Salve a tutti la foto che vedete l'ho scattata dopo Barcola sul viale e mi chiedevo di cosa si tratta visto che è abbandonata da tempo, chi mi illumina?Grazie a tutti.
mi te la conto come che la so: una volta iera la casa dei custodi. xe diverse ville su per quella viuzza laterale e una volta i gaveva el custode, però sarà almeno 40 e passa anni che questa casetta non la xe più usada per questo scopo.
_________________ ..che l'A vadi ben, che l'A vadi mal, sempre alegri mai passion!
Salve Massimo,
vedo che no te gà molà el discorso de quele bele foto che te gavevi messo e te son andado a controlar sul posto; de quel poco che se pol distinguer sula N° 3 dovessi esser una picia santabarbara de apogio al forte Kressich, e anche i magazini de sal iera, più o meno de quela forma, no bisogna però dimenticar che in quela zona no iera saline.Resta la polveriera. No iero ancora a veder sul posto e voio domandarte se quel marcapian xe a forma de rodolo, nel caso de si, no dovessi esser dubbi: el rodolo che se lo trova su diverse costruzioni anche in cità xe un elemento distintivo del'architetura militar austriaca, quel toco del ospedal dela Madalena che fà canton via Marenzi-Strada de Fiume gà un bel rodolo; e in origine iera una picia polveriera.Vado in zerca de una foto e te se farà un idea de cossa che parlo.
Servolo
........iera scrito in foto de guera:
Inviato: Dom Gen 28, 2007 10:36 pm Oggetto:
.......la terza, spostada verso el Cedas, quele 2 case grandi in rivao iera magazini de sal o deposito munizioni per qualche bateria costiera...........
_________________
Mia nona, classe 1913, me ga dito che suo papà, pescador che gaveva le barche al Cedas, gaveva in uso una parte della casetta e la i teniva le redi, insieme a altri pescadori.
Dopo xè rivade le società de diporto, e visto che i veci non andava più a pescar, perchè oramai iera o troppo veci o sotto tera, le se ga appropriao dei posti e dei magazzini. Adesso xè come se vedi.
Questa no xè forsi l'origine della casetta, ma almeno la storia dei ultimi 100 ani.
Bye
Sicuro però, che xe peccà de vederlo vacante, un imobile sai interesante (con un pochi de Euro de ricostruzion, evidentemente) che poderia eser usado nel comercio in una maniera o nel'altra. Mi credevo sempre che ghe jera carestia de spazio a Trieste, specialmente sule rive
Orso
_________________ Vieillir est encore le seul moyen qu'on ait trouvé de vivre longtemps.
INVECIARSE XE TUTOGI LA SOLA MANIERA DE VIVER A LUNGO.
Bhè, te vedi Ursus, da quando xè questa amministrazion i lavori pubblici xè orientadi solo verso le cose molto visibili, quel che no se vedi o se vedi poco i cerca de nasconderlo, sennò come i pol farse bei per le prossime elezioni?
Chissà, magari quela caseta ga un secondo fine che venierà svelado solo più in la...
Bye
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
