TRIESTE FORUM
login.php profile.php?mode=register faq.php memberlist.php search.php http://trieste.forumer.it

Indice del forum » poesia e prosa triestina » LA TRIESTE DE AURIO Vai a pagina 1, 2, 3, 4, 5, 6, 7  Successivo
Nuovo Topic  Rispondi Precedente :: Successivo 
LA TRIESTE DE AURIO
MessaggioInviato: Sab Nov 26, 2005 2:55 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




Aprofito de questa nova oportunità per meterve a parte de un mio percorso insieme topografico e spiritual che, sul fil dela memoria, se snoda per tante vie, piaze e loghi dela nostra Trieste. Qualcheduna de queste mie poesie le gaverè za lete in un altro forum, ma no essendo più disponibili là per mia scelta, ritegno giusto meterle qua in questo forum de amici che poderà giudicarle e, se oportuno, fis'ciarle :) .
Soto cola prima,.......

_________________
AURIO
Profilo Trova tutti i messaggi di aurio Messaggio privato
MessaggioInviato: Sab Nov 26, 2005 3:05 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




EL CANAL

In questo vecio, vecio e grande mondo
che de Trieste no conossi l'orma,
te se pol dimenticar de tante robe
e creder che sia 'l mondo la tua casa.

Ma se te cori in zerca del tuo cuor,
ecolo là, ligà con una corda
ale piere del Canal, fra do barchete,
che ' l se dondola e 'l speta
che el suo paron ritorni
a farghe una careza de lontan,
tropo lontan.....


Ultima modifica di aurio il Dom Nov 27, 2005 1:38 am, modificato 1 volta in totale

_________________
AURIO
Profilo Trova tutti i messaggi di aurio Messaggio privato
MessaggioInviato: Sab Nov 26, 2005 10:09 pm Rispondi citando
andy
aministrator
aministrator
Registrato: 05/10/05 01:44
Messaggi: 831
Località: TRIESTE




bravo Aurio , bela come le altre la lontananza de trieste te amplifica i sentimenti de amor per la nostra bela cità
Profilo Trova tutti i messaggi di andy Messaggio privato MSN Messenger
nostalgia?
MessaggioInviato: Dom Nov 27, 2005 10:09 am Rispondi citando
Karolina
Registrato: 06/10/05 10:05
Messaggi: 1354
Località: trieste




bella poesia Aurio :!: complimenti :!: Very Happy te ga un poca de nostalgia de la tua bella città Confused: Sad

_________________
..che l'A vadi ben, che l'A vadi mal, sempre alegri mai passion!
Profilo Trova tutti i messaggi di Karolina Messaggio privato
MessaggioInviato: Dom Nov 27, 2005 2:42 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




PIAZA SANT'ANTONIO NOVO E VIA PONCHIELLI

Quando che la campana me ciamava
de Sant'Antonio, che iera mezogiorno,
la me diseva "Cori,cori a casa,
che mama za ga preparà la tola.
Lassavo 'l giardineto coi sui zoghi.
chè dopopranzo ?ndar dovevo a scola.

Rifazo quela strada anche a sta ora
che mezogiorno xe passà de un toco,
ma la campana in cuor sempre me sona
e la me disi ormai che resta poco.
Passo davanti ala casa dele bisse
e inconto un putelin che cori a casa:
e più le bisse sul porton se ingropa,
più me se ingropa 'l cuor e 'l ziga "Mama!"

_________________
AURIO
Profilo Trova tutti i messaggi di aurio Messaggio privato
MessaggioInviato: Dom Nov 27, 2005 9:28 pm Rispondi citando
aurio
Registrato: 14/10/05 23:54
Messaggi: 850
Località: Roma - Trieste




BARCOLA

Quante tociade,muli ai topolini,
quante ridade!
Quante nudade per 'rivar ai travi,
quante dorade!
E per no perder ale cinque 'l tran
quante sudade!
E nel rimorcio, dal DIN fin a Roian,
che sbatociade!
Ma ormai l'inverno xe rivà nel cuor,
che refolade!
No xe più istà, no xe più gnanche autuno,
robe passade.
E le tenere foie mie de primavera
no xe tornade.


Ultima modifica di aurio il Ven Set 12, 2008 11:04 pm, modificato 1 volta in totale

_________________
AURIO
Profilo Trova tutti i messaggi di aurio Messaggio privato
MessaggioInviato: Dom Nov 27, 2005 11:59 pm Rispondi citando
micel
Ospite




Hola, aurio.
Me domando in che ostià de canton te le gavevi ficade de l'altra parte.
Va ben che jero 'ssai impegnà co' le barufe, però ogni tanto trovavo anche el tempo per leger qualcossa, e mi, no' le go mai viste.

...'desso, no' fermarte.
MessaggioInviato: Lun Nov 28, 2005 12:47 am Rispondi citando
aurio
Registrato: 14/10/05 23:54
Messaggi: 850
Località: Roma - Trieste




Efetivamente le gavevo messe in ordine sparso secondo che se presentava l'ocasion parlando dele varie vie de Trieste. Xe sta infati bastanza caligo ritrovarle per cavarle, e sicuramente qualcheduna me sarà sbrissada per no aver fato in tempo prima che Giacomin scoverzessi beatamente i altarini e i "moderatori", impegnai cola manera, i se acorzessi che i topic dimagriva in zito.......
Pazienza: tanto sicuro i vien a cucar anche qua......Per qualchedun confesso che me dispiasi, ma purtropo el sconta le malefate de qualcun altro.....
ciau

_________________
AURIO
Profilo Trova tutti i messaggi di aurio Messaggio privato
MessaggioInviato: Lun Nov 28, 2005 12:57 am Rispondi citando
aurio
Registrato: 14/10/05 23:54
Messaggi: 850
Località: Roma - Trieste




SCALA DEI GIGANTI

El sol e l'ombra passa carezando
scalini e antri ricamai de piere
dela Scala dei Giganti su per l'erta
come i cavei de un grande mostro orendo
che inghioti i auti cola boca spalancada.
Li go saltai a due a due de picio,
rampigai li go de grande a un a un,
e 'desso tanto xe che no ghe vado,
tropo me pesa 'ndar per tante scale.
Ma de tanto in tanto 'l cuor solo soleto
se ciapa su,credendo che no vedo,
e'l svola verso 'l sol su pei scalini:
ma ormai xe morto 'l salice piangente
che con un picio sufio 'l dondolava tuto
come le vele dele barche in golfo.
E pensando de rivar fin a San Giusto
me trovo inveze sospeso a metà strada,
con tanta voia de rivar in zima,
ma dopo in zo me zuca la paura
de no trovar,su in alto dele scale,
quel muleto che soridendo 'l speta
de zogar a balon con mi e 'l mio cuor...

_________________
AURIO
Profilo Trova tutti i messaggi di aurio Messaggio privato
MessaggioInviato: Lun Nov 28, 2005 8:31 pm Rispondi citando
nat
Registrato: 06/11/05 00:41
Messaggi: 264




questa ultima xe la mia preferita...... Very Happy
Profilo Trova tutti i messaggi di nat Messaggio privato
MessaggioInviato: Mar Nov 29, 2005 12:19 am Rispondi citando
aurio
Registrato: 14/10/05 23:54
Messaggi: 850
Località: Roma - Trieste




....ma no xe l'ultima Very Happy

_________________
AURIO
Profilo Trova tutti i messaggi di aurio Messaggio privato
MessaggioInviato: Mar Nov 29, 2005 12:23 am Rispondi citando
aurio
Registrato: 14/10/05 23:54
Messaggi: 850
Località: Roma - Trieste




SAN LUIGI

Daghe le piade
a quel balon
in quel campeto
de San Luigi.
Zoghi de fioi.
el sol che sbrova.
tombole in tera
ginoci sgrafai.
Sfiladi xe i ani
davanti de mi:
no xe più 'l campeto
andadi xe i fioi.
Epur se ghe penso
ale robe passade,
'l balon no xe più
ma resta le piade.

_________________
AURIO
Profilo Trova tutti i messaggi di aurio Messaggio privato
MessaggioInviato: Mar Nov 29, 2005 12:32 am Rispondi citando
aurio
Registrato: 14/10/05 23:54
Messaggi: 850
Località: Roma - Trieste




PIAZA UNITA' DE CARNEVAL

Corè, fioi, corè, xe 'l vostro zorno,
feghe ciapar paura ai colombini,
e feve corer drio de vostra mama
che no vol che se sbreghi i costumini.
Godè 'l momento, podè dimenticarve
del futuro che ve speta 'l zorno dopo,
quando ve acorzerè, finido 'l zogo,
che 'l futuro xe bel perchè futuro.
Ma 'ndando in zerca de quel che xe stà,
dopo che quel che sarà xe stà,
solo un presente te dà un baso in fronte,
sempre fradel, sorela, amante e mama
quando che nel tramonto che se indora
te vedi 'l mar che col ciel se incontra ancora
tra i due pennoni che te speta ancora
a rampigarte sule statue
ancora.
Corè fioi, corè, xe 'l vostro zorno,
Piaza Unità xe sempre là, granda e cinina,
come un amor che quanto grande 'l sia no sa.

_________________
AURIO
Profilo Trova tutti i messaggi di aurio Messaggio privato
MessaggioInviato: Mar Nov 29, 2005 12:30 pm Rispondi citando
fede
Registrato: 09/10/05 11:47
Messaggi: 1037
Località: Melbourne




Aurio, no go altre parole che: te son un poeta!!!
Zonta ancora, no vedemo l'ora de leger avanti...

_________________
ma chi te ga ciama`...

Profilo Trova tutti i messaggi di fede Messaggio privato
MessaggioInviato: Mar Nov 29, 2005 1:44 pm Rispondi citando
Falstaff
Registrato: 14/10/05 17:36
Messaggi: 467
Località: Drysdale




AURIOOOOOOOOOOO, dove xe quela poesia dei due fari che se schiza i oci de una parte al'altra del golfo?????

Wink Wink Wink

Lucio

_________________
Ciau Giacomin....
-------------------------------------------------------
Condenadme, no importa, La historia me absolverá. Fidel Castro Ruz
Profilo Trova tutti i messaggi di Falstaff Messaggio privato Invia email
LA TRIESTE DE AURIO
Indice del forum » poesia e prosa triestina
Non puoi inserire nuovi Topic in questo forum
Non puoi rispondere ai Topic in questo forum
Non puoi modificare i tuoi messaggi in questo forum
Non puoi cancellare i tuoi messaggi in questo forum
Non puoi votare nei sondaggi in questo forum
Tutti i fusi orari sono GMT + 1 ora  
Pagina 1 di 7  
Vai a pagina 1, 2, 3, 4, 5, 6, 7  Successivo
  
  
 Nuovo Topic  Rispondi  
Forumer.it © 2015