla fabbisogna”.
Se poderia dir ancora tanto..ma me go limità solo alle parti alte dele vie vicine ala piaza per restar nei famosi 500 metri..del nostro alora…”primordial centro comercial”
me scuso se el post xe stado tropo longo.

...
sommario delle attività presenti nella zona
.
barbiere-totali 12
parrucchiere-8
salumeria-2
bottega alimentari-4
orologeria-1
orologeria-riparazioni in casa-1
idraulico-in casa senza bottega-1
radio riparatore-in casa senza laboratorio-1
negozio radio & riparazioni-1
elettricità-1
vetraio-1
calzolaio-2
lavatoio pubblico-1
officine meccaniche 3
botteghino frutta e verdure-1
latteria-2
panetteria-3 di cui 1 con forno proprio
stracciarolo-robi vecchi (strazariol)-2
cartoleria-1
scuola-2
asilo-1
falegnameria-1
fabbro-1
biciclette riparazioni-1
bandaio-1
carta vendita-1
riparatore sarracinesche-1
mendaressa-1
casalinghi-1
materassaio-1
tabaccheria-2
giornali-2
mercatino-1
pescheria-1
giardino pubblico-1
chiesa-1
cinema-3
fotografo-1
macelleria-3
bar-3
trattorie-8
carbonaio-1
presenze fisse ma stagionali con baracca o altro:
mussoli
castagne
gelato
bibite fresche


Stellina
Profilo Trova tutti i messaggi di stellina Messaggio privato
MessaggioInviato: Lun Mag 28, 2007 10:41 pm Rispondi citando
Ursus Canadiensis
Registrato: 18/12/05 17:20
Messaggi: 2272
Località: Okanagan Valley, BC (Eden)




Adeso me fe pianzer
Embarassed Embarassed Embarassed Sad Sad

_________________
Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Profilo Trova tutti i messaggi di Ursus Canadiensis Messaggio privato Invia email
MessaggioInviato: Lun Mag 28, 2007 11:47 pm Rispondi citando
Aussie Kangaroo
Registrato: 15/01/06 11:54
Messaggi: 1777
Località: Vermean




Te se ga dimenticado dela drogheria de piaza Giuliani, quela co la vetrina del dentifricio.

Forsi, però, te son più giovine de mio suocero (RIP) che de mulo venindo zo per via Giuliani, no ghe ga funzionado i freni e el xe finido in vetrina (e su mama a pagar i dani....)

_________________
Ci vuole tutta una vita per capire che nella vita non serve capire tutto
Profilo Trova tutti i messaggi di Aussie Kangaroo Messaggio privato Invia email HomePage MSN Messenger
MessaggioInviato: Mar Mag 29, 2007 1:18 am Rispondi citando
york
Registrato: 18/12/05 18:14
Messaggi: 1423
Località: Victoria, BC, Canada




Stellina, fa sempre piaser a constatar una famigliarita de rioni con esate esperienze ''par te descrivi Opcina poco piu lontana''... Te me gha porta indrio perfin con il stagnio e l'acido muriatico e il resto dei mestieri... L'abondanza Amricana e la ''caccia al metallo'' per refarse do lire... Il lavor duro de mia mama, senza via de scampo... Varda podevimo eser fradei!!
Davero un bel toco, comovente e nostalgico... Smile

Salve

York Very Happy

_________________
".......And whether or not it is clear to you, no doubt the Universe is unfolding as it should."
Profilo Trova tutti i messaggi di york Messaggio privato
Ricordi
MessaggioInviato: Mar Mag 29, 2007 8:06 am Rispondi citando
Colin Cesare Colussi
Registrato: 28/12/05 22:32
Messaggi: 483
Località: Frankston Vic. Australia




Stelina, te parli de la mia Trieste, Quela che go conosu' mi. Con i soghi de la tombola in piassal a San giacomo e piasa Perugino ala domenica con la banda comunal che sonava nei intervali. San Giacomo iera l'unico posto dove quando passava un Morto per andar in cimitero la gente alsava el braso con pugno streto in rispeto per el defunto. Con tante tribolasioni e poverta' questa xe la mia Trieste che amo ancora.
Grasie per la memoria. Cesare Very Happy

_________________
La Vita

piu' che la pendi

piu' la rendi
Profilo Trova tutti i messaggi di Colin Cesare Colussi Messaggio privato Indirizzo AIM
MessaggioInviato: Mar Mag 29, 2007 9:37 am Rispondi citando
Durano e Lodina
Registrato: 09/09/06 10:34
Messaggi: 665
Località: Italia




Forsi qualchedun gaverà anche visto mia non per SanGiacomo, che la portava vender latte e fiori rivando a pie da Contovel, ogni matina.
La se metteva difronte la piazza de SanGiacomo dove oggi xè la farmacia e la fermata del bus, e ogni giorno col latte e i fiori (co iera stagion de fiori).
Che tempi.
Oggi te va al centro commerciale Le Torri e la te trovi tutto, però no me piasi sai, troppa confusion, troppa gente, tutto sai impersonale, basta che te compri e te pompi via, preferisso evitarli i centri commerciali.
bye
Profilo Trova tutti i messaggi di Durano e Lodina Messaggio privato Invia email
MessaggioInviato: Mar Mag 29, 2007 3:31 pm Rispondi citando
Desert RAT
Registrato: 30/12/05 18:18
Messaggi: 149
Località: Palm Desert CA




Inveze mi i rioni no li conosso perche' mi go sempre vissu' nel centro, via San Michele dove son nato , via Pozzo del mar e via Crispi.
Profilo Trova tutti i messaggi di Desert RAT Messaggio privato
MessaggioInviato: Mar Mag 29, 2007 4:10 pm Rispondi citando
stellina
Registrato: 10/02/07 23:04
Messaggi: 110




Aussie Kangaroo ha scritto:
Te se ga dimenticado dela drogheria de piaza Giuliani, quela co la vetrina del dentifricio.

Forsi, però, te son più giovine de mio suocero (RIP) che de mulo venindo zo per via Giuliani, no ghe ga funzionado i freni e el xe finido in vetrina (e su mama a pagar i dani....)
...


Si lo so....sa se dovevo andar esato..gaverià dovudo anche agiunger..sempre in via caprin & strete vicinanze ..de quela drogheria che te disi ti ..(difronte sul canton) la botega de alimentari coi ritai de mortadela esposti in vetrina ( mio fradel andava mato pei ritai de salumi..e ancora desso) ..più in zò sempre in via caprin iera el gelatier con la meio pana montata de trieste..proprio vizin de l'arotin..
e sula sinistra scendendo dopo la caserma dela questura..iera un negozieto de zavate..pò in via scalinata iera el fritolin..che profumava tuta la zona coi sui ribaltavapori friti..per asporto (e non)..che no mancavo mai de ciorme prima de andar in cine "masimo" o "alabarda" altro che pop corn..quel iera un mastigar sublime ..
Quando che no me andava pesse..ciolevo nela pasticeria tacada (al fritolin) ..5 deca de diavolini col liquor.....sai boni..opur una o due francesine o in alternantiva due "imbriagone" (chi se le ricorda?)..insoma no saria mai fine de contar tuto quanto se incontrava in ogni metro de strada che se fazeva..in su o in zò..come che te volevi.
Stellina
Profilo Trova tutti i messaggi di stellina Messaggio privato
MessaggioInviato: Mar Mag 29, 2007 6:03 pm Rispondi citando
Durano e Lodina
Registrato: 09/09/06 10:34
Messaggi: 665
Località: Italia




Ma levime sta curiosità, co te ieri picio te andavi in giro con blocco e lapis a anottar tutto quel che te vedevi,
perchè ricordarse tutte ste robe xè incredibile.
bye
Laughing Laughing Laughing
Profilo Trova tutti i messaggi di Durano e Lodina Messaggio privato Invia email
MessaggioInviato: Mer Mag 30, 2007 8:46 am Rispondi citando
servolo
Registrato: 09/10/05 15:55
Messaggi: 2194
Località: trieste




Salve e nei anni '60 iera anche una pompa de benzina del'Agip, e come zà scrito in forum al N°3 xe nati anche Pasinati e Rocco.Sai ben scrito, Stellina..........spetemo el resto
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
MessaggioInviato: Mer Mag 30, 2007 9:39 am Rispondi citando
servolo
Registrato: 09/10/05 15:55
Messaggi: 2194
Località: trieste




Salve che vedemo se intivo qualche nome:
el stramazzer:podeva esser al N°1 Santoni marino
l'oficina dele bici: Vincenzo Stolfo al 3
el bandaio: Povodnik Mario al 6
quel dela carta: Velicogna Stoiano al 6
el marangon: Scaglione Francesco al 17
e i dò fradei che lavorava in nero iera forsi Valerio e Rainero Crivelli
el scovazin personal vol dir che el stava là e anche el lavorava in quela zona? Iera Rossetti Giovanni? Tuto roba de 50 anni indrio..........e sempre nela tua strada tanto per ricordar un pochi de mestieri no tanto comuni iera anche un calista, un chimico,un spazzacamin, una professoressa de musica,.........un per de anni dopo i gà verto anche una tintoria e una officina che fazeva mobileti de fero. Stà via se ciamava "delle Scuole nuove" perchè nel 1840 i gà fato al N°12 una scola e la gà mantegnù el suo nome fin al 1956 diventando via Luigi Frausin, medaia de oro al Valor Militare, arestado dei tedeschi nel 1944 e sparido no se sà dove.
Servolo

_________________
se no guanta cambia
Profilo Trova tutti i messaggi di servolo Messaggio privato Invia email
san giacomo amarcord...
MessaggioInviato: Mer Mag 30, 2007 2:45 pm Rispondi citando
stellina
Registrato: 10/02/07 23:04
Messaggi: 110




servolo ha scritto:
Salve che vedemo se intivo qualche nome:
el stramazzer:podeva esser al N°1 Santoni marino
l'oficina dele bici: Vincenzo Stolfo al 3
el bandaio: Povodnik Mario al 6
quel dela carta: Velicogna Stoiano al 6
el marangon: Scaglione Francesco al 17
e i dò fradei che lavorava in nero iera forsi Valerio e Rainero Crivelli
el scovazin personal vol dir che el stava là e anche el lavorava in quela zona? Iera Rossetti Giovanni? Tuto roba de 50 anni indrio..........e sempre nela tua strada tanto per ricordar un pochi de mestieri no tanto comuni iera anche un calista, un chimico,un spazzacamin, una professoressa de musica,.........un per de anni dopo i gà verto anche una tintoria e una officina che fazeva mobileti de fero. Stà via se ciamava "delle Scuole nuove" perchè nel 1840 i gà fato al N°12 una scola e la gà mantegnù el suo nome fin al 1956 diventando via Luigi Frausin, medaia de oro al Valor Militare, arestado dei tedeschi nel 1944 e sparido no se sà dove.

************************************************************
AMARCORD SanGiacomino...
Dei due fradei che lavorava “in nero” me ricordo solo Pino,altri nomi no me ricordo anche perché no ghe li gavevo mai domandadi.
Stolfo si iera lui..(el centra-raggi) .

Una roba simpatica de ricordar iera le mie “andade” in sala proiezion del cine ideale (sempre a S.Giacomo) ad aiutar Marcelo “l’operator” a tirar su le pellicole, prima de proietarle sul schermo le doveva eser tute pronte e riavolte per incominciar el film.

Me ricordo che ogni tanto le se rompeva e alora bisognava fermar i due ruli ,(uno dei due con la manovela) che se girava a man (niente de eletrico) e incolar la pelicola con l’acetone, sovraponendo i due monconi per circa 1 cm.. darghe una bela penelada de aceton e spetar che tachi..per po tacar a riavolger la pelicola..e meterla pronta in machina de proiezion.

Qualche volta i ruli de un film se el iera longo, podeva arivar anche a 6 scatole porta-pizza..(i rulli de pelicola in scatola rotonda se ciama “pizze”)..e podeva suceder che le pizze arivava l’ultimo istante prima dela proiezion..in sala , con l’ape del nolegiator..e magari el motivo iera che el steso film el rivava all’ultimo perchè pena finido de eser proietado in un altro cine.

La machina de proiezion iera un comato enorme fato “circa” come un normale e solito proietor de pelicole.. solo alto oltra 2 metri..e al posto dela lampadina per far ciaro sula pelicola..iera i bastoncini de carbon rivestidi de rame ..dove ghe pasava la corente e cussì scocava “l’arco voltaico”..fazendo una luce acecante…sai bona per proietar le imagini dela pelicola sul grande schermo.
Questi carboni assai eficenti…gaveva un picio difeto..i se consumava e consumandose i se allontanava uno dal’altro ..(come una candela che se scurta brusando) e quando dopo una certa misura…la luce prima acecante la diventava scarsa ..el schermo diventava scuro e ..l’operator se nol iera atento a prevenir questo “momento critico”el se doveva sorbir le ire del publico in sala che se fazeva sentir a son de insulti tipo “mona de operator sveiite !!.fa ciaro..e se veramente el se gaveva indormenzà..alora veniva zo el cine a son de fisci e urli….una volta sveio (o senza bala) el xe premurava de ri-avicinar i due carboni…la luce riviveva e come per magia.. silenzio in sala.

John Wayne podeva ancora galopar e ai indiani sparar…(cosa i ghe gaveva fato ?)

Ala prosima
Stelina



Servolo
Profilo Trova tutti i messaggi di stellina Messaggio privato
MessaggioInviato: Mer Mag 30, 2007 7:16 pm Rispondi citando
Durano e Lodina
Registrato: 09/09/06 10:34
Messaggi: 665
Località: Italia




Mi no go ancora capì come te fa ad aver tutte ste notizie, o te se ga scritto tutto nei tui giri per Trieste o altro, ma no rivo capir cossa...
bye
Surprised Surprised Surprised
Profilo Trova tutti i messaggi di Durano e Lodina Messaggio privato Invia email
MessaggioInviato: Mer Mag 30, 2007 8:32 pm Rispondi citando
stellina
Registrato: 10/02/07 23:04
Messaggi: 110




Durano e Lodina ha scritto:
Mi no go ancora capì come te fa ad aver tutte ste notizie, o te se ga scritto tutto nei tui giri per Trieste o altro, ma no rivo capir cossa...
bye
Surprised Surprised Surprised

******************************************
carissimo D & L... no non me go mai scrito niente...xe che la nostra "giovineza"...dei "muli" dela mia età..(66)...ga visudo in maniera diversa de desso..e anche le robe più insignificanti gaveva per noi..grande importanza e se aprezava anche.. una spigheta de liquirizia de 5 lire...
In parole povere ..co te son povero..anche una pastasuta de domenica col sugo de carne... te fa creder de eser rico.

Ogi che tuti (o quasi) ga tuto..questo tuto...no val niente.

Per i particolari...forsi ga inciso la mia curiostà e la voia de imparar tuto quel che vedevo....dal fabro..limavo..de Stolfo..ghe tinivo le riode ..in cine ghe iutavo coi ruli....a mia mama ghe iutavo a far le pulizie..ale babe ghe fazevo la spesa..e cussi via....

Provemo a domandarse cosa fa ogi un mulo de 8/10/13/15 ani ?
el zoga con la play-station...el fotografa col celular..el xe un mago col PC..
ma dela vita ..nol conossi niente ..la vita vera ..no virtual intendo!
certo che per fortuna ghe xe sempre le ecezioni..ma questo xe el problema xe solo ecezioni!!

Viva la e po bon..

Stelina
Profilo Trova tutti i messaggi di stellina Messaggio privato
MessaggioInviato: Mer Mag 30, 2007 8:43 pm Rispondi citando
Durano e Lodina
Registrato: 09/09/06 10:34
Messaggi: 665
Località: Italia




Bhè allora xè una fortuna averte su sto forum, grazie
Evil or Very Mad Evil or Very Mad Evil or Very Mad
Profilo Trova tutti i messaggi di Durano e Lodina Messaggio privato Invia email
come cambia el mondo..come che ga cambià trieste......
Indice del forum » trieste,piazze,vie,e rioni
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 2  
Vai a pagina 1, 2  Successivo
  
  
 Nuovo Topic  Rispondi  
Forumer.it © 2015